Gústaf Skúlason skrifar:

Guðmundur Karl Snæbjörnsson, læknir emeritus, Kalli Snæ eins og hann er kallaður, er ekki bara hafsjór af fróðleik um læknavísindin. Hann er einnig fremstur í baráttulínunni gegn misglöpum yfirvalda á Íslandi í framkomu og meðferð varðandi kórónufárið. Hann hefur fengið að kenna á ofríki kerfisfólks sem blint fylgir boðum „að ofan“ jafnvel þótt gangi gegn gildum læknavísindanna, almennri skynsemi, stjórnarskrá og öðrum lögum.

Kalli Snæ hefur mátt þola ofríki kerfisins gagnvart réttmætri gagnrýni og hvatningu til yfirvalda að endurskoða hug sinn varðandi kórónufárið á Íslandi.

Virkur í alheimsbaráttu læknavísinda gegn vantrú og þekkingarleysi löggjafans

Guðmundur Karl Snæbjörnsson læknir.

Hann er virkur meðlimur í sömu samtökum og Robert F. Kennedy Jr. leiðir – Heilbrigðisvernd barna „Children´s Health Defence.“ Kalli Snæ hefur á fáum árum getið sér orð sem einn helsti baráttumaður fyrir læknavísindin á Íslandi sem á heimsvísu. Hann var helsti frumkvöðull að stofnun Alþjóða heilbrigðisráðsins „World Council for Health“ sem á nokkrum árum hefur náð útbreiðslu til yfir 50 landa og hefur innan sinna vébanda yfir 20 þúsund lækna, vísindamenn og aðila sem berjast fyrir útbreiðslu sannleikans varðandi mRNA bóluefnatæknina.

Fleiri stofnanir eru vettvangur Kalla Snæ, til dæmis Læknakallið í Svíþjóð og einnig FLCCC. Þótt íslensk yfirvöld og harðsvírað kerfisfólk hafi reynt að þagga niður í Kalla Snæ, þá hefur þeim ekki tekist það enn. Íslendingar eru heppnir að eiga að lækni sem stendur svo fast á læknaeiði sínum að til fyrirmyndar er jafnvel fyrir eiðstaf þingmanna að stjórnarskránni.

Ofstækið fylgifiskur mannfólksins

Kalli Snæ bendir á, að ofstækið hefur alltaf verið fylgifiskur mannsins. Bendir hann á nokkur nöfn því til staðfestingar, krossfestingu frelsarans, aftöku Giordano Bruno sem brenndur var á báli ár 1600 fyrir að halda því fram, að stjörnurnar væru sólir með eigin plánetum á braut kringum sig. Kalli Snæ er fljótlega á förum til að skoða staðinn, þar sem Bruno var brenndur á Campo de´Fiori, markaðstorgi í miðri Rómarborg. Var Bruno tunguheftur og bundinn nakinn við stólpa og brenndur til dauða samkvæmt fyrirmælum Páfa Clement áttunda. Eftir fylgja dæmi eins og Galileo og fleiri. Það er því engan vegin nýtt, að yfirvöld sitja fast í eigin hugmyndabólu og beiti frekar valdi en að taka á móti upplýsingum.

Kalli Snæ bendir á hina heilögu þrenningu Alþjóða heilbrigðismálastofnunarinnar WHO:

• Veiran er manngerð þótt WHO hafi lagst gegn þeirri skýringu til að fela eigin aðkomu að málinu
• PCR-pinnar sem mældu kvef og aðra kvilla ofan á Covid og gáfu því alranga mynd af raunverulegri útbreiðslu sjúkdómsins
• Þöggun yfirvalda um alvarlegar afleiðingar og skaða mRNA-bóluefnanna

Helmingi færri börn fæddust á Íslandi í desember en áður

Samkvæmt Kalla Snæ hefur áróðurinn varðandi Covid-bóluefnin verið gegndarlaus. Til dæmis var sagt í fyrstu að „enginn bólusettur fengi nokkru sinni aftur Covid“ og að „bóluefnin bjargi lífum.“ Reynslan eftir það sýnir fram á hið gagnstæða. Það eru þeir bólusettu sem fá Covid aftur og aftur og margir hafa dáið af völdum aukaverkana til dæmis hjartakvilla, sprungnum hjörtum. Flestir þekkja til óteljandi dæma um stálheilbrigt íþróttafólk sem skyndilega hnígur niður í óskilgreindum umframdauða. Ísland hefur ekki verið barnanna best á þessu sviði, landið hefur toppað umframdauðann og það sem er enn þá verra: Í desember 2023 fæddust 50% færri börn en áður.

Markvisst hefur verið reynt að þagga niður í þeim sem reynt hafa af veikburða mætti að vekja athygli yfirvalda um víða veröld á hræðilegum aukaverkunum svo kallaðra bóluefna. Yfirvöld hafa þverskallast við og grípa frekar til þess ráðs að kalla gagnrýnendur samsærisfólk en að taka við upplýsingunum.

Taka ætti Grímseyjartilboði Kára Stefánssonar

Kalli Snæ bendir á, að verið er að ráðskast með okkur af hálfu stofnana sem enginn lýðræðislega kjörinn fulltrúi kemur nálægt. Það gildir um Alþjóða heilbrigðismálastofnunina WHO, Sameinuðu þjóðirnar, Evrópusambandið, Alþjóða gjaldeyrisvarasjóðinn og fjölda annarra stofnana. Að óprúttnum náungum hafi tekist að ná völdum í þessum samtökum hefur gjörbreytt grundvelli alþjóðlegs samstarfs eins og gilti áður.

Kalli Snæ segir að ritskoðun þessara stofnana sem lýðræðislega kjörnir fulltrúar annað hvort skilja ekki eða standa í þeirri trúa að sé réttlætanleg, hafi gengið svo langt að réttlæti orðið fasisma. Það er þegar ókjörnir aðilar hafa í raun hertekið stofnanir almennings og hindra opnar umræður og eðlilegt upplýsingaflæði. Hann segir eina bóluefnið gegn vanþekkingu og ímyndun vera upplýsingar og aftur upplýsingar. Kalli Snæ segist frekar beina kröftum sínum til almennings en þingheims sem hunsar að ræða málið og stefni þjóðinni í skipbrot.

Hafa málin gengið svo langt að réttast væri að taka tilboði Kára Stefánssonar og senda þingheim út í Grímsey þar sem hægt væri að stofna félag án samsæriskenninga. Gætu þingmenn þá farið í særingarferðir til meginlandsins líkt og erindrekar páfans til að reka illa anda úr fólki.

Smelltu á spilarann hér að neðan til að hlýða á viðtalið: