Í danska blaðinu Berlingske Tidende kemur fram að ný gögn um vörn gegn Covid-19 sýndu að náttúrulegt ónæmi ver einstaklinga betur og lengur en bólusetning. Yfirvöld hafa síðan í haust veitt svokallaðan kórónupassa vegna fyrra smits í allt að 180 daga á meðan kórónupassi í kjölfar bólusetningar hefur verið með ótakmarkaðan gildistíma, en verður í janúar styttur niður í 7 mánuði. Hin nýju gögn benda til að kórónupassinn vegna fyrra smits eigi að fá að endast lengur en sá í kjölfar bólusetningar.

Að sögn viðmælanda í fréttinni þá passa hin dönsku gögn vel við ísraelsk gögn sem bentu til betri varnar náttúrulegs ónæmis en bólusetningar. Ný rannsókn frá Ísrael, sem nú sætir ritrýni segir sömu sögu. Á heimasíðu Brownstone Institute er vísað í 35 rannsóknir sem gefa til kynna að vörn vegna bólusetningar er takmörkuð og dalar hratt. Ekki er hægt að segja að svo stöddu hvort þriðja sprautan muni breyta nokkru um það enda eru áætlanir uppi víða, t.d. í Bretlandi, Bandaríkjunum og Ísrael, að sprauta oftar en það. Í Ísrael er manneskja talin óbólusett ef meira en 6 mánuðir eru liðnir frá síðustu sprautu.

Taflan sýnir samanburð á vörn vegna bólusetningar, fyrra smits af Covdi og samblands fyrra smits og bólusetningar