Gústaf Skúlason skrifar:

Gústaf Níelsson sem er á Spáni fylgist vel með atburðum líðandi stundar. Hann veitti góðfúslegt leyfi fyrir nýtt viðtal og var hressilegur að vanda. Til umræðu voru helstu mál samtímans eins og hömlu- og eftirlitslaus fólksinnflutningur til Ísland sem er að skapa neyðarástand í landinu. Nýjar uppljóstranir um að starfsmenn Sameinuðu þjóðanna tóku þátt í hryðjuverkaárás Hamas. Einnig vaxandi ritskoðun á mörgum sviðum. Gústaf Níelsson segir að núna þurfi að endurheimta þekkinguna frá Gúlag-föngum kommúnismans. „Er farið að styttast í það að gagnrýnendur nútímans verða settir á geðveikrahæli?“ spyr Gústaf.

Gústaf Níelsson sagði það gott mál, að búið er að hreinsa tjaldbúðirnar á Austurvelli en það hefur einnig verið gert á öðrum stöðum t.d. í Osló. Hins vegar var lögreglan röggsamari í Osló en Reykjavík, því það tók mánuð að fá tjöldin burtu. Gústaf segir tjaldbúðirnar hafi angrað þjóðina, því slíkt á ekki að vera leyft á þessum stað.

Engum dettur í hug að hafa galopnar dyr að heimilinu

Úlfar Lúðvíksson lögreglustjóri Suðurnesja hefur bent á, að flugfélögin skili ekki farþegalistum til yfirvalda. Gústaf Níelsson skrifaði á Facebook síðu sinni:

„Sannleikurinn er sá að enginn veit hvaða mannskapur það er, sem valsar inn og út úr landinu af hentisemi. Í reynd er hér á ferðinni hirðulaus afstaða stjórnvalda, sem þau geta kippt í liðinn með einu pennastriki, en láta ógert af einhverjum ástæðum.“

Rök um að innflytjendur séu vinnuafl framtíðarinnar standast ekki, því ef það vantar vinnuafl, þá hefur Ísland aðgang að vinnuafli innan ESB, vegna EES samningsins. Hverfandi hlutur innfluttra kvenna eru á vinnumarkaðinum t.d. í Svíþjóð og þar er búist við ellilífeyrissprengju, þegar þær koma inn í ellilífeyriskerfið. Gústaf segir Ísland galopið og líkir við að fjölskyldur skilji eftir útidyrnar opnar fyrir hvern sem er að ganga inn. En hverjum dettur það í hug?

Fjölmiðlarnir veikasti hlekkurinn

Hin vaxandi ritskoðun stjórnvalda út um allt líkir Gústaf við kommúnismann í Sovét á þriðja og fjórða áratug síðustu aldar. Lýsti hann því hvernig það hafði áhrif á hann sem ungan mann að kynna sér hvernig gagnrýnendur kommúnismann hefðu verið fjarlægðir, fangelsaðir, settir í Gúlag þrælabúðir og jafnvel drepnir. Hvetur hann alla til að kynna sér þessa sögu, hún megi ekki gleymast, því hún sé víti til varnaðar gagnvart þeim ósköpum sem lýðræðið má þola um þessar mundir.

„Við erum í afar slæmum málum, þegar ríkið fer að að banna gagnrýni. Menn geta haft ólíkar skoðanir en réttinn til að gagnrýna má aldrei taka af okkur.“

Ég tala tunguna eins og ég lærði hana

Gústaf Níelsson er gagnrýninn á þá pólitísku sérvisku sem tröllríður pólitískt rétttrúaðri akademíu í tilraun til að breyta tungumálinu og gera kynlaust. Tók hann sem dæmi um hvernig Ölgerðin hefði hefði breytt orðalagi til að eltast við vitleysuna og einn eigandinn hefði þá umsvifalaust selt hlutabréf í fyrirtækinu. Skemmst er að minnast rétttrúnaðar eins ölfyrirtækis í Bandaríkjunum en hlutabréf fyrirtækisins hrundu, þegar þegar transboðskapur var settur á oddinn í staðinn fyrir hart vinnandi Bandaríkjamenn.

Gústaf Níelsson bindur vonir við næstu Alþingiskosningar. Hræddir stjórnmálamenn eru eins barðar afganskar kerlingar.

Smelltu á spilarann að neðan til að hlusta á þáttinn: