Guðmundur Karl Snæbjörnsson læknir var gestur Arnþrúðar Karlsdóttur í síðdegisútvarpinu á Útvarpi Sögu í dag.  Rætt var um stórfelldar breytingar á lögum um sóttvarnir, bæði hérlendis og erlendis. Til umræðu voru drög að reglugerð heilbrigðisráðherra um útgáfu vottorða og frumvarp til breytinga á sóttvarnarlögum. Reglugerðin gerir læknum skylt að veita heilbrigðisupplýsingar um sjúklinga til opinberra aðila. „Þar með hefur trúnaðarsamband milli læknis og sjúklings verið rofið,“ sagði Guðmundur Karl.

Alþjóðaheilbrigðisstofnunin (WHO) öðlast alræðisvald

Guðmundur Karl sagði að mörg ákvæði í frumvarpi til sóttvarnalaga og reglugerð heilbrigðisráðherra þjóni þeim tilgangi að Ísland gangist undir alræðisvald WHO. Ríkisstjórn Bandaríkjastjórnar áætlar að veita WHO alræðisvald til að fara með æðstu stjórn sóttvarnarmála í heiminum. Ef samningurinn verður samþykktur á Bandaríkjaþingi þýðir það að WHO muni skipa aðildarríkjunum 194 að innleiða eitt yfirvald í heilbrigðismálum. WHO mun þannig fara með alræðisvald og ákvarða hvað telst vera heimsfaraldur og getur sömuleiðis fyrirskipað „bólusetningar“ á fólki, t.d. „skyldubólusetningu“ og skerðingu á réttindum borgaranna. WHO fengi með samþykktinni allsherjarvald til að grípa inn í sóttvarnir 194 aðildarríkja, meðal annars á Íslandi. Stofnunin  getur farið fram á að fólk framvísi bólusetningarvottorðum. Verði þessi áætlun að veruleika gengur hún gegn íslensku stjórnarskránni, persónuverndarlögum og lögum um réttindi lækna og sjúklinga.

Gert ráð fyrir valdbeitingu lögreglu

Guðmundur Karl sagði einnig að verði frumvarpið samþykkt þá embætti sóttvarnalæknis þar með óþarft en hans helsta hlutverk verði þar með að hlýða þeim ákvörðunum sem WHO tekur hverju sinni, eftir geðþóttaákvörðunum erlendra embættismanna. Arnþrúður benti á að í 33. gr. frumvarps til sóttvarnarlaga komi fram að ráðherra sé heimilt að setja reglur í reglugerð um vottorð tengd smitsjúkdómum og vottorð um afstaðna sýkingu eða varðandi það að einstaklingur sé ekki smitandi. Borgararnir þurfi þannig að sanna að það sé ekki með smitsjúkdóm og til þess þurfi bóluefnavegabréf. Í 22. gr. frumvarpsins um ákvörðun um frelsissviptingu, er sömuleiðis gert ráð fyrir því að sóttvarnaryfirvöld geti leitað eftir aðstoð lögreglu við að handtaka fólk eftir skipun sóttvarnarlæknis og loka það inni ásamt því að nota líkamlega valdbeitingu. Auk þess gera málsmeðferðarreglur ráð fyrir því að borgarar geti leitað til dómstóla með slík mál en málsmeðferð fyrir dómi fresti ekki framkvæmd stjórnvaldsákvörðunar.

Landsmenn sprautaðir með framandi efnum

Arnþrúður sagði að svona sé málunum lætt inn í sóttvarnarlögin í skjóli þess að enginn hafi áhuga á að lesa lögin eða kynna sér þau. Fleiri alvarleg atriði koma einnig fram í þeim tilgangi að binda þau í lög. Samkvæmt sóttvarnarlagafrumvarpinu verður heimilt með sérstöku inngripi „að gata eða gera skurð í húð, eða setja áhald eða framandi efni í líkamann og gera rannsókn á líkamsholi.“ Engin skilgreining fylgir þó frumvarpinu um hvað teljist vera framandi efni og því getur skilgreiningin t.d. átt við bóluefni sem ekki hafa verið prófuð til fulls. Með þessu verður leyfilegt að sprauta hvaða efni sem er inni í mannslíkamann, í börnum jafnt sem fullorðnum eftir því sem aðræðisvald WHO ákveður.

Guðmundi Karli hugnast ekki að WHO sé gefið þetta alræðisvald og bendir á að valdið snúi ekki eingöngu að heilbrigðismálum heldur einnig tjáningarfrelsinu því áætlað er að stofnunin fái vald til að ákveða eftir eigin geðþótta hvað teljist til rangra upplýsinga eða falsupplýsinga. Staðreyndin eru sú að öll gagnrýni á sóttvarnaraðgerðir verður flokkað sem hatursorðræða. 

Arnþrúður sagði frá því, að í gær hafi Áslaug Arna nýsköpunar-og iðnaðarráðherra ásamt ráðherra háskólamála samþykkt styrk til fjölmiðlanefndar sem á að halda námskeið um það hvernig skuli finna falsfréttir.

Guðmundur sagðist mjög hugsi yfir stöðu mála:

„Ég spyr hvað er eiginlega í gangi þarna í ríkisstjórninni og á Alþingi sem virðist sofa yfir þessu. Við kusum þetta fólk til ábyrgðar og hvað er það að gera?“ spyr Guðmundur.

Aðspurður um hvað læknum finnist almennt um breytingarnar sem fram koma í frumvarpinu, til dæmis skyldu lækna til að afhenda stjórnvöldum heilsufarsupplýsingar, svaraði Guðmundur að þeir læknar sem hann hafi rætt við séu hreinlega forviða því þetta brjóti bæði gagnvart réttindum lækna og sjúklinga.

Viðtalið má hlusta á hér.