Samkvæmt nýrri skýrslu MRC (sjá að neðan), þá hefur Google komist upp með beina íhlutun í frjálsar kosningar í Bandaríkjunum í að minnsta kosti 16 ár. Google sýnir engin merki um að hætta slíkum beinum afskiptum sem hafa áhrif á niðurstöður kosninga.

Rannsakendur MRC, málfrelsis í Bandaríkjunum, sýna fram á að Google hafa haft bein afskipti af bandarískum kosningum frá og með 2008 til 2024. Rannsakendur MRC fundu gögn og fjölmargar skýrslur (frá 2008 til febrúar 2024) sem sýna tröllvaxin kosningaafskipti tæknirisans.

Google er stærsta ógn við lýðræðið í Bandaríkjunum

Brent Bozell, stofnandi og yfirmaður MRC, bendir á hversu hættuleg kosningaafskipti Google eru. Bozell segir:

„Miklar og vísvitandi tilraunir Google til að hafa afskipti af bandarískum kosningum undanfarin 16 ár er óviðunandi og stærsta ógnin við bandarískt lýðræði í dag.“

Google hefur ítrekað notað vald sitt gegnum árin til að stuðla að sigri vinstri frambjóðenda í kosningum á sama tíma og tæknirisinn berst gegn andstæðingum þeirra. Árið 2008 aðstoðaði fyrirtækið þáverandi öldungadeildarþingmanninn Barack Hussein Obama, sem Google studdi í forsetakosningunum og beitti sér gegn andstæðingi hans, þáverandi öldungadeildarþingmanni Hillary Clinton.

Dæmi um svindl tæknirisans og íhlutun í frjálsar kosningar

Eftir að demókratar urðu fyrir hrikalegu tapi í kosningunum 2016 sýna sönnunargögn MRC, að kosningaafskiptin urðu hluti af starfsemi Google. Einn framkvæmdastjóri Google uppljóstraði í viðtali sem var bandað inn í leyni, að Google ynni á fullu að því, að „koma í veg fyrir… næstu stöðu Trumps.“ Eftir að Donald Trump varð forseti, fóru jukust kosningaafskipti tæknirisans verulega og hafa stöðugt orðið umfangsmeiri. Hér að neðan eru nokkur mikilvæg atriði í rannsóknum MRC:

• Árið 2008 studdi Google Obama og ritskoðaði stuðning við öldungadeildarþingmanninn Clinton. Blaðamaðurinn Simon Owens greindi frá því á sínum tíma að tæknirisinn hafi lokað reikninum þeirra sem sem gagnrýndu Obama.
• Google leyfði notendum að rægja þáverandi leiðandi forsetaframbjóðanda repúblikana, Rick Santorum. Google neitaði að leiðrétta „Google sprengju“ sem rægði Santorum. Tæknirisinn hélt því síðar fram að málið hefði verið leiðrétt en þegar teymi Santorum vakti athygli Google á málinu, neitaði vettvangurinn að leysa það og notaði tæknina í hag Obama.
• Árið 2016 notaði Google bæði reiknirit sitt og „samstarfsaðila“ í tilgangslausum tilraunum til að koma Clinton yfir marklínuna. Ein rannsókn SourceFed leiddi í ljós að reiknirit Google útilokaði hugsanlegar skaðlegar niðurstöður leitar, þegar spurt var um meinta glæpi Clintons og mögulega ákæru á hendur henni fyrir störf í stöðu utanríkisráðherra. Tæknirisinn vann með „samstarfsaðilum“ til að efla atkvæði Bandaríkjamanna frá Latín Ameríku fyrir Clinton sem Tucker Carlson afhjúpaði. Að sögn gagnafræðingsins og rannsóknarsálfræðingsins Robert Epstein leiddu afskipti Googles til þess að 2, 6 milljónir atkvæða fóru yfir til Clinton.

Google gerist enn róttækara eftir 2016

Stuttu eftir kosningaúrslitin 2016 lofaði Ruth Porat fjármálastjóri Google, að fyrirtækið myndi nota „afl sitt og fjármagn“ til að efla vinstrisinnuð gildi Googles. Eftir það jókst ritskoðun Google mjög mikið.

• Rannsakendur afhjúpuðu skýr gögn um afskipti af kosningum árið 2018. Rannsóknir sýndu „veruleg hlutdrægni fyrir vinstri stefnu“ Google sem átti þátt í því „að hafa snúið öllum þremur kjördæmum í Orange County úr repúblikönskum í demókratísk.“  Google fléttaði repúblikaflokknum í Kaliforníu við „nasisma“ þegar notendur leituðu að stjórnmálaflokknum. AllSides komst að því að aðeins 5% af fréttum á heimasíðu Google News voru frá hægri fjölmiðlum. Google var með 15 sinnum meira efni frá vinstri fjölmiðlum. Á sama hátt voru 7 sinnum fleiri fréttir frá vinstri fjölmiðlum um  „Trump“ en frá hægri fjölmiðlum.
• Árið 2020 valdi Google forsetaframbjóðanda sinn og vann gegn öllum öðrum. T.d. lokaði Google Ads reikningi þáverandi forsetaframbjóðanda í forvali demókrata, Tulsi Gabbard, á sama tíma og hún var sá frambjóðandi demókrata sem mest var leitað að á netinu. Gabbard sagði síðar um málið:
  

  „Aðgerðir Google gegn herferð minni endurspegla hversu algjör yfirráð þeir hafa yfir leit fólks á netinu og hvernig vaxandi yfirráð tæknirisa yfir opinberri umræðu ógnar grunngildum okkar í Bandaríkjunum.“

Faldi 83% af kosningasíðum repúblikana

• Árið 2022 faldi Google 83% af kosningasíðum repúblikana fyrir öldungadeildina. 10 af 12 umsækjendum komust ekki í 6 efstu leitarniðurstöðurnar og 7 komu alls ekki á fyrstu síðu leitarniðurstaðna. Google faldi einnig síður stjórnmálamanna sem gagnrýndu tæknirisa og 7 af 10 þeirra birtust ekki á fyrstu síðu niðurstaðna. 61% af fréttum á heimasíðu Google News tengdust vinstrisinnuðum fjölmiðlum. Á sama tíma tengdust aðeins 3% við hægri sinnaða fjölmiðla sem er hlutfall 1 á móti 20.
• Forsetakosningarnar 2024 eru á næsta leyti og Google hefur þegar hafið afskipti af þeim. MRC komst að því, að Google faldi vefsíður allra mikilvægra andstæðinga núverandi forseta Joe Biden (RFK, Jr. auk 15 frambjóðenda repúblikana). Þegar leitað var að vefsíðum forsetaefna repúblikana, þá skilaði Google síðu demókratans Mariane Williamson í stað fyrrverandi forseta Donald Trump, ríkisstjóra Flórída, Ron DeSantis, fyrrverandi ríkisstjóra Suður-Karólínu, Nikki Haley, kaupsýslumanninum Vivek Ramaswamy og fleirum. Auk þess hefur gervigreind Google, Gemini, neitað að svara ábendingum um tvo af stærstu veikleikum Biden: geðheilsu forsetans og yfirstandandi landamærakreppu.

Allir ættu að hætta að nota leitarvél Googles

MRC segir í niðurstöðum sínum, að Google hafi skert stjórnarskrárbundin réttindi fólks; haft samráð við stjórnvöld um að skerða málfrelsi; hafi stundað beina íhlutun í kosningar; og blekkt notendur sína með því að uppfylla ekki þjónustuskilmála fyrirtækisins. MRC leggur til að bandaríski löggjafinn taki málið fyrir og setji lög sem hindrar skoðanamyndandi íhlutun tæknirisanna.

„Bandaríkjamenn ættu að hætta að nota Google, sérstaklega leitarþjónustu fyrirtækisins og nota aðra valkosti í staðinn.“

MRC Google Election Interference Report.pdf-1710439680476