John Griffin, framleiðandi hjá bandarísku sjónvarpsstöðinni CNN, hefur verið ákærður fyrir að reyna að tæla ólögráða börn til að taka þátt í ólöglegum kynlífsathöfnum.

Tilkynnt var um ákærurnar á hendur Griffin, sem er 44 ára, á föstudag af dómsmálaráðuneytinu í Vermont.

Griffin var handtekinn og settur í gæsluvarðhald af alríkislögreglunni og ákærður í þrígang fyrir að nota stoppistöðvar á þjóðvegum landsins til að reyna að tæla börn undir lögaldri til ólöglegra kynlífsathafna.

Hann var ákærður af alríkisdómnefnd í Vermont á föstudag og leiddur fyrir dómstóla í New Haven, Connecticut, alríkisdómsstólnum sama dag.

Ákærurnar á hendur herra Griffin eru mjög sjokkerandi,“ sagði talsmaður CNN í yfirlýsingu á laugardag. „Við fréttum aðeins af handtöku hans síðdegis í gær og höfum vikið honum úr starfi á meðan á rannsókn stendur."

Ákærurnar eru komnar til vegna samtala á milli Griffin og meintra foreldra ólögráða dætra, þar sem hann er sagður hafa reynt að sannfæra foreldrana um að „leyfa honum að þjálfa dætur þeirra í að vera kynferðislega undirgefnar,“ sem og atviki þar sem saksóknarar halda því fram að ólögmæt kynferðislegt athæfi hafi átt sér stað, með 9 ára stúlku, segir í fréttatilkynningunni.

Í ákæru sem lögð var fram á fimmtudag segir að Griffin hafi í mörg ár verið á BDSM stefnumótasíðu, þar sem hann á að hafa skrifað að hann væri að leita að konum sem væru „kynferðislega undirgefnar“ og með „opinn huga.“

CNN og fleiri erlendir miðlar segja frá.