Eftir Pál Vilhjálmsson:
Sigvaldi Kaldalóns, kallaður Svali, skrifaði færslu um drengjahóp sem rændi úlpu af ungum syni hans með því að króa hann af og hóta ofbeldi. Svali sagði drengjahópinn útlendan, sem hann líklega var, og fékk óðara að heyra það að hann væri rasisti.
Sigmundur Davíð gerði að umtalsefni íslenska Twitter-gengið sem fer í yfirgír þegar afleiðingar vanhugsaðar góðmennsku blasa við. Óheftur innflutningur útlendinga skapar félagsleg vandamál. Norðurlönd hafa lært sína lexíu, takmarka innflutning og gera kröfu um aðlögun þeirra sem fá landvist. Íslendingar eiga eftir að draga réttan lærdóm af reynslu frændþjóða.
Útlendingar sem hingað koma eru vafalaust hvorki betri né verri en við sem byggjum landið. En komi þeir of margir á skömmum tíma verða til vandamál sem hvorki er nýbúum til hagsbóta né þeim landsmönnum sem fyrir eru.
Sigmundur Davíð er nánast eini stjórnmálamaðurinn sem þorir að segja það sem margir hugsa: við verðum að temja okkur góðmennsku er tekur mið af þeirri staðreynd að Íslendingar eru örþjóð. Óheft aðgengi að opinberum gæðum skilur eftir sig sviðna jörð.
3 Comments on “Svali sannar orð Sigmundar Davíðs”
100% sammála Ísland er örþjóð sem ætti að skoða þessi mál út frá þeirri staðreynd, sérstaklega hvað varðar innflytjendamálin þar þarf faglegri vinnubrögð að öðrum kosti munu vandamálin aukast og verða illviðráðanleg á endanum. Höldum glæpamönnum frá landinu það er nóg af þeim fyrir bæði af íslenskum og erlendum uppruna, það er fullt af góðu fólki sem er að leyta að betra lífi sem vill koma hingað í einhvern tíma á meðan ástandið heima fyrir er vont og einhverjir sem festa hér rætur en það verður að stýra þetta betur, við getum ekki hleypt hvaða glæpamanni sem vill hingað inn til að ræna og ruppla, það bara gengur ekki upp.
Fólk sem vill sýna skynsemi í innflytjendamálum eru kallaðir rasistar af klikkuðu fólki sem vill eyðileggja Ísland!
Þetta sýnist manni að sé akkúrat svona eins og þú skrifar Brynjólfur