Söngkonan Jessica Sutta, sem var í bandarísku hljómsveitinni Pussycat Dolls, steig fram í vor og sagði frá því í viðtali hversu veik hún hafi orðið eftir Covid sprauturnar frá Moderna og hafi um tíma talið sig vera nær dauða en lífi.

Jessica sem á ungt barn, hefur snúið baki við Hollywood, a.m.k. í bili, og einbeitir sér nú að því að halda fyrirlestra og veita fólki sem hefur hlotið skaða af svonefndum „bóluefnum“, aðstoð og fræðslu. Hún segir í viðtali að það væri gríðarleg pressa á að tala ekki um veikindi eftir sprautur í Hollywood og að hún væri þess fullviss að leikarinn Jamie Foxx væri múlbundinn hvað veikindi hans snertir: „Að segja eitthvað um Covid sprauturnar, sem fer gegn narratífinu sem okkur er sagt að trúa, jafngildir sjálfsmorði hvað starfsferilinn varðar“, sagði Jessica. Hún benti líkaí á að á síðustu árum hafi tvennt gerst: „Öll þessi skyndilegu dauðsföll og ný bóluefni.“  Hollywood leikarar hafa nánast allir verið skikkaðir í „bólusetningu.“

Hér má heyra brot úr viðtalinu þar sem þetta kemur fram:

Foxx er sagður samkvæmt áreiðanlegum heimildum gamlareynds blaðamanns, A.J. Benza, vera illa farinn eftir Covid sprautur sem hann neyddist til að taka til að geta leikið í kvikmyndinni Back in Action með leikkonunni Cameron Diaz.  Hann hafi fengið blóðtappa í heila og sé að hluta til lamaður og blindur. Eins og kom fram í fréttum á sínum tíma var leikarinn fluttur í skyndi af tökustað á sjúkrahús.

Í öðru viðtali sem sjá má hér neðar segir Jessica líka frá því hvernig læknar hennar í Hollywood sem hún treysti og dáði hafi hvatt hana til að taka „bóluefnið“ þegar hún var langt gengin með son sinn, og að þeim virtist allt í einu skítsama um heilsu fólks, en hafi í raun vitað um hættuna sem barnshafandi konum stafaði af sprautunum.  Í viðtalinu (ca. mín 18:00) er einnig sýnd upptaka af því þar sem tekið er blóðsýni úr Jessicu og sjá má hvernig blóðkekkir myndast nokkrum sekúndum eftir blóðtökuna. Um er að ræða kólesteról lípíð agnir sem valda blóðtöppum.