Gústaf Skúlason skrifar:

Nýr þáttur Heimsmálanna var tekinn upp í dag og ræddu þau Margrét Friðriksdóttir FRÉTTIN.is og Gústaf Skúlason m.a. um uppreisn bænda á Vesturlöndum sem helstu fjölmiðlar virðast ekki hafa frétt af. Þá var leynisamningurinn um Covid-bóluefnin ræddur en samningurinn hefur lekið út og sagði Margrét að hún hefði haft fregnir af því. Er með eindæmum að ríkið geri vöruframleiðanda ábyrgðarlausan og taki sjálft 100% ábyrgð á vöru sem keypt er inn. Sagði Gústaf það eitt og sér vera næga ástæðu til að hafna Covid-bólusetningum. „Hvernig er hægt að skylda fólk til að neyta vöru sem framleiðandinn getur hvorki tekið ábyrgð á né greint, hvað innihaldi?

Í upphafi þáttarins kynnti Margrét heimildarmyndina „Stríðið gegn börnunum“ sem horfa má á hér. Stríðið gegn börnunum „The War On Children“ afhjúpar stríðið sem er háð gegn börnum í dag í gegnum kynjahugmyndafræðina. Í myndinni er fjallað um kynvæðingu til skemmtunar, kynlífssmygl, misnotkun á netinu, TikTok, Big Pharma og fleira. Hvöttu þau Margrét og Gústaf foreldra landsins til að kynna sér hvað sé í gangi og sjálf fylgjast með hvaða efni börnum þeirra er boðið upp á í skólum landsins. Tímarnir eru breyttir og sumir í opinberum störfum t.d. fylgjandi þeirri kynjahugmyndafræði sem er hluti stríðsins gegn börnunum.

Uppreisn bænda var mjög til umræðu en nýlegar voru t.d. hundruð dráttarvéla í Madrid og Aþenu ásamt þúsundum stuðningsmanna til að mótmæla grænstefnu ESB sem miðar að því að gera bændur gjaldþrota og kollvarpa hefðbundnum landbúnaði svo alþjóða fjármálahrægammar geti tekið við og grætt peninga á skordýrabúskap og genabreytingatilraunum með matvæli. Þá hafa bændur og neytendur í Bandaríkjunum náð einkar góðum árangri með því að þvinga fjármálafursta glóbalistanna úr loftslagshópi SÞ „Climate Action 100 +“ en fáar eða engar fréttir af þessum atburðum birtast í helstu fjölmiðlum. Virðast slíkir fjölmiðlar fá fyrirfram dagskrá yfir hvað sé fréttnæmt og hvað ekki og einungis veruleik glóbalista sýndur.

Þá ræddu þau Margrét og Gústaf einnig niðurstöðu stærstu rannsóknar í heimi á Covid-bóluefnum Pfizer, Moderna og AstraZeneca. Rannsóknin sýndi fram á tengsl bóluefnanna við alvarlegar aukaverkanir eins og hjartabólgur og lömunarveiki. Verður þessi útkoma að teljast reiðarslag fyrir þá sem féllu flatir fyrir söluáróðri yfirvalda sem fóru í leyni á bak við þjóð sína með því að kaupa inn vöru sem framleiðandinn vildi ekki taka ábyrgð né gera grein fyrir hvað innihéldi.

Smelltu á spilarann að neðan til að hlusta á þáttinn: