Gústaf Skúlason skrifar:

„Við vitum að þeir ætla að stela kosningunum, vegna þess að þeir segja það upphátt núna.“ Tucker Carlsson segir það sem allir vita en fáir miðlar þora að segja: „Joe Biden getur ekki unnið í sanngjörnum kosningum.“

Carlson segir í einum þátta sinna:

„Joe Biden getur ekki unnið í sanngjörnum kosningum. Joe Biden mun tapa í nóvember. Hann getur ekki unnið. Það er það sem enginn í neinum fjölmiðlum vill segja upphátt. Í sanngjörnum kosningum getur Joe Biden ekki unnið.“

Trump leiðir í skoðanakönnunum

Tucker Carlson bendir á, að fjölmiðlaspekingar eins og Chris Hayes dembir hlutum yfir almenning eins og að „Joe Biden sé góður í stjórnmálum.“ Carlson spyr hvernig Joe Biden geti verið „góður í stjórnmálum“ þegar Trump er að vinna hann í skoðanakönnunum. Könnun New York Times/Siena College sýnir að fylgi Biden er 43% og Trump leiðir með 48%.

Tucker Carlson sagði:

„Donald Trump vinnur yfir Joe Biden en Biden sagður á sama tíma „góður í stjórnmálum“? Já, sæll. Hvað segir það ykkur? Þeir ætla að stela kosningunum. Við vitum, að þeir ætla að stela kosningunum, vegna þess að þeir segja það upphátt núna.“

„Rasískt“ að biðja fólk um að sýna skilríki á kjörstað

Carlson sýndi myndskeið með Merrick Garland dómsmálaráðherra þar sem hann sagði, að það væri„mismunun, íþyngjandi og óþarfi“ að krefjast skilríkja af kjósendum. Carlson spurði:

„Yfirmaður lagakerfis Bandaríkjastjórnar segir þér, að það sé siðlaust, í raun rasískt, í raun ólöglegt að biðja fólk um skilríki til að staðfesta hver viðkomandi er, þegar það greiðir atkvæði. Hvað er þetta?“

Carlson mótmælti fullyrðingum um að lög, um auðkenni kjósenda sé kynþáttahatur, þar sem þau koma í veg fyrir að litað fólk, sérstaklega svartir einstaklingar, geti kosið „vegna meints skorts ríkisútgefnum skilríkjum.“ Honum finnst þessi rök vera mótsagnakennd. Fyrir þá sem búa í Bandaríkjunum eru ríkisútgefin skilríki nauðsynleg til að fljúga, eiga viðskipti í banka, hafa samskipti við ríkisstofnanir, gista á hótelum og nota kreditkort.

Tucker Carlson benti einnig á kaldhæðnina í sókn að peninglausu samfélagi af hálfu sama fólksins og mótmælir lögum um auðkenni kjósenda. Hann bendir á hið tvöfalda siðferði í því, að telja það rasískt að krefjast skilríkja til að kjósa en ekki aðra þætti þætti í lífinu, þar sem skilríkja er krafist:

„Hefurðu farið á leikvangsviðburð nýlega? Þar er ekki tekið við reiðufé. Þú verður að hafa kreditkort. Til þess að fá kreditkort þarftu ríkisútgefið skilríki. Á einhvern hátt er þetta ekki rasismi. En það er rasískt að biðja fólk um að sanna deili á sér, þegar það velur næsta forseta Bandaríkjanna.“

Hér að neðan er stutt myndskeið sem sýnir þegar dökkt fólk á götum staðfestir að það gangi daglega með skilríki á sér og ekkert mál að sýna þau, þegar þörf er á.

„Að segja að það sé rasismi að krefjast skilríkja í kosningum er lygi. Það er lygi sem auðvelt er að sanna. Allir sem segja þá lygi eru talsmenn fyrir fjöldakjósendasvik eins og dómsmálaráðherrann.“

„Það er engin önnur leið að túlka þetta. Þú ættir því að vita, að þú býrð í landi, þar sem dómsmálaráðherrann hvetur í rauninni til kosningasvindls. Það er eina tækifærið sem þeir hafa til að fá manninn sinn endurkjörinn.“

Tucker Carlson: “They’re Going to STEAL the Election”

“Joe Biden can’t win in a fair election,” said @TuckerCarlson

“So what does that tell you?” he asked.

“Well, they’re going to steal the election. And we know they’re going to steal the election because they’re now saying so… pic.twitter.com/eJKB77oMtZ

— The Vigilant Fox 🦊 (@VigilantFox) March 8, 2024