Hallur Hallsson skrifar:
Sterkar vísbendingar eru um tengsl Úkraínu við hryðjuverkið skelfilega í Moskvu með vitneskju Bandaríkjanna. Hryðjuverkið hefur stigmagnað stríðið í Úkraínu. Pólski herinn í viðbragðsstöðu. Ellefu hryðjuverkamenn hafa verið handteknir. Í Moskvu sjö hjálparmenn líklega frá Tzadekistan. Byssumennirnir fjórir, sem skutu 133 manns og særðu á annað hundrað, voru handteknir í Brjansk-héraði í skóginum skammt frá landamærum Úkraínu þar sem þeir hugðust “sleppa út um glugga” til felustaðar í Úkraínu. Þeir voru komnir langleiðina frá Moskvu. Bifreiðin löskuð eftir að ekið var utan í hana.
ISIS íslömsku hryðjuverkasamtökin lýstu ábyrgð á hendur sér og kváðu ódæðismennina hafa komist undan. CNN var fyrst til að birta ISIS fréttina sem fór samhljóða um allan hinn vestræna heim. Hins vegar efast fjölmiðlar utan Vesturlanda um trúverðugleika yfirlýsingar ISIS. Í Mið-Austurlöndum var bent á að yfirlýsingin sé á gömlum grunni; “template” sem ekki sé lengur notaður. Times of India hefur eftir ritstjóra Rossiya Segodnyan Margaritu Simonyan að yfirlýsing ISIS um velheppnaðan flótta sé röng . Yfirlýsing ISIS hafi verið birt fyrir handtöku mannanna. Þetta afhjúpi ósannindi ISIS, CIA og vestrænna fjölmiðla. Margarita fullyrðir að hinir handteknu séu Úkraínumenn. Bent er á að ef hryðjuverkið hefði verið unnið af íslamistum, þá hefðu þeir verið með sprengjuvesti, fallið hetjur; fórnardauða og farið til paradísar en ekki flúið eins og hérar.
Viðvörun sendiráðsins
Bandaríska sendiráðið í Moskvu birti 7. mars viðvörun til bandarískra ríkisborgara í Rússlandi þess efnis, að öfgahópar plani árás í Moskvu, þar á meðal tónleika. “US Citizens should be advised to avoid large gatherings within 48 hours…”. Fyrir nokkru fjölluðu Washington Post og New York Times um leynilegt skuggastríð CIA gegn Rússlandi með þjálfun úkraínskra flugumanna; "CIA hjálpar Úkraínu á laun í stríðinu við Pútin," var fyrirsögn New York Times með mynd úr skógum Úkraínu. Victoria Nuland sagði á dögunum að Rússar ættu óvænt von á vondu; nasty surpise. Politico segir ásakanir Rússa án sannana; without evidence. Stjórnvöld í Úkraínu segja árásina verk Pútins.
Ísland vottar ekki samúð
RÚV var umhugað að flytja fréttir af ISIS og í samtali Boga Ágústssonar og Ólafar Ragnarsdóttur var fabúlerað að Pútin hefði framið hryðjuverkið til þess að fá “…samúð alþjóðasamfélagsins til þess að afla sér vinsælda heima fyrir...”. Enginn annar fjölmiðill nema RÚV ber snilld sem þessa á borð fyrir almenning. Svona duglegt er RÚV að innræta og sannfæra. Þau segjast rýna í allar staðreyndir!
Beggja vegna Atlantshafs er hryðjuverkið fordæmt og rússnesku þjóðinni vottuð samúð. Forseti Íslands hefur ekki sent samúðarkveðjur á heimasíðu, né forsætisráðuneytið eða utanríkisráðuneytið. Hvuttinn veifar skottinu, stríðið stigmagnast, Nato-KEF orðið skýrt skotmark; Clear & Present Target.
