Gústaf Skúlason skrifar:

Nýlega samþykkti ESB-þingið (LIBE-nefndin) nýjan fólksflutningasamning. Áætlunin um fjöldaflutninga til álfunnar er kölluð „Soros-áætlunin“ og „Sjálfsmorð Evrópu.“ Stjórnmálamenn í öllum hinum vestræna heimi virðast hafa nóg að gera við að fremja sjálfsmorð á vestrænni siðmenningu.

Myndbandið að neðan „Með opnum hliðum: sameiginlegt þvingað sjálfsmorð evrópskra þjóða“ birtist fyrir 8 árum. Myndbandið var tekið niður af YouTube og Liveleak.

Myndbandið var umtalað á þeim tíma. Vinstrimenn froðufelldu yfir rasisma vegna raunverulegra mynda af innrásinni í Evrópu. Myndbandið má skoða hér að neðan og þá geta allir sjálfir ákveðið fyrir sig hvort þetta myndband sé rasískt eða móðgandi. Sérstaklega með þá þekkingu í huga hvernig raunveruleikinn lítur út í dag 8 árum síðar:

Soros-áætlunin

Magyar Nemzet greinir frá: Balazs Hidveghi, þingmaður Fidesz, ræddi við blaðamenn í Brussel á miðvikudag eftir að LIBE nefnd Evrópuþingsins greiddi atkvæði með fólksflutningasamningnum.

„Samþykkt fólksflutningasamningsins er enn ein árás Brussel gegn Ungverjalandi. Átta árum eftir upphaf fólksflutningakreppunnar, þrátt fyrir fjölmargar hörmungar, mannlegar hörmungar, ógnir við almannaöryggi og hryðjuverkaógn, tók LIBE-nefnd Evrópuþingsins í dag ákvörðun um að hrinda Soros-áætluninni í framkvæmd.“

Ný gettó farandfólks búin til í aðildarríkjum ESB

Hidveghi gaf ítarlega skýringu á því, hvers vegna fólksflutningasamningurinn er ósamrýmanlegur afstöðu Ungverjalands. ESB-þingmaðurinn lagði áherslu á að tillagan, sem felur í sér níu lagabálka, miðar meðal annars að því að dreifa ólöglegum innflytjendum um Evrópu samkvæmt kvóta aðildarríkjanna. Sérhvert land sem neitar að taka við flóttamönnum þarf að greiða sektir. Hidveghi sagði:

„Þessi ákvörðun mun í raun skapa farandgettó í aðildarríkjum ESB, sem er óviðunandi fyrir Ungverjaland. Nýju reglurnar krefjast þess ekki, að ákvarðanir um hælisbeiðnir verði teknar utan landamæra Evrópu.“