Eftir Kristínu Ingu Þormar:

Það hefur líklega ekki farið framhjá mörgum - en kannski þó, að umræða hefur skapast í samfélaginu um kynfræðslu og fræðslu um kynvitund barna í grunnskólum þessa lands, og sitt sýnist hverjum.

Þessar umræður má finna með leit á netinu.

Sem fullorðin manneskja, móðir og amma er ég gáttuð á þeirri kynfræðslu sem verið er að bjóða börnum upp á, í það minnsta í sumum skólum.

Ég fæ ekki betur séð en að verið sé að rugla börn í ríminu með því að afmá skilin milli kynjanna tveggja, að þau geti verið strákar þótt þau séu fædd sem stelpur, og öfugt, kenna þeim að vera kynverur á unga aldri, og að þau geti alveg skipt um kyn. Að það sé bara eðlilegt að vera trans.

Kynfræðsla 6. bekkjar

Á þessari mynd má sjá kennsluefni um hvenær kynþroski byrjar, og takið eftir því að ekki er talað um kynið sem barnið fæddist í, heldur þá sem hafa eggjastokka og þá sem hafa eistu!

Þarna segir að krakkar með píku verði orðnir kynþroska þegar blæðingar byrja, og krakkar með typpi þegar sáðlát verður.

Hvað veldur því að ekki er lengur talað um stelpur og stráka, konur og karla, kvenkyn og karlkyn?

Þetta er ekkert flókið, aðeins stelpur fæðast með píku og eggjastokka, og aðeins strákar með typpi og eistu.

Líffræðilegu kynin eru bara tvö, punktur.

Hér getið þið séð meira úr þessu kynfræðsluhefti fyrir sjötta bekk.

Ég spurði dótturdætur mínar sem eru í fjórða og níunda bekk grunnskóla um hvort kynfræðsla sé byrjuð í þeirra skóla, en þær búa í bæjarfélagi utan Reykjavíkur.

Sú yngri sagðist ekki vera farin að fá slíka kennslu, og sú eldri sagðist vera búin að einhverja fræðslu, og þá þessa hefðbundnu um kynfæri stráka og stelpna, blæðingar og slíkt, engin transfræðsla þar.

Upplifun móður

Kunningjakona mín hefur sagt mér að hún viti um eina 7 ára stúlku sem er í grunnskóla í Kópavogi sem veit ekki lengur hvað karlmaður er og spyr mömmu sína alltaf hvort fólk sé hán, kvár eða stálp.

Barn hennar á unglingastigi er að læra um 9 ný fornöfn í skólanum, og barni hennar í fjórða bekk hefur verið kennt að það megi skipta um kyn, sé eðlilegt að kyssa sama kyn og fleira.

Sama barn (9 ára!) sagði að kennarinn hefði líka verið að tala um sjúkdóma í kynfærum karla.

Hún hefur aldrei sem foreldri fengið að vita hvað verið er að kenna börnunum hennar, og hefur hvergi fundið það í tölvupóstum frá skólanum eða inni á Mentor.

Hún hafði í rauninni ekki hugmynd um að verið væri að kenna börnunum hennar þetta fyrr en móðir 7 ára stúlkunnar benti henni á það.

Upplifun barna hennar af þessari fræðslu er að þeim þyki hún svo vandræðaleg og óþægileg að þau vilji sem minnst tala um hana heima.

Kópavogur

Skólanám ofangreindra barna fer fram í Kópavogi, sem vinnur nú að innleiðingu Heimsmarkmiða Sameinuðu þjóðanna.

Þess má geta að Kópavogsbær hefur látið dragdrottningu lesa hinsegin sögur fyrir börn.

Ætli "hún" sé að kenna börnunum eitthvað svona, eða svona?

Erlend dragdrottning segir að "hún" skilji ekki hvers vegna foreldrar ættu að vilja að dragdrottningar séu að lesa fyrir börnin þeirra.

Þess má líka geta að bæjarstjóri Kópavogs er "agenda contributor" hjá The World Economic Forum, sem eru að vinna að því þessi misserin að ná alræðisvaldi yfir heiminum.

Katrín Jakobsdóttir forsætisráðherra okkar er það líka.

Vika6 sem Jafnréttisskóli Reykjavíkur stýrir

Hér má sjá umfjöllun um Viku6, en í þeirri viku er starfsfólk grunnskóla og félagsmiðstöðvar borgarinnar hvatt til að setja kynheilbrigði í forgrunn og bjóða upp á fjölbreytta kynfræðslu.

Þarna kennir ýmissa grasa, og ég hvet alla foreldra grunnskólabarna til að skoða þessa síðu vel.

Þarna er líka verið að fjalla um kynfræðsluefni ætlað 5-8 ára börnum, þar sem þeim er meðal annars kennt að þótt við fæðumst sem strákar eða stelpur, þá finnum við fyrir því innra með okkur þegar við verðum eldri hvort við séum strákur eða stelpa!

Er þarna verið að koma inn einhverjum hugmyndum hjá blessuðum börnunum strax á unga aldri?

Kennsluefni grunnskólanna

Þessi nýja stefna í "kynfræðslu" barna er hluti af stærri áætlun, sem gengur út á að setja heimsbyggðina undir alræðisvald viti firrtra auðkýfinga, samtaka og stofnana, en ég hef bloggað um það ótal sinnum undanfarin tvö ár.

Heilbrigðisstefna til ársins 2030 samþykkt á Alþingi

Þessi heilbrigðisstefna Svandísar Svavarsdóttur var unnin í samstarfi við Alþjóðaheilbrigðismálastofnunina (WHO), sem ég hef fjallað um í tugum bloggaundanfarin tvö ár.

Heilbrigðisstefna Evrópu til ársins 2020 sem Evrópuskrifstofa
Alþjóðaheilbrigðismálastofnunarinnar (WHO)
birti árið 2012 byggist á ákveðnum grunngildum en
þau eru sanngirni, sjálfbærni, gæði, gagnsæi, ábyrgð,
jafnrétti kynja, virðing og réttur til að taka þátt í
ákvörðunum.

Og ...

Jafnframt var stuðst við heimsmarkmið Sameinuðu þjóðanna um sjálfbæra
þróun.

Þessi heimsmarkmið hef ég fjallað um eða minnst á í fimm bloggum, í því fyrsta má sjá hvað raunverulega býr að baki þeirra og í því nýjasta má sjá enn skýrari táknmynd af þeim.

Ég rakst á nokkurra ára gamalt vídeó þar sem farið er yfir þessi "fögru" markmið í stuttu máli, og vakti markmið númer 5 sérstaka athygli mína.

Agenda 2030 translation - New World Order disguised as Sustainable Development

Athygli vekur að þessi heilbrigðisstefna Svandísar nær til ársins 2030, þegar Sameinuðu þjóðirnar ætla að vera búnar að uppfylla "Agenda 2030", eða hina nýju heimsskipan.

Íslensk stjórnvöld, landlæknir og sóttvarnalæknir fóru að miklu leyti til eftir tilmælum WHO í "heimsfaraldrinum", en stofnunin er búin að boða röð smitfaraldranæstu 10 árin, hvernig í veröldinni sem það er hægt.

WHO og Sameinuðu þjóðirnar (SÞ) hafa gefið út og sent skjöl til allra þjóða heims, leiðbeiningar handa kennurum um hvernig haga eigi kynfræðslu barna.

Þar er öllum leikskólum og grunnskólum boðið að kenna litlum börnum að byrja að fróa sér, eiga bólfélaga, nota klám á netinu og fleira.

Einnig á meðal annars að fræða 9 ár börn um fyrstu kynmök, hvernig á að upplifa kynlíf með því að nota internetið og farsíma og læra mismunandi kynlífstækni.

Hér má sjá Google þýðingu á þessum hryllingi.

Þessi síða finnst ekki lengur inni á vefsíðu WHO þegar maður smellir á hlekkinn, heldur fer maður beint inn á heimasíðuna þeirra, það er semsagt búið að taka hana út af vefnum.

Þið getið þó sótt þetta skjal hér.

Lesið allt um þennan óhugnað hérna, og horfið á vídeó á vegum WHO þar sem litlum krökkum er kennt hvernig best sé að fróa sér kynferðislega þannig að þau finni fyrir sem mestum unaði.

Og hér má sjá leikföng úr kynfærum og teiknaða mynd af því hvernig eigi að sleikja typpi, ásamt annarri "kynfræðslu" fyrir börn.

Og nú vilja SÞ og fleiri lögleiða afglæpavæðingu kynlífs með börnum, enda sé annað brot á mannréttindum. Með þessu er verið að lögleiða barnaníð og annan hrylling gagnvart börnum.

Og þess má líka geta að Bill & Melinda Gates Foundation hefur gefið milljónir dollara til frjálsra félagasamtaka sem leitast við að normalísera vændi og kynvæðingu barna yngri en 10 ára.

Þessi "góðgerðarstofnun" þeirra er líka einn stærsti fjármögnunaraðili WHO, sem veitir henni gríðarlega mikil völd og áhrif.

Margt bendir til þess að í byrjað sé smám saman að innleiða þessa kennsluhætti WHO og SÞ í ýmsum sveitarfélögum hér á landi, sem að mínu mati og annarra eru stórhættulegir saklausum barnssálum.

Ég veit að ég mæli fyrir munn margra hér

• Það er ekkert eðlilegt við að segja 9 ára börnum að þau séu kannski í "vitlausum" líkama og að það sé allt í lagi að vera trans og skipta um kyn.
• Það er ekkert eðlilegt við það að kenna litlum börnum hvernig þau eigi að byrja að fróa sér og nota klám á netinu.
• Eða að segja ungum börnum að þau séu kynverur.
• Það er heldur ekki í lagi að telja börnum trú að kynin séu mörg, eins og þessierlenda dragdrottning gerði, en "hún" var rekin úr starfi fyrir að segja 11 ára börnum að kynin væru 73.
• Að hverra mati eru dragdrottningar taldar góðar fyrirmyndir fyrir börn?
• Það var algjör óþarfi að troða þessum nýstárlegu kennsluháttum í stærðfræðiverkefni sem ég sá, þar samanstóð fjölskyldan af tveim mæðrum, stelpu og stálpa minnir mig. Hvað er stálpi eiginlega, eitthvað nýtt stærðfræðitákn?
  
• Hvað er að því að gera verkefnið bara um hefðbundna fjölskyldu, pabba, mömmu, son og dóttur?
• Enginn amast við því að fullorðin manneskja taki þá örugglega erfiðu ákvörðun að fara í kynleiðréttingarferli, en hún gerir það þá sem þroskuð manneskja, væntanlega að vel íhuguðu máli.
  
• En að koma þessum hugmyndum inn í kollinn á ungum börnum er bara andstyggilegt, og þau hafa eðlilega engar hugmyndir um hvaða afleiðingar það getur haft fyrir þau.
• Þau vita ekkert hvað hormónablokkerar eru sem fresta kynþroska þeirra, eða hvað þá að þeim muni standa til boða að skera af sér brjóst og kynfæri sem hluta af kynleiðréttingarferli, og að svona aðgerðir séu óafturkræfar.
• Frásagnir margs ungs fólk um reynslu þess, oft alveg hræðilega af þessum aðgerðum má finna t.d. á YouTube. Reynsla margra þeirra er sú að þeim hafi verið þrýst út í þetta ferli á viðkvæmum tímum í lífum þeirra og þau hafi ekki fengið nægjanlega góða fræðslu um kosti og galla. Margar transkonur sjá eftir að hafa látið fjarlægja kynfæri sín, og upplifa erfiðleika við þvaglát og endurteknar sýkingar á þessu svæði.

Samtökin 78 og 22

Hér á landi hafa Samtökin 78 fengið það hlutverk að innleiða kennsluhætti í kynfræðum inn í íslenskt skólakerfi án þess að inntak þess sé opinbert og margir sveitastjórnarmenn viti ekki hvers konar eða hvaða fræðslu þeir séu að borga fyrir.

Sjá umfjöllun og gagnrýni um það hér sem olli miklum úlfaþyt í samfélaginu, en þar viðrar höfundur áhyggjur sínar meðal annars af því hvort fræðslan gangi út á að sá vafafræjum í huga barna varðandi það kyn sem þau fæddust í.

Þetta eru spurningar og gagnrýni sem á fyllilega rétt á sér, ég efast ekkert um að Samtökin 78 séu að vinna heilshugar eftir eigin sannfæringu, spurningin er bara hvort hún eigi nokkuð erindi til barnanna okkar.

Samtökin 22 sem eru hagsmunasamtök samkynhneigðra taka í sama streng og segja hér annars:

Þau segja einnig að transumræðan eigi ekkert skylt við réttindabaráttu samkynheigðra.

Þau munu aldrei troða sér í skólana, það eina sem þau vilji sé að börnum sé kennt að fjölskylduformið er fjölbreytt og að sumt fólk laðast að sama kyni.

Þetta tek ég heils hugar undir, þetta er bara sjálfsögð og eðlileg fræðsla.

Öll barátta fyrir eðlilegu og mannsæmandi lífi á fullkomlega rétt á sér því við fæðumst jú alls konar, gagnkynhneigð, samkynhneigð, líkamlega og/eða andlega fötluð, sem er ekkert sem við völdum fyrirfram, en við eigum öll að hafa sömu mannréttindi. Líka þau sem kjósa að fara í þetta ferli.

Staðreyndin að fólk þurfi að berjast fyrir sjálfsögðum mannréttindum er bara sorgleg. Það er þó aldrei réttlætanlegt að reyna að innræta einhverjum "sannleika" einhvers hóps upp á annað fólk, og hvað þá börnum.

Hér er Facebook síða Samtakanna 22, þar sem kynnast má þeim og þeirra málstað betur.

Fólk þarf að gera sér grein fyrir því að allt ofannefnt er runnið undan rifjum illra afla, og eitt af markmiðum þeirra er að jaðarsetja fjölskylduna. Þetta er enn ein aðferð þeirra til að stuðla að "nauðsynlegri" fækkun mannkynsins.

Ég ætla að minna ykkur á að heilbrigðisstefnan fyrir Ísland var gerð í samvinnu við WHO (sem er að stórum hluta til fjármagnað af Bill & Melinda Gates Foundation).

Þetta kynjarugl með börn eru bara enn ein tilmælin sem koma frá WHO - sem við fylgjum svo gjarnan eins og sjá mátti í Covid þegar Þórólfur réttlætti ýmis höft og skerðingar, þetta voru bara tilmæli frá WHO sagði hann.

Þið sem eruð foreldrar eða afar og ömmur grunnskólabarna, vitið þið í hverju kynfræðsla barnanna ykkar felst? Væruð þið sátt við að þau fengju svona fræðslu?