Gústaf Skúlason skrifar:

Yfirlæknir Flórída og lýðheilsustjóri, Joseph Ladapo, kallar eftir því, að stöðva verði „bóluefni“ gegn Covid-19 tafarlaust. Hann fullyrðir „að bóluefnin séu ekki hentug til notkunar á mönnum. „Milljarðar DNA-brota eru í hverjum skammti af mRNA bóluefninu.“

Lýðheilsustjóri Flórída, Joseph Ladapo, gekk læknabrautina við Harvard Medical School og hefur doktorsgráðu frá Harvard Graduate School of Arts and Sciences. Hann vill stöðva notkun svokallaðra Covid-bóluefna.

Milljarðrar DNA-brota í sprautunum

Mikið magn DNA-brota hefur fundust í sprautuskömmtunum (sjá pdf að neðan).

„Ég krefst þess að hætt verði að nota mRNA Covid-19 bóluefni“ skrifar Joseph Ladapo í færslu á X (sjá að neðan).

„Matvæla- og lyfjaeftirlitið og Smitsjúkdómavarnarstofnunin hafa allan tímann komið með véfengjanlegar upplýsingar um öryggi covid-19 bóluefna. Mistök þeirra á að rannsaka DNA samþættingu við erfðamengi mannsins – eins og þeirra eigin leiðbeiningar segja til um – er óþolandi, þegar vitað er, að bóluefnið er mengað af utanaðkomandi DNA.“

Bóluefnið óhæft til notkunar á mannfólki

Í opinberri yfirlýsingu frá heilbrigðisráðuneyti Flórída segir Joseph Ladapo, að covid bóluefnin séu „óhæf til notkunar fyrir mannfólk.“

„DNA samþætting hefur í för með sér einstaka og aukna áhættu fyrir heilsu manna og heilleika erfðamengis mannsins, þar með talin hætta á, að DNA sem er samþætt í sæðis- eða eggkynsfrumum geti borist til afkomenda mRNA Covid-19 bóluefnisþega. Ef áhættan af DNA samþættingu hefur ekki verið metin fyrir mRNA Covid-19 bóluefni, þá eru þessi bóluefni óhæf til notkunar hjá mönnum.“

Yfirvöld með ófullnægjandi svör

Læknirinn segir svör yfirvalda alls ófullnægjandi:

„Svar Matvæla- og lyfjastofnunarinnar sýnir ekki gögn eða sannanir um að mat á samþættingu DNA, sem þeir sjálfir mæltu með, hafi verið framkvæmt. Þess í stað bentu þeir á rannsóknir á eiturverkunum á erfðaefni – sem eru ófullnægjandi mat á áhættu DNA samþættingar. Enn fremur hylja þeir greinarmuninn á SV40 hvata/auka og SV40 próteinum, sem eru tveir aðskildir þættir.“

Almennir fjölmiðlar fjalla um málið

Að sögn heilbrigðisyfirvalda í Flórída getur DNA-samþætting fræðilega séð haft áhrif á krabbameinsgen einstaklings „þau gen sem geta umbreytt heilbrigðri frumu í krabbameinsfrumu.“

Kröfur læknisins hafa ratað inn í almenna fjölmiðla. New York Times skrifar til dæmis að „heilbrigðisyfirvöld í Flórída krefjast þess, að bóluefni gegn Covid verði stöðvað.“ Samkvæmt blaðinu varar Ladapo við „að hugsanlega geti óhreinindi í bóluefninu orðið varanlegur hluti af DNA/erfðageni mannsins.“