Gústaf Skúlason skrifar:

Heimsfaraldurslögin og reglubreytingarnar á alþjóðlegum heilbrigðisreglugerðum, sem WHO er að innleiða, eru það stærsta sem hefur gerst í Svíþjóð síðan landið gekk með í ESB. En að þessu sinni er engin umræða um málið heldur ríkir algjör þögn. „Það er virkilega alvarlegt” segir sænska þingkonan Elsa Widding í viðtali við Swebbtv.

Hvernig er staðan í áformum Alþjóðaheilbrigðismálastofnunar Sameinuðu þjóðanna, WHO, um að taka yfir stjórn heilbrigðismála í öllum heiminum? Fyrir almenning er erfitt að fá svör við þeim spurningum. Almennir fjölmiðlar skrúfa fyrir upplýsingar með algjörri þögn um málið.

Getur lokað öllum heiminum

Að sögn sænsku þingkonunnar Elsu Widding þýða tillögur WHO, að einn einstaklingur, framkvæmdastjóri WHO, geti einhliða lýst yfir alþjóðlegu neyðarástandi. Jafnvel þótt að heimsfaraldur sé ekki raunverulega í gangi. Það dugir að um „hugsanlegan” heimsfaraldur, loftslagsneyðarástand eða ímyndaða ógn við líffræðilegan fjölbreytileika sé að ræða. Widding segir við Swebbtv:

„Þegar hann lýsir yfir heimsfaraldri, þá getur hann pantað lokun – jafnvel í Svíþjóð. Hann getur í rauninni lokað öllum heiminum. Nauðungarbólusetning kemur einnig til greina og svo framvegis. Við í Svíþjóð afhendum WHO fullveldi okkar. Það er alveg hræðilegt.”

Undir radarnum á meðan málið fer í gegn

Samkvæmt Widding er heimsfaraldurssáttmáli WHO miklu stærri samningur en þegar Svíþjóð gekk í Evrópusambandið:

„Það var kallað eftir mikilli umræðu og þjóðaratkvæðagreiðslu en þetta mál fer bara undir radarinn og verður síðan innleitt. Þetta er virkilega, virkilega alvarlegt mál.”

Svíþjóð á að ganga úr WHO

Elsa Widding segir, að Svíþjóð eigi að ganga úr WHO, rétt eins og Bandaríkin gerðu þegar Donald Trump var forseti. Aðildarríkin gætu auðveldlega stöðvað áformin:

„En það byggist á því, að löndin verða að mótmæla og þá þarf að vita hverju á að mótmæla. Annars rennur þetta bara í gegn.”

Widding bendir á, að sænska ríkisstjórnin virðist ekki skilja alvarleika málsins sem er í gangi. Hingað til hefur ríkisstjórnin hrósað WHO. Widding mun nú senda inn fyrirspurn til sænska félagsmálaráðherrans til að fá umræðu á þinginu um málið. Hún segir:

„Það er algjörlega nauðsynlegt.”