Reglu­drög­in gera ráð fyr­ir framsali aðild­arþjóðanna til WHO á far­ald­ursákvörðunum í stóru sem smáu. Þannig munu sam­tök­in öðlast vald til að ákveða inni­lok­an­ir og grímu­skyldu svo dæmi sé tekið. Ný­leg­ar frétt­ir greina frá sam­komu­lagi WHO við ESB um kaup á ra­f­rænu vott­un­ar­kerfi sam­bands­ins um bólu­setn­ing­ar til nota á heimsvísu.

Að WHO öðlist aðild að ákvörðunum varðandi ferðaf­relsi þarf sér­staka skoðun. Það er frá­leitt að sam­tök­in geti gert kröfu til ein­stak­lings, sem þarf að ferðast milli landa eða jafn­vel inn­an­lands, um til­tekn­ar bólu­setn­ing­ar með óreynd­um efn­um sem kunna að reyn­ast skaðleg eins og flest­um er í fersku minni eft­ir reynsl­una af mRNA covid-bólu­efn­un­um. Hætt er við að fyrsta tæki­færi verði notað til þess að út­víkka miðlægt ra­f­rænt vott­orð um bólu­setn­ing­ar þannig að þving­un­ar- og drottn­un­ar­vald raun­ger­ist yfir þegn­um þjóða með ra­f­ræn­um skil­ríkj­um til dag­legra at­hafna líkt og kín­verska þjóðin þekk­ir á eig­in hög­um.

Ekki hef­ur orðið vart umræðu hér­lend­is um fyr­ir­hugaðar breyt­ing­ar og hvort hyggi­legt sé að sótt­varn­aráðstaf­an­ir á eyju í miðju ball­ar­hafi verði þær sömu og ráðstaf­an­ir í landl­uktu ríki í Evr­ópu svo dæmi sé tekið. Að sjálf­sögðu er ekki hægt að gera þá kröfu til lands­manna að ræða um breyt­ing­ar á reglu­verki WHO sem fæst­ir vita að eru í far­vatn­inu. En þá kröfu má gera til okk­ar helstu fjöl­miðla og þing­manna. Að óbreyttu sýn­ist stefna í að heil­brigðisráðherra skuld­bindi Ísland til aðild­ar að breytt­um regl­um án umræðu á Alþingi.

Ámæl­is­vert er sinnu­leysi þing­manna um heil­brigði lands­manna. Þeir ómaka sig ekki í ræðustól með fyr­ir­spurn til heil­brigðisráðherra um ástæður um­framdauðsfalla á Íslandi, sem eru með þeim mestu í Evr­ópu, eða óska skýr­inga ráðherra á greini­legu or­saka­sam­bandi bólu­setn­inga með mRNA bólu­efn­un­um og fjölda dauðsfalla. Þing­menn forðast að spyrja heil­brigðisráðherra hvernig hann rök­styður fram­hald bólu­setn­inga eldri borg­ara þvert á niður­stöður rann­sókna sem birt­ar hafa verið í virt­um vís­inda­rit­um sem hver af ann­arri sýna fram á skaðsemi bólu­efn­anna. Ljóðlína úr Íslandi Jónas­ar Hall­gríms­son­ar leit­ar á hug­ann: "Nú er hún Snorra­búð stekk­ur.”