Foreldri barna sem öll eru í sama grunnskóla á höfuðborgarsvæðinu skrifaði eftirfarandi bréf til skólastjóra grunnskólans. Nöfn og heiti skóla fylgja ekki með af tillitssemi við börnin:

Sæll skólastjóri

Mig langar að senda þér þennan póst sem foreldri sem er annt um velferð okkar allra þ.m.t. talið þinnar og starfsfólks þíns í skólanum.

Í 2. gr. grunnskólalaga nr. 91/2008 er fjallað um markmið grunnskólanna. Þar segir m.a. að starfshættir grunnskóla skulu mótast af umburðarlyndi og kærleika, umhyggju og virðingu fyrir manngildi. Þá skuli grunnskóli stuðla að góðu samstarfi heimilis og skóla með það að markmiði að tryggja farsælt skólastarf, almenna velferð og öryggi nemenda.

Það sem þarna er sagt er mikilvægt og vísar m.a. til þeirra gilda sem samfélag okkar er byggt á, þetta eru því ekki innantóm orð sem engu máli skipta.

Þá vil ég koma að ástæðu þess að ég sendi þér þennan póst, sem er að í einhverjum fjölmiðlum hafa komið fram fréttir þess efnis að ganga eigi gegn þessum mikilvægu lögbundnu markmiðum skólastarfs og nota húsnæði skólanna til tilrauna í læknavísindum. Nánar tiltekið á að nýta skólana og skólastarfið til að ná til barna á aldrinum 5-11 ára til að auðveldara verði að sprauta í þau efnum sem eru á tilraunastigi og almennt er talað um sem bólusetningu við Covid-19. Vil ég taka fram að Alþjóðaheilbrigðismálastofnunin (WHO) telur börn í lágri áhættu (low risk) að veikjast alvarlega af Covid-19 og þá hafa engin börn látist hér á landi vegna sjúkdómsins. Þá kemur bólusetning ekki í veg fyrir að smit berist á milli einstaklinga. Tilgangur bólusetningarinnar á þessu tilraunastigi  er því alls ekki skýr ef miðað er við læknisfræðileg eða heilsusamleg rök.

Þessi tilraunaefni hafa valdið fjölda fólks miklum skaða eins og sjá má á vef Lyfjastofnunar um tilkynntar aukaverkanir í kjölfar bólusetninga við Covid-19. Þá liggur fyrir að fjöldi unglinga hér á landi hafa hlotið varanlegan skaða í kjölfar bólusetninga. Hér er því ekki um hættulaus tilraunaefni að ræða og öruggt í ljósi reynslunnar hér á landi sem erlendis að fjöldi barna muni verða fyrir skaða verði þau sprautuð.

Eru starfsmenn skólans tilbúnir til að vera þátttakendur í slíkum verknaði?

Mig langar að biðja þig að íhuga hvort það að nota skólann og skólastarf til læknisfræðilegra tilrauna samræmist þeim markmiðum sem skólastarf stefnir að og hvort ekki sé hætta á að skólastarf skaðist til langrar framtíðar verði skólinn nýttur til tilraunastarfsemi á börnum með ófyrirséðum afleiðingum.

Ég veit til þess að nú þegar lifa margir foreldrar í miklum ótta yfir því hvert stefni í skólastarfi verði slík tilraunastarfsemi framkvæmd í skólastarfinu.

Ég treysti því að þú og þið hjá skólanum munið velta þessu fyrir ykkur enda ábyrgð ykkar mikil bæði gagnvart skólastarfinu sjálfu og þ.m.t. að skólinn sé öruggur griðastaður barnanna þar sem virðing fyrir manngildi er í hávegum haft og hvað varðar ykkar persónulegu ábyrgð verði börnum unninn skaði í innan veggja skólans, sem öruggt má telja að muni gerast.

Það liggja fyrir miklar upplýsingar um skaðsemi þeirra tilraunaefna sem ætlunin er að nota, hægt er að finna slíkar upplýsingar víða. Vil ég t.d. benda á eftirfarandi umfjöllun sem er nýleg þar sem hún er mjög lýsandi og studd gögnum um hættuna sem börnum stafar af þessum tilraunaefnum (ég vil vara þig við að þetta er sorglegur lestur sem getur haft mikil áhrif á allt velviljandi fólk).

Nýleg VAERS skýrsla úr bandaríska gagnagrunninum varðandi aukaverkanir vegna bólusetninga við Covid inniheldur m.a. andlát tveggja ára barns, átta ára barn sem fékk hjartaáfall og svo blæðandi andlát nýbura.

Barnið var heilbrigt og voru engin frávik við skimun eða við skoðun í monitor (CTG). Hið sorglega gerðist hinsvegar eftir fæðingu að það blæddi úr munni barnsins og nefi sem varð til þess að það lést.

„Drengurinn fæddist á sjúkrahúsi að morgni 6. október 2021. Móðir hans hafði fengið tvær mRNA Moderna sprautur þann 19. júlí og svo 13. ágúst. Fæðing drengsins var áætluð 15. október en þegar hann fæddist vó hann 2.800 grömm (um 11 merkur), eftir fæðingu sem einkenndist af óstöðugum hjartslætti fóstursins.

„Læknirinn sagði að eftir að barnið fæddist hefði það grátið. Þegar klippt var á naflastrenginn kom í ljós að barnið var með blæðingar í munni og nefi.  Brugðist var umsvifalaust við og m.a. var barninu gefið  súrefni og það lagt inn á gjörgæsludeild," segir í skýrslunni sem var móttekin af VAERS kerfinu þann  18. nóvember frá óþekktri erlendri heilbrigðisstofnun. „Á gjörgæsludeild sýndu niðurstöður rannsóknar óeðlilega blóðstorknun, lungnablæðingu [bráða blæðingu frá lungum] og truflun á hjartastarfsemi."

Samkvæmt VAERS skýrslu (nr. 1879991), um andlát eftir „útsetningu í gegnum fylgju" af mRNA bóluefni, var ekki vitað hvort krufning var gerð og engin dánarorsök var tilkynnt, en föður barnsins grunar að það tengdist bóluefninu.

Andlát nýburans er eitt af 52 dauðsföllum sem tilkynnt hefur verið um meðal 30.550 aukaverkana sem skráðar voru í VAERS gagnagrunninn fyrir börn yngri en 17 ára frá og með 3. desember sl.

Meðal annarra tilvika í skýrslum:

Annar nýburi á brjósti, sem beið útskriftar af sjúkrahúsi, upplifði skyndilega erfiðleika eftir að móðir hans fékk annan skammt af Pfizer bóluefninu þann 9. september. Innan 24 klukkustunda varð barnið fyrir verulegri lækkun á hjartslætti, með lítið súrefni í blóði sem olli því að það varð blátt og átti í erfiðleikum með að sjúga og kyngja. Ómskoðun á höfði leiddi í ljós blóðtappa í heila sem „voru ekki til staðar fyrir bólusetningu," samkvæmt VAERS skýrslunni, sem tiltekur að barnið hafi verið flutt á hærra umönnunarstig fyrir taugafræðilegt mat.

Skýrsla um fimm ára stúlku í Iowa sem var með undirliggjandi heilsufarsvandamál en leið annars vel er meðal þeirra sem nýlega bættust við VAERS. Hún var sprautuð með Pfizer bóluefninu 18. nóvember og var undir eftirliti á sjúkrahúsi. Hún var útskrifuð af sjúkrahúsi degi síðar en faðir hennar fann hana púlslausa og hún andaði ekki. Hún hafði látist óvænt um nóttina, þremur dögum eftir bólusetninguna.

11 ára stúlka frá Georgíuríki lést sama dag og hún var bólusett með Pfizer bóluefni sem ætlað var börnum eldri en 12 ára. Engin orsök kom fram í VAERS skýrslunni.

Átta ára drengur frá Wyoming, sem var „algerlega heilbrigður " áður en hann fékk fyrsta skammt af Pfizer COVID barnasprautunni í nóvember, var lagður inn á gjörgæsludeild með hjartavöðvabólgu, bólgusjúkdóm sem er lífshættulegur hjartasjúkdómur, tveimur dögum síðar.

Áður heilbrigð 10 ára stúlka í Oregon fékk brjóstverk og átti í erfiðleikum með öndun og var lögð inn á sjúkrahús vegna hjartavöðvabólgu fjórum dögum eftir að hún fékk Pfizer sprautu, jafnvel þó hún hefði þegar fengið COVID ári áður.

Í september fékk 14 ára gamall drengur frá Norður-Karólínu fyrsta skammtinn af Pfizer bóluefninu og daginn eftir slefaði hann, gat aðeins muldrað í staða talað og var í „breyttu ástandi" í skólanum þegar hringt var á sjúkrabíl og hann fluttur á sjúkrahús þar sem hann greindist með heilablóðfall og fór í aðgerð til að fjarlægja blóðtappa úr heilanum.

13 ára gömul stúlka frá Maryland fékk banvænt hjartaáfall 15 dögum eftir að hafa fengið Pfizer sprautu.

16 ára stúlka frá Wisconsin með krabbamein sem VAERS barst tilkynning um andlát í nóvember fannst látin í rúmi sínu þriðja morguninn eftir bólusetningu hennar í september með „of mikið blóð ásamt stórum blóðtappa sem virðist hafa myndast í leggöngum." Engin krufning var fyrirskipuð, samkvæmt skýrslunni. Andlát tveggja ára barns var fjarlægt úr gögnum. Aðrar nýlegar skýrslur til VAERS innihalda andlát tveggja ára gamals Alaska drengs í kjölfar COVID bólusetningar. Skýrslan um andlát hans birtist stuttlega í skýrslum sem birtar voru á VAERS. Í skránni segir að drengnum hafi „byrjað að blæða úr munni, augum, nefi og eyrum innan sex klukkustunda frá bólusetningunni" og lést hann sama kvöld. Skýrslan birtist stuttlega á VAERS vefsíðunni á þakkargjörðardaginn í nóvember í bunka með 14.529 skrám sem var hlaðið niður af VAERS greiningarvef sem rekinn er af nafnlausum gagnarekanda. Skrárnar voru síðan  af einhverjum ástæðum endurhlaðnar inn á VAERS vefsíðuna 3. desember, en skráningin um andlát tveggja ára barnsins var þá ekki meðal skránna í bunkanum. Þó að ekkert COVID bóluefni hafi verið leyft fyrir börn allt niður í tveggja ára, eru fjölmargar tilkynningar skráðar um bólusetningar barna fyrir slysni með fullorðins skömmtum, eða börnum sem fyrir mistök fengu COVID sprautur í stað annarra bóluefna fyrir aldurshóp þeirra. Sem dæmi um þetta er tilvik fjögurra og fimm ára bróður og systur sem fengu bæði fullorðins skammta af COVID bóluefni í stað flensusprauta frá Walgreens apóteki og fengu hjartavandamál eftir það.

Skaði af völdum þessara tilraunaefna, sem eru ekki hefðbundin bóluefni eins og almenningur hefur þekkt hingað til, er þekktur og má finna upplýsingar um það í skjölum frá m.a. framleiðendunum sjálfum og sérfræðingum þeirra, enda hafa framleiðendur gert það að skilyrði fyrir notkun efnanna að þeir geti ekki orðið ábyrgir fyrir skaðanum sem þau valda. Vil ég  benda á t.d. þessar umfjallanir um skaðsemina:

Skjöl frá Pfizer staðfesta glæpsamlega yfirhylmingu andláta og skaða.

Ástæðan fyrir blóðtappamyndun AstraZeneca fundin.

Til viðbótar þessu vil ég benda á eftirtalda grein um hugsanlega persónulega ábyrgð þeirra sem taka þátt í verknuðum sem gætu talist brot gegn landslögum og þ.m.t. alþjóðalögum um glæpi gegn mannkyni. Það er því mikilvægt að skólastjórnendur taki upplýsta ákvörðun um hvort þeir ætli að taka þátt í læknisfræðilegri tilraun á skólabörnum sínum eða ekki og tilkynni ákvörðun sína opinberlega með rökstuðningi fyrir foreldrum svo afstaða þeirra liggi fyrir komi til málaferla síðar vegna skaða sem börnin verða fyrir vegna tilraunaefnanna. Þetta er mjög mikilvægt fyrir skólastjórnendur sem og aðra starfsmenn skólanna svo ekki komi til þess að saklaust fólk verði elt uppi í framtíðinni, þegar allt verður gert upp, og það sakað um glæpi sem það framdi ekki. Reynslan m.a. úr seinni heimstyrjöldinni kennir okkur þetta þar sem jafnvel þeir sem "aðeins" töldu sig vera að framfylgja skipunum hafa þurft að bera ábyrgð á gjörðum sínum fyrir dómstólum jafnvel löngu síðar. Mikilvægt hér er að orðum fylgi framkvæmd svo enginn vafi verði til staðar.

Málaferli Dr. Reiner Fuellmich vegna glæpa gegn mannkyni – um hvað snúast þau?

Reykjavík, 14. desember 2021,

með einlægri kveðju,

XX foreldri