Tyrkneska þingið hefur samþykkt að veita Svíum aðild að Atlantshafsbandalaginu (NATÓ).
Atkvæðagreiðslunni lauk í kvöld en alls greiddu 287 þingmenn atkvæði með aðildinni.
Tveggja ára samningaviðræður
Meirihluti tyrkneskra þingmanna greiddi atkvæði með umsókn Svíþjóðar eftir tveggja ára harðar samningaviðræður, þar á meðal fulltrúar í helstu stjórnarandstöðuflokknum Repúblikana þjóðarflokknum (CHP).
Finnland og Svíþjóð sendi inn umsókn um að ganga í hernaðarbandalagið árið 2022, í kjölfar innrásar Rússa í Úkraínu það ár. Umsóknirnar voru settar í biðstöðu af Tyrklandi sem sakaði þá um að hafa ekki gripið til aðgerða gegn hópum sem taldir eru hryðjuverkasamtök.
Ankara samþykkti síðar tilboð Finnlands, en hefur ítrekað komið í veg fyrir aðild Svíþjóðar, með vísan til mótmæla og aðgerðarsinna sem hafa haldið svokallaðar kóranbrennur, sem hafa mótmælt Islam og sharia lögum.
Ungverska þingið á því einungis eftir að staðfesta sænsku umsóknina um aðild að NATÓ. Viktor Orban, forsætisráðherra Ungverjalands, sagði fyrr í dag að hann myndi bjóða sænska starfsbróður sínum til Búdapest til frekari samningaviðræðna um málið.
One Comment on “Tyrkir samþykkja aðild Svía að NATÓ”
Enn stækka þessi hryðjuverkasamtök, mér þykir það dapurt að horfa upp á það að þessu sé slegið fram hér á Fréttinni sem fagnaðarefni.