Það dynja á okk­ur þessa daga og und­an­farna 20 mánuði til­mæli um að „ótt­ast“. Við eig­um að ótt­ast neyðarástand, sótt, dauða, smit, ein­angr­un og ekki síst annað fólk. Hér ætla ég að ræða aðeins hlut sér­fræðimenntaðra í að viðhalda og spana upp skelf­ingu og dóms­dags­stemn­ingu. All­nokk­ur hluti þjóðar­inn­ar virðist lamaður af hræðslu við ósýni­leg­an óvin, veiru sem veld­ur önd­un­ar­færa­sýk­ingu. Kór­ónu­veir­an er enda iðulega út­máluð sem stór­hættu­leg drápsveira sem þó er veru­lega of­mælt. Það hef­ur margoft komið fram að veir­an er nán­ast aðeins skæð eldra fólki og þeim sem eru með slæma und­ir­liggj­andi sjúk­dóma. Dauðsföll meðal þessa hóps eru þó mun færri en pre­dikað var í upp­hafi. Í lang­flest­um til­vik­um lif­ir jafn­vel hrumasta fólk þessa veiru­sýk­ingu af. Minna má á þá gömlu og seigu og óbólu­settu Guðrúnu Valdi­mars­dótt­ur sem 100 ára hristi af sér þessa skítaflensu og fann aðeins fyr­ir sín­um „venju­bundnu leti­köst­um“. 1 ) Hvað geng­ur þá þessu fólki til að tala um neyð, ótta og að við verðum að nota „harðar aðgerðir“ til þess að koma í veg fyr­ir „neyðarástand“. Hverj­ir græða á þess­um sí­felldu ótta­skila­boðum? Ekki er það al­menn­ing­ur, svo mikið er víst. Það er nefni­lega ekki æski­legt að lifa í ótta.

Hinn óbólu­setti ógn­vald­ur

Nýj­ustu skila­boðin eru líka frem­ur and­styggi­leg, nú á að ótt­ast hina óbólu­settu. Þeir eru hinn nýi ógn­vald­ur sam­fé­lags­ins. Hræðslu­fram­lag Ingi­leif­ar Jóns­dótt­ur, starfs­manns Íslenskr­ar erfðagrein­ing­ar, var þannig ótví­rætt. Hún hélt því fram að óbólu­sett­ir smituðu miklu meira, „50% meira en hinir bólu­settu“. Þetta voru að vanda rann­sókn­ir „utan úr heimi“ og „nýj­ustu rann­sókn­ir“ en ekk­ert getið um heim­ild­ir. 2 ) Hér virðist því frek­ar um að ræða hinn venju­bundna áróður fyr­ir „bólu­setn­ing­um allra“ sem iðulega má heyra frá frú þess­ari enda á ráðgjafa­laun­um hjá Global Vacc­ine and Imm­un­izati­on Rese­arch For­um. Ráðgjafastarf Ingileifar hjá GVIRF, "member of advisory board, 2013 to present " má skoða hér.

^{Ingileif Jónsdóttir}

Það sem hékk á spýt­unni var að nú þyrfti að leita þessa ein­stak­linga uppi og fá þá til þess að bólu­setja sig. 3 ) Þessi her­skái tónn og umræða um sér­staka „smit­hættu hinna óbólu­settu“ er vara­söm. Hætt er við að hinir óbólu­settu verði gerðir að söku­dólgi. Fólk beini ómeðhöndluðum ótta, reiði og ör­vænt­ingu að hinum nýja óvini; hinum óbólu­settu smit­ber­um. Þá er viðbúið að dreg­in verði upp mynd af hinum óbólu­setta sem fóst­bróður veirunn­ar og heppi­leg­um blóra­böggli alls þess sem af­vega fer.

Kynt und­ir hatri og sundr­ungu

Sú mynd hef­ur því miður raun­gerst í skrif­um og tali fjöl­miðlamanna og al­menn­ings á und­an­förn­um dög­um. Frétt­ir og leiðarar dag­blaða jafnt sem Rík­is­út­varpið slá þenn­an skamm­ar­lega tón. Fyr­ir­sögn eins og „óbólu­sett­ir baggi á sam­fé­lag­inu“ er ekk­ert eins­dæmi. Rit­stjóri Frétta­blaðsins spyr hvort „fullt frelsi óbólu­settra“ sé verj­an­legt. Ofsa­feng­in um­mæli „virkra í at­huga­semd­um“ gefa til kynna ótta, hat­ur og sundr­ungu: „Óbólu­sett fólk er að skemma fyr­ir þjóðinni.“ „Það eru þess­ir óbólu­settu sem eru að gera allt vit­laust.“ Skyndi­lega er ástandið orðið þess­um fá­menna hópi óbólu­settra að kenna og fólk jafn­vel farið að ótt­ast hann eins og svarta­dauða. Þetta er varla sam­fé­lag sem við vilj­um?

Sér­fræðiveldi og ofsa­trú

Sér­fræðing­ar þeir sem hér hafa ráðið mestu um hvernig bregðast skuli við far­aldr­in­um vísa gjarn­an í „er­lenda sér­fræðinga“. Þar er á ferð ákveðið val og virðist örla á ein­stefnu. Nýj­ar aðgerðir sem benda í aðra átt en hinn leyfði rétt­trúnaður eru hunsaðar. Þannig var ekk­ert hlustað á doktor Mart­in Kulldorff og fé­laga sem var um­hugað um að rétta kúrsinn í því fá­dæma tauga­veiklun­ar­k­asti sem heltók vest­ræn sam­fé­lög á út­mánuðum 2020. 4 ) Vís­inda­leg umræða er í skötu­líki en fyr­ir­mæli og minn­is­blöð skrifuð og lögð fram eins og um trú­ar­lega op­in­ber­un sé að ræða. Al­menn­ing­ur á að „sjá ljósið“, fá örvun­ar­skammt hið snar­asta, og þarf ekki einu sinni að láta mæla mót­efnið. Heil­ag­ur Þórólf­ur og sankti Alma vita allt best. Vér erum vís­ind­in og fólk á bara að trúa oss í blindni og hlýða er hið dulda stef. Langvar­andi trú­leysi, til­gangs­leysi og sí­felld­ur hræðslu­boðskap­ur fer oft illa með greint og grand­vart fólk, þannig byrja sum­ir að trúa með of­stæki á orð og til­gát­ur mis­vit­urra sér­fræðinga. 5 ) Vís­ind­in eða rétt­ara sagt fá­menn­ur hóp­ur sér­fræðimenntaðra verður staðgeng­ill Guðs og hald­reipi í lífs­ins ólgu­sjó. Það er ekki laust við að þessi nýi ofsa­trú­ar­hóp­ur sam­fé­lags­ins valdi mér kvíða.

1 ) 100 ára og finn­ur eng­in eftir­köst kór­ónu­veirunn­ar – Vís­ir 

2 ) Í Morg­un­blaðsgrein doktors Jóns Ívars Ein­ars­son­ar og Erl­ings Óskars Kristjáns­son­ar er með til­vís­un til rann­sókna ef­ast um slík­ar full­yrðing­ar. Hvaða vanda­mál leysa bólu­efnapass­ar?

3 ) Viðtal við Ingi­leifi Jóns­dótt­ur í Silfri Eg­ils 7. nóv.

4 ) Great Barringt­on Decl­arati­on gbdecl­arati­on.org

5 ) Doktor Matt­hi­as Des­met, pró­fess­or við há­skól­ann í Ghent í Belg­íu, hef­ur greint sam­fé­lags­ástandið á tím­um kór­ónu­veirunn­ar sem fjölda­múgæs­ingu. Mass Formati­on – Dr Matti­as Des­met: Profess­or of Cl­inical Psychology – YouTu­be.