Bandaríski blaðamaðurinn Tucker Carlson segir í viðtali við Jimmy Doremun, að hann muni aldrei fara til læknis „sem enn lýgur um Covid.“  Hvers vegna? Vegna þess að hann „er siðlaus og hættuleg manneskja“ fullyrðir Tucker Carlson.

„Allir læknar sem kynntu hin svo kölluðu Covid-bóluefni ættu að biðjast afsökunar. Í grundvallaratriðum var allt sem þeir sögðu um bóluefnið rangt og það hefur valdið mörgum tjóni.“

Að vísu eru til heiðarlegir læknar:

„Það eru tugir þúsunda lækna í Bandaríkjunum. Af hverju rísa þeir ekki upp og segja: Guð minn góður, ég er svo miður mín. Ég get ekki skilið að ég hafi mælt með þessu.“

Tucker ber saman þessa afstöðu við hið ólöglega stríð í Írak, sem hann studdi sjálfur í upphafi:

„Ég studdi Íraksstríðið 2003 og í lok árs 2003 áttaði ég mig á því, að ég hafði rangt fyrir mér. Mér leið illa vegna þess í 20 ár. Í vikunni voru reyndar 20 ár síðan ég fór til Íraks og mér hefur liðið illa eftir það. Í hvert skipti sem ég get, biðst ég afsökunar. Ekki til að þóknast öðrum heldur til að viðhalda reisn minni og sjálfsvirðingu.“

„Ef þú meiðir einhvern óvart þarftu að segja „Fyrirgefðu.“ Ég get ekki skilið hvers vegna 99% lækna gera það ekki. Ég mun alla vega ekki fara til þeirra. Ég myndi aldrei fara til læknis sem heldur áfram að ljúga um Covid, því það er hættuleg manneskja. Siðlaus og hættuleg manneskja.“

Hér að neðan má heyra Tucker Carlson ræða um málið í viðtali við Jimmy Dore: