Omicron er ekki vandamálið eins og haldið hefur verið fram, heldur misheppnuð bóluefni.
Danir birta nú daglega afar ítarleg gögn um Covid smit og sjúkrahúsinnlagnir, ekki bara um Omicron, heldur öll Covid afbrigði. Og þessi gögn sýna allt aðra mynd en fjölmiðlar hafa haldið á lofti undanfarin tvö ár.
Omicron sem áfram virðist mun hættuminna þó það smitist meira en fyrri afbrigði hefur verið notað sem skálkaskjól fyrir óvirkni bóluefnanna.
Flest ný Covid smit í Danmörku eru meðal fólks sem er tví-eða þríbólusett og á það bæði við um Omicron og fyrri afbrigði. Um 76 prósent af smitum sem ekki eru Omicron eru hjá bólusettum og 90 prósent Omicron smita eru einnig meðal bólusettra.
Ennfremur eru aðeins 25 af þeim 561 sem eru nú á sjúkrahúsi í Danmörku vegna Covid með Omicron afbrigðið. Danir gefa ekki upp nákvæma tölu yfir sjúklinga á gjörgæslu með Omicron en segja aðeins að þeir sjúklingar séu færri en fimm.
Þá er sú staðreynd mjög athyglisverð um Omicron og Danmörku að fjölgun tilfella þess er í raun samhliða minnkandi aukningu í vexti sjúkrahúsinnlagna og gjörgæslusjúklinga. Slíkar innlagnir um það bil fimmfölduðust á milli miðs október og lok nóvember, þegar Danir voru orðnir mjög mikið bólusettir. Síðan þá hefur þetta breyst lítið og rétt hækkað um 20 prósent.
Á meðfylgjandi mynd má sjá sjúkrahúsinnlagnir vegna Covid í Danmörku síðustu þrjá mánuði: athugið að mikla hækkunin er á undan Omicron, en fyrsta tilfelli þess var greint í Suður-Afríku 24. nóvember.
Dönsku gögnin sýna einnig að þeir sem eru með Omicron eru bæði ólíklegri til að leggjast inn á sjúkrahús en þeir sem eru með önnur afbrigði og útskrifast líka mun hraðar af sjúkrahúsi, í samræmi við það sem Suður-Afrísk heilbrigðisyfirvöld hafa greint frá.
Föstudaginn 17. desember greindu Danir til dæmis frá því að heildarfjöldi sjúklinga á sjúkrahúsi með Omicron frá því faraldurinn hófst hafi verið kominn í 77. Hafði þeim fjölgað um 20 sjúklinga frá því á fimmtudag.
En fjöldi Omicron-sjúklinga sem nú, 17. desember, eru á sjúkrahúsi jókst aðeins um átta á milli fimmtudags og föstudags, úr 17 í 25. Þannig virðast 12 af þeim 17 Omicron-sjúklingum sem lágu á sjúkrahúsi á fimmtudeginum hafa verið útskrifaðir á einni nóttu.
Í samanburði við skýrslu mánudagsins er þróunin enn skýrari. Fjöldi Omicron tilfella hefur um það bil þrefaldast, en sá fjöldi fólks sem lagður er inn á sjúkrahús endurspeglaði það ekki fór aðeins úr 14 í 25.
Eina ástæðan sem gæti verið áhyggjuefni þegar dönsku gögnin eru skoðuð er sú að Omicron virðist einna helst smita yngra fólk, þó ekki fólk undir 15 ára, sem er líklegra til að vera óbólusett.
Á heildina litið styðja tölurnar frá Danmörku þó að mestu leyti þær tölur sem koma frá Suður-Afríku og sýna það svart á hvítu að ástæðan fyrir því að Evrópa hefur séð mikla fjölgun smita og sjúkrahúsinnlagna í haust hefur ekkert með Omicron að gera heldur er ástæðan misheppnað bóluefni.
