Gústaf Skúlason skrifar:

„Heimsfaraldurinn“ var lykillinn að því að virkja alræðisríkið, ekki aðeins á landsvísu heldur á heimsvísu. Það telur Bret Weinstein, prófessor í þróunarlíffræði, í viðtali við Tucker Carlson (sjá neðar á síðunni). Til þess eru notuð alþjóða samtök eins og WHO sem geta með nýjum reglugerðum afmáð fullveldi fólks og landa.

Hinn svokallaði heimsfaraldur hefur leitt í ljós, að alræðisskipulag hefur verið byggt upp í samfélaginu. Það er ekki aðeins á landsvísu heldur einnig á heimsvísu.

Ráð til að sleppa lifandi – ekki láta bólusetja þig gegn Covid

Þetta segir Bret Weinstein, prófessor í þróunarlíffræði, sem áður sagði að það væri „ráð til að lifa af“ að taka ekki „bóluefnið“ gegn Covid:

“Don’t take mRNA vaccines” is not medical advice. It’s survival advice.

— Bret Weinstein (@BretWeinstein) September 7, 2023

Alþjóðaheilbrigðisstofnunin WHO sett ofar þjóðum til að hnekkja stjórnarskrám þeirra

„Covid-faraldurinn gerði okkur meðvituð um hin mörgu net sem er verið að vefa í kringum okkur. Fyrrverandi embættismaður NSA, William Binney, hefur lýst því sem lyklinum að alræðisríkinu. Það er verið að byggja upp alræðisríkið í kringum þig en það er ekki virkjað. Síðan þegar byggingu er lokið, þá er lyklinum snúið. Það sem við sjáum núna fer fram úr lýsingu William Binney, því það snýst um lykilinn að alræðisplánetu. WHO er ofar þjóðunum og mun vera í þeirri aðstöðu, ef reglugerðirnar ná fram að ganga, sem fyrirskipa þjóðum hvernig þær eiga að koma fram við meðborgarana og sniðganga stjórnarskrána.“

Mannréttindi eiga ekki að hverfa þótt það sé heimsfaraldur

Að sögn Bret Weinstein olli hinn svokallaði heimsfaraldur glufu í huga fólks og í stjórnarskjölum ríkisins. Hann bendir á, að bandaríska stjórnarskráin lýsir í raun engum undantekningum frá réttindum fólks jafnvel meðan á heimsfaraldri stendur:

„Réttindi þín eru einfaldlega það sem þau eru og hverfa bara ekki vegna þess að sjúkdómur breiðist út.“

En vegna „faraldursins“ þá leyfði fólk réttindum sínum að hverfa, veðrast burtu. Heimsfaraldurinn gerði þessari „harðstjórn“ eins og Weinstein orðar það kleift að nota Covid „sem Trójuhest.“

Fólk trúði á bóluefni og var óvarið einhverju öðru

Svo kom „bóluefnið“ sem samkvæmt Weinstein er blindur blettur vegna þess að allir treystu bóluefnum. En Covid sprautan er ekki bóluefni.

„Ég veit, vegna þess að ég var áhugamaður um bóluefni. Ég trúi enn djúpt á glæsileika bóluefna eins og þau ættu að vera. En ég hef miklar áhyggjur af því hvernig þau eru framleidd. Ég hef enn meiri áhyggjur af því, sem hefur verið kallað bóluefni en stenst ekki skilgreininguna.“

Enda hélt fólk, að bóluefni væru „afar fullkomin“ tækni með litla hættu á skaða og miklum árangri til að koma í veg fyrir sjúkdóma.

Tilraun til alþjóðlegs valdaráns

„Þegar þeir sögðu að þessi mRNA tækni væri bóluefni, lögðu margir því meira traust til þess en ætti að vera. Ef þeir hefðu kallað það flutningatækni fyrir erfðavísa, þá hefðum við hugsað: Heyrðu, hvað er nú þetta? Það hljómar mjög nýtt og hættulegt og hversu mikið vitum við um langtímaáhrifin? En vegna þess að þeir kölluðu það bóluefni var fólk mun viljugra til að samþykkja það.“

Bret Weinstein telur, að það sem er að gerast í heiminum, sé tilraun til alþjóðlegs „valdaráns“ sem útrýmir sjálfsákvörðunarrétti þjóða og einstaklinga. Það er tilgangurinn með nýjum reglum WHO. Til dæmis mun framkvæmdastjóri WHO geta notað „loftslagsbreytingar“ til að lýsa yfir neyðarástandi fyrir lýðheilsu.

Ep. 60 Is the lesson of the Covid disaster that we should give its architects more power? Bret Weinstein on the WHO’s plans for you. pic.twitter.com/ku3O5BdeoF

— Tucker Carlson (@TuckerCarlson) January 5, 2024