Ný rannsókn: ,,bóluefnið“ veldur innanfrumu umritun á mRNA’inu yfir í DNA – alvarlegasti glæpur sögunnar?

thordis@frettin.isErlent, PistlarLeave a Comment

Eftir Helga Örn Viggósson kerfisfræðing:

Pfizer/BioNTech tilraunaefnið veldur innanfrumu umritun á mRNA'inu yfir í DNA, samkvæmt nýrri ritrýndri rannsóknargrein frá háskólanum í Lundi í Svíþjóð.

Rannsóknin ber titilinn “Intracellular Reverse Transcription of Pfizer BioNTech COVID-19 mRNA Vaccine BNT162b2 In Vitro in Human Liver Cell Line” og var birt á föstudaginn í Current Issues in Molecular Biology, sem er í umsjá MDPI, stærsta útgefanda opinna (open access) rannsókna í heiminum.

Eiturverkun á erfðaefni, krabbamein og sjálfsónæmissjúkdómar

Ef niðurstöðurnar raungerast hjá þeim sem þegið hafa Pfizer/BioNTech tilraunaefnið, geta afleiðingarnar skv. höfundunum verið mjög slæmar, t.d. eiturverkun á erfðaefni (genotoxic - skemmir erfðaefnið), krabbamein og sjálfsónæmissjúkdómar. Ekki er staðfest að DNA'ið sem verður til samþættist og verði hluti af erfðamengi viðtakandans (sem þýddi væntanlega framleiðsla á eitruðum gaddapróteinum út lífið) eða hvort það geti borist frá móður til barns.

„Rannsókn okkar sýnir að BNT162b2 getur umritast í DNA í lifrarfrumulínu Huh7, og þetta gæti ýtt undir áhyggjur að BNT162b2-afleitt DNA gæti orðið samþáttað við erfðamengi hýsilsins og haft áhrif á heilleika erfðamengisins, sem gæti valdið genaeitrunar (genotoxic) aukaverkunum“, vara höfundarnir við í greininni.

Áhyggjur vísindamanna staðfestar

Verulega vont mál en hér er staðfesting á því sem margir vísindamenn höfðu varað við en allir fakt-tékkararnir, sem fjármagnaðir eru af bakhjörlum faraldursins, hafa hamast við að kalla þvælu á sl. tæpum tveimur árum og kallað fólk illum nöfnum sem leyft hefur sér að setja fram kenningar í þessa áttina. Þeir sem enn taka eitthvað mark á þessum aðilum, ættu að hugsa sinn gang alvarlega.

Rannsóknina má lesa hér:

Yfir 200 rannsóknir liggja fyrir um skemmdir

Núna liggja fyrir yfir 200 rannsóknir sem sýna fram á hvernig tilraunabóluefnin valda skemmdum á hjarta fólks, margir tugir um heilablóðföll og sömu sögu má segja um blóðtappa, taugakerfisskaða, ónæmiskerfisskaða o.s.frv.

Dauðsföll í gagnagrunninum VAERS og EudraVigilance samanlagt eru núna að nálgast 70.000 og alvarlegar aukaverkanir** að nálgast 3 milljónir (ekki gleyma því að vanskráningarþátturinn í þessum kerfum er gríðarlega hár). Þessar upplýsingar hafa blasað við stjórnvöldum lengi en þau hafa ekkert aðhafst, ekki einn einasti þingmaður hefur tekið málið fyrir á Alþingi Íslendinga og meginstraumsfjölmiðlarnir þegja og eru þar með samsekir.

Alvarlegasti glæpur sögunnar?

Með allar þessar staðreyndir fyrir framan okkur er erfitt að álykta á annan veg en að hér hafi verið framinn alvarlegasti glæpur sögunnar. Við getum ekki slúttað faraldrinum, fyrr en alvöru rannsókn hefur farið fram og fólk látið sæta ábyrgð. Ef við gerum það ekki, þá endurtekur sagan sig fljótlega.

Viðbótarefni:

Dr. Mobeen Syed fer vel yfir rannsóknina og útskýrir vel á myndrænan hátt í þessu myndbandi og einnig hér.

Igor Chudov, tekur áhugaverðan snúning á rannsóknina í tveimur stuttum greinum, þar sem hann m.a. skoðar basaröðina úr DNA'inu sem varð til í frumunum í rannsókninni og notar til þess NCBI BLAST* tólið. Á meðal þess sem hann finnur er stökkbreytt gen (gp130), sem þekkt er fyrir að valda lifrakrabbameini. Sjá greinarnar hér og hér.

* BLAST eða Basic Local Aligment Search Tool er tól sem finnur samsvörun á milli basaraða eða prótínraða. Það ber saman basa eða prótein raðir við raðir í gagnagrunninum og reiknar út með tölfræði hve líkar þessar raðir þegar þær eru bornar saman. Þessi útreikningur getur verið notaður til að finna skyld gen, prótínhneppi og mRNA raðir.

BLAST er haldið úti af Miðstöð lífupplýsinga við Heilbrigðistofnun Bandaríkjanna (NCBI).
** Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum. Einnig eru þær tilkynningar sem taldar eru klínískt mikilvægar flokkaðar sem alvarlegar.

P.S. Þetta er alls ekki fyrsta rannsóknin sem sýnir fram á að mRNA'ið úr tilraunaefnunum komist inn í frumukjarnann og valdi þar óskunda. Ég fjallaði um aðra sænska rannsókn hér um daginn, þar sem notaðar voru nýrna frumulínur og höfundarnir komust að þeirri niðurstöðu að DNA-viðgerðarferlið gæti skaðast með tilheyrandi afleiðingum:

Skildu eftir skilaboð