Þessi grein birtist á Fréttinni 12. desember 2021 og er hér með endurbirt í tilefni þess að landlæknir hefur nýlega hækkað tölu „Covid látinna“ um helming, úr rúmlega 200 í 400.

Í gær bárust fregnir af því á meginstraumsmiðlunum RÚV, mbl.is, Vísi og Fréttablaðinu að einn hefði látist af völdum Covid-19 á Landspítalanum en hvergi kemur fram að maðurinn hafði nýlega fengið örvunarskammt áður en hann veiktist og því verið þríbólusettur.

Maðurinn sem lést hét Guðbergur Guðnason og var 74 ára. En dóttir hans Margrét Ósk Guðbergsdóttir skrifaði langan pistil í opinni færslu um föður sinn á facebook síðu sína í gær.

Í pistlinum kemur meðal annars fram að það hafi ekki verið Covid sem hafi gert útslagið heldur samverkandi þættir af ýmsu og segir Margrét að Guðbergur hafi veikst eftir fyrstu AstraZeneca sprautuna og verið með í lungunum svo vikum skipti. Margrét segir einnig  frá því að viku áður en faðir hennar lenti á spítala hafi hann fengið Covid örvunarskammt. En ónæmiskerfið var bælt og hann virtist ekki hafa þolað sprautuna. Hanne fékk einnig blóðtappa í lungu og fótinn, 40 stiga hita og þrjár tegundir sýkinga. Líffærin byrjuðu svo að gefast upp hvert á fætur öðru, „en pabbi gafst aldrei upp og barðist hetjulega allan tímann,“ segir Margrét.

Það verður því að teljast merkilegt að þetta sé eina útskýringin sem spítalinn sendir frá sér, vitandi að það voru samverkandi þættir sem höfðu áhrif. Einnig er hæpið að halda því samtímis fram að örvunarskammturinn geri mikið gagn ef staðan er síðan allt önnur, í það minnsta í tilfelli Guðbergs og ekki virðast ofangreindir fréttamiðlar hafa áhuga á að spyrja út í bólusetningastöðu mannsins ólíkt t.d. því sem má lesa í þessari frétt.

Pistil Margrétar má lesa hér að neðan eða með því að smella hér.