Eldur Ísidór skrifar:

Ég rakst á grein á vef Ríkisútvarpsins (RÚV) í vikunni.

Það sem vakti athygli mína var tilkomumikil fyrirsögn sem hljóðaði: „Þetta er spurning um líf og dauða“. Ég gat ekki varist því að velta því fyrir mér hvað þetta snerist um, og þar sem almannaútvarpið hafði náð athygli minni svo vel, las ég áfram.

Þegar ég smellti á greinina tók risastór mynd af transfánanum vel á móti mér og í undirfyrirsögninni var mér tilkynnt að biðlistar eftir hormónum og skurðaðgerðum séu að lengjast og þekkingarskortur sé helsta orsök transfóbíu. 

Þegar ég var í miðri grein áttaði ég mig á því að þetta var bara útdráttur úr útvarpsþætti um efnið. Ég kláraði að lesa greinina og hlustaði á þáttinn.

Enn og aftur setti ég mig í hendur okkar fróða, yfirvegaða og hlutlausa ríkisútvarps. 

Þessi útvarpsþáttur heitir: Geðheilbrigði. Í upphafi þessa þáttar, sem snerist allur um trans- og kynvitundarmál, gáfu þáttarstjórnendur út fyrirvara um að kynmisræmi væri EKKI geðheilbrigðismál, þó svo að eina meðferðin sem er í boði á Íslandi er frá geðdeild Landspítalans. Merkilegt nokk.

Áður en viðtölin við gesti þáttarins hófst skiptust allir á persónufornöfnum eins og telst til góðra helgisiða hjá fylgjendum þessara nýmóðins trúarbragða. 

„Farið með hlustendur í ferðalag“

Í þessum þætti, undir forystu Guðrúnar Hálfdánardóttur, blaðamanns á RÚV, er farið með hlustendur í ferðalag um „trans-heiminn“.  „Lög um kynrænt sjálfræði eru lög landsins og lögin tóku af allan vafa um að þetta væri geðheilbrigðismál og við sem löghlýðnir borgarar verðum að hlýða lögum“.

Það þarf vart að taka fram að lögin um kynrænt sjálfræði frá 2019 voru lögfest með laumuspili og án opinberrar umræðu.  Enginn vissi af þeim lögum  og skömmu seinna skall Covid faraldurinn á. Lokanir og takmarkanir þýddu að fólk myndi ekki taka eins hratt eftir breytingunum sem þetta þýddi fyrir aðgreind rými kynjanna.

Handbók um meðhöndlun andmæla

Meðan á heimsfaraldrinum stóð gaf borgarstjórn Reykjavíkur meira að segja út handbók um meðhöndlun andmæla fyrir starfsfólk á íþróttasviði borgarinnar, ef einhver hreyfði við andmælum ef karl skyldi villast inn í kvennaklefann.

Ólöf Bjarki Antons er formaður Trans Ísland. Ólöf er 25 ára gömul og er með próf í stjórnmálafræði. Hún er frá Dalvík sem hefur um 1.400 íbúa.

Í viðtalinu fer Ólöf í gegnum transferli sitt. Hún segir okkur að hún hafi verið dæmigerður unglingur í dreifbýli á Íslandi. Hún uppgötvaði svo undirmenningu, utan Íslands, á netinu. Hún rakst á hugtakið „non-binary“ eða kynsegin og fannst hún loksins vera með hugtak sem lýsti kynjamisræmi hennar.

Ég varð spenntur að heyra hvort Ríkisútvarpið myndi kafa ofan í þessa undirmenningu og hvaðan öll þessi nýju hugtök kæmu, en það gekk ekki eftir.

Ríkisstyrk kynjaköltsmessa

Þetta varð eiginlega að ríkisstyrktri kynjaköltsmessu sem myndi ekki kafa neitt ofan í þær staðhæfingar sem settar voru fram. 

Hún lýsti einnig ótta sínum við að fara út á kvöldin, í Reykjavík, vegna fjölgunar hatursglæpa.

Samkvæmt íslenskri afbrotatölfræði er hins vegar ekkert sem styður fullyrðingar hennar.

Ríkisútvarpið mótmælti því ekki heldur - né spurði neinna spurninga í tengslum við þær fullyrðingar.

Útvarpsstjórinn ræddi við nokkra sérfræðinga í transteymum fullorðinna og hjá BUGL.

Alexander Björn Gunnarsson er félagsráðgjafi í transteymi fullorðinna og er kona sem skilgreinir sig sem karl.

Hver er skilgreiningin á trans?

Ríkisútvarpið spurði hver skilgreiningin á trans væri og ég var að vonast eftir góðu svari þar sem mjög erfitt virðist að fá skýra og hnitmiðaða skilgreiningu á því hvað trans þýðir í raun og veru.

Það varð heldur ekki að veruleika. Ég er eiginlega alveg jafn upplýstur um hvað þau meina með þessu hugtaki „trans“.

Svo virðist sem það er regnhlífarhugtak yfir allt annað en líffræðilegt kyn og tvíhliða eðli kynlífs.

Björn Hjálmarsson er sérfræðilæknir í transteymi unglinga. Ég var að vonast eftir einhverju gagnrýnu innleggi frá honum, því í mínu eigin starfi hef ég átt samskipti við hann varðandi stöðu transmeðferða. Í maí 2022 birtist grein eftir Heimildina sem er með mikla vinstri slagsíðu. Mér til undrunar hafði hún gefið út mjög góða og yfirvegaða grein um efnið. Fyrirsögnin var: „Í myrkri aktívisma og fákunnáttu“.

Ég fékk á tilfinninguna að nú myndum við  loksins heyra frá lækni sem væri tilbúinn að viðurkenna sannleikann. Sem hann gerði að hluta til. Hins vegar var blekið varla orðið þurrt þegar trans aðgerðasinna gerðu það sem þeir gera best, og það er að eltihrella, uppnefna, skamma, áreita og hóta. Fyrir klukkan 20 sama kvöld baðst hann afsökunar og dró orð sín til baka. Jafnvel þó að þau hafi verið sögð í tölvupósti og vísað í þau í greininni.

Sérfræðilæknir lætur undan kröfum aðgerðarsinna

Það sem við heyrðum í útvarpinu var sérfræðilæknir sem hefur algjörlega látið undan kröfum aðgerðasinna. Hann sagði að við þyrftum að dæla meira fé í kynvitundarmeðferðir á Íslandi, vegna þess að mjög framsækin lög sem samþykkt voru árið 2019 hefðu þrefaldað fjölda tilvísana og vegna þess að við sem framsækin þjóð verðum að fylgjast með stórkostlegri fegurð í fjölbreytileikanum.

Hann sagði okkur frá draumum sínum um að opna kynvitundarmiðstöð. Hann tók okkur líka í gegnum ferlið við að fá kynþroskablokka. Ísland er eina norræna landið sem ávísar kynþroskahemlandi lyfjum. Björn læknir heldur því fram að Ísland sé framsæknasta landið í kynjalækningum og þess vegna þurfi meira fjármagn og rannsóknir.

Ekki var minnst á neinar samræður varðandi kynþroskablokka og áhrif þeirra.

Hann er einnig fús til að skrifa út kynhormón til 16 ára, að því tilskildu að samþykki beggja foreldra fáist.

Hann vísar sjúklingum sínum á einkafrjósemisstofu Livio, ef þeir vilja frysta egg eða sæði til síðari nota. Opinbera heilbrigðiskerfið tekur ekki þátt í þeim kostnaði, eitthvað sem hann vill breyta.

Livio býður upp á eggheimtu fyrir fyrir stúlkur

Í síðasta mánuði uppgötvaði ég að Livio býður upp á eggheimtu fyrir fyrir stúlkur sem segjast trans allt niður í 11 ára!

Eins og við var að búast, greip RÚV einnig til þess ráðs að fá þjóðþekktan einstakling til þess að gefa öllu þessu rugli vægi.

Sigríður Eyþórsdóttir er söngkona og kemur úr mjög rótgróinni tónlistarfjölskyldu. Hún á þrjú börn, tvo stráka og stelpu – sem skilgreinir sig sem strák.

Barnið sem segist trans er miðjubarnið, á milli tveggja drengja, á einhverfurófi. 

Í fyrstu kom unglingurinn út sem lesbía 13 ára.

Eftir nokkrar heimsóknir á Hinsegin félagsmiðstöðina á vegum Samtakanna ´78 og Reykjavíkurborgar skilgreindi hún sig trans og allir tóku ógagnrýnið þátt í því. 

Sigríður sagði okkur frá því hversu mikilvægt það er að staðfesta strax og „að þetta sé upp á líf og dauða, sem allar rannsóknir sýna.“ – Enn og aftur engin gagnrýnar spurningar frá Ríkisútvarpinu. Og ekki vísað í eina einustu heimild. 

Hún sagði okkur frá því hversu hrædd barnið hennar væri við að vera neitað kynstaðfestandi lyf og meðferðir. Hún sagði hlustendum að hún fullvissaði barnið sitt með því að segja því að „nei er ekki valkostur“ og „þetta er  allt á áætlun“ og að hún „fái það sem hún vill“.

Hún sagði okkur líka að stundum hefði hún þurft að segja heilbrigðisstarfsmanni hvað ætti að gera, því hún vissi betur og flýtti þannig fyrir og hafði áhrif á ákvarðanatökuferli þeirra sem eiga að vera sérfræðingar.

Það festi í raun orð Björns Hjálmarssonar, læknis,  um myrkur aktívisma og fákunnáttu.

Og á þessum stað stöndum við enn í dag.  

Þættinum lýkur með því að formaður Trans Íslands segir okkur að 320 trans einstaklingar hafi verið myrtir á síðasta ári – bara fyrir að vera trans.

Aftur, þá bregst RÚV að krefja viðmælendur sína um heimildir og rökstuðning fyrir þessum fullyrðingum. Ekki einu orði minnst á það að langflest morðin voru framin á karlmönnum í vændi í Suður Ameríku. 

Lokaorð Björns var áhugaverður samanburður á transfólki og örvhentu fólki. Fjölgun trans fólks er einfaldlega vegna þessara framsæknu laga frá 2019 og meiri sýnileika.

Rétt eins og það sem gerðist eftir að örvhentir nemendur fengu ekki prikið fyrir að vera örvhentir.

Rúsínan í pylsuendanum var frá frægu transmóðurinni, Sigríði Eyþórsdóttur.

Ef þú fylgir ekki þessari hugmyndafræði og lætur í ljós gagnrýnar skoðanir ættir þú ekki að fá að vinna með börnum í skólum eða í heilbrigðiskerfinu.

Þeim með gagnrýnar skoðanir og efasemdir  ætti aldrei að vera gefinn vettvangur til tjáningar. Umræðan má ekki eiga sér stað. 

Dagskránni lýkur með endurtekningu laganna. Við verðum að hlýða.

Sem afhjúpar lagaóvissuna sem er komin upp. 

1. janúar á þessu ári tók gildi ný málsgrein í hegningarlögum sem bannar „allar ógagnreyndar meðferðir" til að breyta samkynhneigð fólks.

Allar svokallaðar kynstaðfestrandi meðferðir eru ÓGAGNREYNDAR. Þær teljast því samkvæmt lögum til bælingarmeðferða á samkynhneigð.