Hinn 24 ára gamli atvinnuknattspyrnumaður Martin Terrier sem leikur með Rennes í 1. deild í Frakklandi var skipt út af á vellinum á sunnudaginn í leik gegn Nice eftir að hann fékk verk fyrir hjartað.

Þetta er þriðja atvikið á nokkrum dögum þar sem einn af fremstu knattspyrnumönnum Evrópu sést grípa um brjóstkassann í miðjum leik og getur ekki haldið áfram að spila.

Þetta hefur orðið til þess að menn spyrja sig að því hvort þessi atvik þar sem leikmenn voru teknir af velli vegna hjarta- og öndunarerfiðleika tengist aukaverkunum af COVID-bóluefnum. Einn þeirra sem nýlega varpaði fram þeirri spurning er fyrrum enska fótboltastjarnan Trevor Sinclair en hann spurði þeirrar spurningar í beinni útsendingu í útvarpi. Svo óvenjulega vildi til að slökkt var á útsendingunni.

Þegar 30 mínútur voru liðnar af leiknum gegn Nice beygði Terrier sig niður og virtist eiga erfitt með öndun. Læknar hlupu inn á völlinn þegar leikmaðurinn benti á brjóstkassann, augljóslega verkjaður. Hann var tekinn af leikvelli skömmu síðar.

Atvikið átti sér stað skömmu eftir að hann hafði skorað sína fyrstu þrennu í deildinni (3 mörk í einum leik) á ferlinum sem var gegn Saint-Éttiene vikunni á undan.

Þessi þrjú tilvik á einum sólarhring eru aðeins þau nýjustu sem valda áhyggjum í fótboltaheiminum. Hinir tveir voru þeir Victor Lindelöf leikmaður Manchester United og Piotr Zielinsk hjá SSC Napoli.

Í síðasta mánuði urðu tveir aðrir fótboltamenn fyrir neyðartilvikum í sömu vikunni. Leikmaður Wigan Athletic, Charlie Wyke, fékk hjartastopp á vellinum og var fluttur á sjúkrahús.

Nokkrum dögum síðar var John Fleck, 30 ára, leikmaður Sheffield United, borinn af velli á börum í Championship-leik gegn Reading. Fleck hafði fengið sinn annan skammt af COVID bóluefninu í ágúst.

Seint í október fékk Sergio Aguero, 33 ára, leikmaður Barcelona, sem er talinn einn besti framherji heims, hjartsláttartruflanir eftir leik gegn Alavés. Aguero var fullbólusettur og hefur hætt fótboltaiðkun í kjölfarið að læknisráði.

Þessi skyndilega aukning hjarta-og öndunarerfiðleika meðal knattspyrnumanna hafa vakið upp spurningar um allan heim. Víðtækar skyldubólusetningar í íþróttum hafa þýtt það að atvinnuíþróttamenn hafa annaðhvort verið neyddir til að ljúka ferli sínum eða halda áfram með því að fara í bólusetningu.

Þýski miðlinum Report 24 birti nýlega frétt þar sem tekinn er saman listi yfir 75 íþróttamenn sem á síðustu fimm mánuðum hafa látist skyndilega eða veikst alvarlega. Listinn nær frá 4. júní til 30. október og því vantar þar inn íslenska fótboltamanninn Emil Pálsson sem fór í hjartastopp í leik 1. nóvember sl.