Eftir Magnús Orra Grímsson:

Gífurleg fjölgun heildardauðsfalla full bólusettrar þjóðar vekur upp spurningar. Landlæknisembættið bregst við með tilflutningi dauðsfalla.

Nú á að færa 200 dauðsföll yfir á Covid-19 veikindi. Máli sínu til stuðnings bendir Alma Möller landlæknir á samfallandi toppa dauðsfalla á milli Covid-19 dauðsfalla og heildardauðsfalla.

Við nánari athugun má sjá að það er annar þáttur sem fellur að þessum samanburði hennar en það eru Covid-19 bólusetningar. Síðasta Covid-19 hópbólusetning í Laugardalshöll var auglýst 24.01.2022 á vef Heilsugæslunnar.

Í kjölfar þeirrar bólusetningar varð gífurleg aukning í fjölda dauðsfalla. Þess má geta að flest fyrri Covid-19 dauðsföll áttu sér einnig stað í kjölfar Covid-19 hópbólusetningar spyrja má sig hvort það sé tilviljun.

Mið toppurinn sem landlæknir fjallar um á sér síðan stað fjórum mánuðum eftir hópbólusetninguna í Laugardalshöll sem er nákvæmlega sá tími sem líður á milli Covid-19 bólusetninga.

Auglýsing heilsugæslunnar

Síðasti toppurinn hefst síðan fimm mánuðum þar á eftir enda Covid-19 bólusetningar minna auglýstar eftir að hópbólusetningum í Laugardalshöll var hætt og Heilsugæslan tók við þeim. Heilsugæslan fékk þó á sig gagnrýni vegna auglýsinga sem hvöttu fólk til að mæta í Covid-19 bólusetningar.

Getur verið að ástæðan fyrir mikilli fjölgun umframdauðsfalla sé hreint ekki tilkomin vegna Covid-19 veikinda heldur vegna Covid-19 bólusetninga?

Getur verið að Covid-19 bólusetningarnar hafi veikt ónæmiskerfi okkar það mikið að við ráðum verr við sýkingar almennt? Nýlegt dæmi streptókokkasýkinga styður þá tilgátu.

Þórólfur Guðnason hafði þetta að segja um óhugnanleg veikindi að undanförnu: „Við höfum ekki verið að sjá þetta áður, þetta er nýtt.“