Tímabært er að rifja upp að u.þ.b fyrir ári síðan sagði forstjóri Sóttvarnarstofnunar Bandaríkjanna (CDC), Rochelle Walensky, í sjónvarpi að þeir sem væru bólusettir við Covid myndu ekki smita aðra og myndu ekki veikjast - því svo sýndu ekki aðeins gögn úr klínískum rannsóknum heldur líka raunveruleg gögn (eftir að byrjað var að sprauta almenning).

Yfirvöld flestra þjóða hafa stuðst við upplýsingar og gögn frá CDC sem nýlega neyddist til að fjarlægja 24 prósent dauðsfalla barna sem ranglega höfðu verið skráð sem Covid dauðsföll, auk um 70 þúsund annarra dauðsfalla meðal fullorðinna. 

Þrátt fyrir að trúnaðarskjöl Pfizer sem fengust með dómsúrskurði í Bandaríkjunum hafi sýnt  fram á svívirðilega yfirhylmingu bóluefnaskaða og andláta af völdum bóluefnanna og að bæði Pfizer og FDA hafi vitað að því, þá þegja helstu fjölmiðlar um málið og Þórólfur sóttvarnalæknir boðar nú annan örvunarskammt á næstu mánuðum. Glænýtt bóluefni við ómíkrón afbrigðinu sem nánast hver einasti Íslendingur hefur þegar sýkst af (eða öðrum afbrigðum) þrátt fyrir mjög hátt bólu-setningahlutfall.

Það verður áhugavert að fylgjast með því hversu marga verður hægt að gabba aftur í Laugardalshöllina.