Hvíta húsið lýsir yfir, að 31. mars verði þjóðardagur transfólks í Bandaríkjunum: „Dagur sýnileika transfólks.“ 31. mars í ár er Páskadagur, þegar kristnir fagna upprisu frelsarans. Joe Biden skrifar í yfirlýsingu Hvíta hússins:

„Á sýnileikadegi transfólks heiðrum við ótrúlegt hugrekki og framlag transfólks í Bandaríkjunum og ítrekum skuldbindingu þjóðar okkar um að mynda fullkomnara bandalag – þar sem allt fólk er skapað jafnt og meðhöndlað jafnt alla ævi.“

„Ég er stoltur af því, að stjórn mín hefur frá upphafi staðið fyrir réttlæti og unnið að því að tryggja að LGBTQI+ samfélagið geti lifað opinskátt í öryggi, með reisn og virðingu. Ég er stoltur af því að hafa skipað leiðtoga transfólks í stjórn mína og að hafa bundið enda á bann við því, að trans Bandaríkjamenn þjóni opið í hernum okkar.“ 

Biden lét ekki tækifærið ónotað að samtímis hrauna yfir „öfgamenn“ sem vilja að foreldrar hafi ákvörðunarrétt um efnis skólabóka um kynferðismál fyrir börn og vilja banna limlestingu ólögráða barna með „kynbreytingum.“ Biden skrifaði:

„Öfgamenn eru að leggja til hundruð hatursfullra laga sem beinast að og hræða transbörn og fjölskyldur þeirra – þagga niður í kennurum; banna bækur; og jafnvel hóta foreldrum, læknum og hjúkrunarfræðingum með fangelsi fyrir að aðstoða foreldra að sjá um börn sín.“

„Þess vegna boða ég, JOSEPH R. BIDEN JR., forseti Bandaríkjanna, í krafti þeirrar heimildar sem mér er falin samkvæmt stjórnarskránni og lögum Bandaríkjanna, hér með 31. mars 2024, sem Dag sýnileika transfólks. Ég skora á alla Bandaríkjamenn að sameinast okkur í að lyfta lífi og röddum transfólks um alla þjóð okkar og vinna að því að útrýma ofbeldi og mismunun á grundvelli kynvitundar.“