Helgi Örn Viggósson skrifar:
Fyrir nokkrum dögum síðan kom út skýrsla frá dönsku sóttvarnastofnuninni sem sýndi að hröð bylgja omicron þar í landi legðist fyrst og fremst á fullbólusett ungt fólk [1]. Núna streyma fréttir af þessu nýja ótrúlega mikið stökkbreytta afbrigði víða að úr heiminum, sem aldrei þessu vant eru nokkuð samhljóma um þetta. Þannig eru fyrstu tölur frá CDC í BNA 79% fullbólusettir (næstum helmingurinn af þeim 3-bólusettir) [2] og í umfjöllun The Telegraph, þar sem horft til nokkurra landa eru tilfellin 70-75% á meðal yngri en 40 ára. Athyglisverð frétt í NPR, greinir frá því að Cornell háskóli hafi orðið að setja starfsemina á rautt viðbragðsstig og loka hluta háskólasvæðisins vegna stóraukins fjölda smita, sem nánast öll voru greind hjá fullbólusettum:
"Virtually every case of the Omicron variant to date has been found in fully vaccinated students, a portion of whom had also received a booster shot. We have not seen evidence of significant disease in our students to date", var haft eftir talsmanni skólars. [4]
Af þessum fréttum að dæma virðist sem að bólusettir smiti og smitist meira, hvort sem þeir eru tví- eða þrísprautaðir.
