Gústaf Skúlason skrifar:

Breytingar WHO á alþjóðlegum heilbrigðisreglugerðum eru að breyta stofnuninni í „læknisfræðilega harðstjórn“ og alræði í heiminum. Við þessu varar sænska þingkonan Elsa Widding í viðtali við í Swebbtv.En þróunin „fer það undir ratsjá“ stjórnmálamanna, sem virðast standa nákvæmlega á sama. Widding segir málið „mjög alvarlegt.”

Elsa Widding varar enn og aftur við fyrirhuguðum heimsfaraldurslögum Alþjóðaheilbrigðismálastofnunarinnar WHO og breytingum á alþjóðlegum heilbrigðisreglum. „Tilmæli WHO verða lagalega bindandi” segir hún.

Mikilvægasta spurning nútímans

Að sögn Widding eru það ekki aðeins sérfræðingar sem skilja hvað er að gerast heldur einnig mikill hluti almennings.

„Ég var í heimsókn hjá mömmu í Simrishamn um daginn. Ég fór á kaffihús og þá komu nokkrir fram, sátu og ræddu þetta. Hæ Elsa…. Þau höfðu miklar áhyggjur af þessu máli.”

„Ég fæ fjölda tölvupósts á hverjum degi frá áhyggjufullu fólki. Og stjórnmálamenn okkar hunsa þetta bara. Þetta er mikilvægasta spurningin sem þarf að taka afstöðu til. Hún er miklu stærri en þegar Svíþjóð ákvað að ganga í ESB.”

Snýst alfarið um fullveldi þjóðanna

Mikael Willgert hjá Swebbtv spyr Elsu hvort „það sem hún sé að segja þýði að þróunin gæti leitt til heimseinræðis?“ Hún svarar:

„Algjörlega. Því miður stefnir í það. Þetta snýst alfarið um fullveldi okkar.”

Að sögn Widding er um „læknisfræðilega ógnarstjórn“ að ræða meðal annars með nauðungar- eða fyrirskipuðum bólusetningum.

„Allir þeir lögaðilar og lögfræðingar sem ég hef talað við draga þá ályktun, að það sé það sem þarna stendur. Þess vegna verður maður að skilja, að þetta er læknisfræðileg harðstjórn. Það er fullkomlega ólýðræðislegt. Allt ferlið er að öðru leyti ólýðræðislegt, því þetta er ákveðið án þess að fólk fái tækifæri til að rökræða og ræða um málið.”

Sjá má viðtalið hér að neðan: