Eftir Hall Hallsson:

Katrínu Jakobsdóttir og Þórdísi K.G. Reykfjörð, var stefnt til Kænugarðs af húsbændum sínum og hafa kysst hring Selenskí forseta í Kænugarði. Þau féllust í faðma í lok fundar eins elskendur sem bíður langur aðskilnaður, Katrín og Selenskí. Stöllurnar heita ríkulegum stuðningi íslenskra skattgreiðenda til stríðsrekstrar en 2.5 milljarðar eru farnir án þess að nokkur spyrji hvert þeir fóru. RÚV tryggir traustar ríkisfréttir; trusted news og fjölmiðlarestin tekur við ríkisefni. Stöllurnar fóru til Bútsja þar sem skelfileg fjöldamorð bíða uppljóstrunar og veröldin mun krefjast að hinum seku verði refsað.

Kartrín og Selenskí fallast í faðma 14.3.2023

Sú stund er ekki upp runnin. Ásakanir hafa gengið á víxl en á Íslandi er bara ein ríkisskoðun. Hætt er við því að stöllurnar eigi eftir að harma för sína. Við vitum að eftir blóðugt valdarán í Kænugarði 2014 stefndi Petro Poroshenko nýr forseti Azov-nazistum gegn rússnesku mælandi íbúum Donbass og Luhansk; þeirra börn munu hírast í kjöllurum hótaði Poroshenko með blessun Washington. Stríðið hafði staðið í átta ár þegar Rússar fóru inn fyrir rúmu ári. 15-20 þúsund manns lágu í valnum og tvær til þrjár milljónir úkraínskir Rússar höfðu flúið til Rússlands.

Þórdís klæddist úkraínskum herfrakka

Á dögunum var enn ein unga vestræna konan í Kænugarði, Sanna Marin forsætisráðherra Finnlands innvígð og innmúruð í Davos. Hún fór með Selenskí í útför fallins hermanns; nazista svo sem fjölmiðlar víða um  heim og fréttin.is hér heima hafa skýrt frá. Sann Marin hefur sýnt að hún kann að meta ljúfa lífið og Zelinsky hvíta duftið. If you want to hang out, you've gotta take her out, Cocaine fór sem eldur í sinu á netinu með Zelenskyy í aðalhlutverki. Auðvitað býður Selenskí Kötu og Þórdísi til dýrðlegrar veislu. Hvað er þetta með allar þessar glæsilegu ungu konur sem boða stríð en ekki frið? Vestræn diplómatík um frið er víðs fjarri, aðeins mónomatísk síbylja um stríð. Eru ungu konurnar í embættum af verðleikum eða mótaðar að hentugleika? Í Eistlandi dreymir Kaju Kallas forsætisráðherra um að taka við af Stoltenberg í Nato. Þýskur kollegi Þórdísar, græninginn Annalena Braebock segir frið aðeins mögulegan ef Pútin breyti stefnu 360 gráður! Hvað er hægt að segja um vitsmuni þessarar sjálfsagt ágætu en afvegaleiddu konu? Það er ekki boðið upp á viðræður, bara skilmálar.

Bara kjósa Framsókn

Framsókn hefur sett unga þingkonu, Hafdísi Hafsteinsdóttur, til að leiða vinnu um ný sóttvarnalög í velferðarnefnd. Samkvæmt drögum má sprauta fólk með framandi efnum án upplýsinga um innihald. Sóttlæknar framtíðar fá lögregluvald; skipa lögreglu að svipta fólk frelsi og sprauta. Í þætti á Útvarpi Sögu var unga þingkonan út á þekju um málefnið, svo mildilega sé til orða tekið. Hverjir véla að tjaldabaki? Af hverju ekki bara kjósa framsókn?

Biden og Selenskí fallast í faðma

Vestrænir leiðtogar til Kænugarðs

Í Úkraínu eru Katrín og Þórdís í kjölfari hers vestrænna leiðtoga sem allir sem einn hafa leyfi Vladimirs Pútin til farar um stríðshrjáða Úkraínu. Ulrika van der Leyen frá Brussel, Giorgia Meloni frá Róm, Olav Scholz og Annalena Baerbock frá Berlín, Mette Fredriksen frá Kaupmannahöfn, Boris Johnson og Rishi Sunak  frá London. Frá Washington hafa komið Nancy Pelosi þingforseti og nýlega Joe Biden forseti með lokuð augu líkt og Selenskí með örvæntingu í svip. Anthony Blinken utanríkisráðherra var í Austurvegi, sem og Anthony Blinken utanríkisráðherra, Janet Yellen fjármálaráðherra og Merrick Garland dómsmálaráðherra. Þarna hefur margt verið brallað. Kevin McCarthy leiðtogi repúblikana í fulltrúadeildinni hafnaði boði Zelinskyy um för í Austurveg. McCarthy kveðst ekki fara til Kænugarðs nema hafa fullvissu um endurskoðun fjármuna; financial audit þar sem allt sé gagnsætt upp á borðum. Engin 10% to the Big Guy svo vitnað sé í Laptop-from-Hell. Joe Biden-stjórnin hafnar öllu eftirliti með þvottavélum sínum. Árin 2017-2021 var við völd forseti sem vildi hætta Endalausum styrjöldum Ameríku og Nato ásamt kalla hermenn heim. Það fannst Kötu og Þórdísi afleit hugmynd, þær vilja stríð. Svona er nú veröldin skrítin.

Nord Stream B-52

750 amerískar herstöðvar utan landamæra

Bandaríkin hafa 750 herstöðvar utan landamæra sinna, þar af um mörg hundruð umhverfis Rússland og Kína. Sjálfsagt er Keflavíkurflugvöllur nú á lista. Síðastliðin 30 ár hafa Nato, Bandaríkin og Evrópusambandið markvisst fært út kvíar í Austur-Evrópu og eru nú í kálgarði Rússlands. Árið 2014 var dæmigert amerískt Coup d‘Etat í Kænugarði kallað Colour Revolution eða Litabyltingin. Íslendingar fengu sína Litabyltingu en kalla Búsáhaldabyltingu þegar ríkisstjórn Sigmundar Davíðs Gunnlaugssonar var hrakin frá völdum eftir að hafa styggt Wall Street, Brussel, London og Washington um skaðabætur úr föllnu bönkunum upp á 800 milljarða við afnám gjaldeyrishafta. Tilviljun?

Kerfisbundið er grafið undan stjórnvöldum í Hvíta Rússlandi og Georgíu. Anthony Blinken utanríkisráðherra var í Kazakstan á dögunum og bauð fram vernd Bandaríkjanna gegn Rússum. Því var hafnað af Mukhtar Tileuberdi, utanríkisráðherra sem kvað Kazakstan enga ógn stafa af Rússlandi. Fréttablaðið hefur skýrt frá mestu heræfingum Bandaríkjanna og S-Kóreu um árabil. Bandaríkin hafa 17 herstöðvar í S-Kóreu. Rússar munu hafa herstöðvar í gömlu sovétlýðveldunum Armeníu, Tadzhikistan og hérðunum Abkhazíu og Ossetíu sem lýstu yfir sjálfstæði frá Georgíu. Kínverjar eru í Dhjibútí í Afríku og hafa steypt og stækkað eyjar í S-Kínahafi. Hvað eru þeir að bralla?

B-52 kjarnorkuvirki stefnt  á Pétursborg

Fréttablaðið birti með frétt sinni mynd af B-52 kjarnorkuvirki ásamt fylgdarþotum. B-52 var með kallmerkið Noble-61 stefnt á Pétursborg og Kalíningrad en þó  án kjarnorkuvopna að helst er talið. Fyrir átta mánuðum var USS Kearsarge í Eystrasaltinu með fríðu föruneyti og þremur mánuðum sprakk Nord Stream þegar P8 þota tók á loft frá Keflavíkurflugvelli og sveimaði yfir gasleiðslunum. B-52 tók á loft frá Póllandi út yfir Eystrasaltið yfir eistnesku eyjuna Saaremaa og stefndi í átt að rússnesku eyjunni Gogland um 200 kílómetra frá Pétursborg. Þar tók þotan stefnu til suðurs og flaug yfir Eistland, Lettland og Litháen í átt að rússnesku borginni Kaliningrad. Að því loknu flaug B52-virkið til Bretlands. Pólskar herþotur fylgdu þotunni en að sögn varnarmálaráðherra Póllands var flugið mikilvægur liður í alþjóðalegri æfingu og forstjóri finnsku alþjóðastofnunarinnar kvað flugið viðbrögð við vaxandi ögrandi aðgerðum Rússa. Rússnesk stjórnvöld hafa ekki brugðist við æfingafluginu. Nú er kvarað yfir dróna í Svartahafi. Hvað eru Bandaríkin að aðhafast? Hvað ef rússneskt Tupolov-virki poppaði upp 200km frá New York. Teldist það ögrun?

#image_title

Írafár í Ameríku

Í lok janúar og byrjun febrúar varð mikið írafár í Ameríku þegar kínverskur veðurloftbelgur fór af leið og var skotinn niður af F-16 þotu. Svo skutu F-16 þotur þrjá ógnandi hluti yfir Kanada og Alaska. Þeir voru mögulega geimskip frá öðrum hnöttum; alien UFO obejcts að sögn Hvíta Hússins. Einn þeirra kann að hafa verið pico-loftbelgur sem áhugaklúbbur í Illinoi saknaði og hafði horfið yfir Alaska. Varð af mikið fjölmiðlafár um allan hinn vestræna heim og lét okkar litla RÚV ekki sitt eftir liggja. Þann 14. janúar hafði Sy Hersh birt grein sína um hryðjuverk Bandaríkjanna og Noregs á Nord Stream í Eystrasalti; How America took out Nord Stream Pipelines. Hryðjuverk Biden hvarf af fréttasíðum og úr minni íbúa Vesturlanda, gleymt og grafið. Tilviljun? En af hverju stefndi B-52 þotan svo dólgslega á Pétursborg? Getur það tengst frétt um að Rússar hafi í síðustu viku sprengt neðanjarðar bönker úkraínska hersins í nágrenni Lvyv þar sem voru á milli 3-400 manns, þar af 40 háttsettir Nato-herforingjar fallnir?