Bandaríkin fjarlægja upplýsingar um 15 lífefnarannsóknastofur sínar í Úkraínu

frettinErlentLeave a Comment

Bandaríska sendiráðið í Kyiv fjarlægði nýlega af heimasíðu sinni allar upplýsingar um lífefnarannsóknarstofur Bandaríkjanna í Úkraínu.

Þessar rannsóknarstofur eru fjármagnaðar og reknar af bandaríska varnarmálaráðuneytinu.

Skjöl um rannsóknastofurnar voru aðgengileg almenningi til 25. febrúar sl. Skjölin innihéldu mikilvægar upplýsingar um uppbyggingu, fjármögnun og leyfi fyrir lífefnarannsóknir.

En nú hafa bandarísk stjórnvöld fjarlægt skjölin af netinu og minnkað um leið gagnsæi um þessa starfsemi. Þetta gerist á sama tíma og almenningur er að vakna til vitundar um breytingarannsóknir lífefnavopna, leka úr rannsóknastofum og þróun rándýrra bóluefna o.fl.

Þessar lífefnarannsóknastofur vinna með sýkla sem geta valdið heimsfaraldri og eru grunnurinn að læknasvikum, misferli, dauðsföllum af völdum bóluefna og þjóðarmorði.

Tengist innrás Rússlands í Úkraínu rannsóknastofunum?

Rússar hafa í mörg ár sakað Bandaríkin um að þróa lífefnavopn nálægt landamærum þeirra.

Eru Rússar núna að safna sönnunargögnum frá þessum rannsóknastofum?

Hvað ef tilgangur Rússa væri ekki hernám Úkraínu - veruleiki sem hefur verið kynntur af vestrænum fjölmiðlum?

Hvað ef Rússar eru þess í stað að herja á alþjóðleg glæpasamtök og elta glæpamenn í úkraínsku ríkisstjórninni sem hafa skaðað úkraínsku þjóðina og aðra um allan heim?

Bandaríkin verið með 15 lífefnarannsóknastofur í Úkraínu

Bandaríska varnarmálaráðuneytið hefur fjármagnað að minnsta kosti 15 mismunandi lífefnarannsóknastofur í Úkraínu. Þetta eru ekki kínverskar eða rússneskar rannsóknastofur.

Að minnsta kosti átta þeirra eru lífefnavopnarannsóknastofur sem eru eingöngu reknar af Bandaríkjunum.

Rannsóknastofurnar eru t.d. með aðstöðu í Odessa, Vinnytsia, Uzhgorod, Lviv, Kiev, Kherson, Ternopil, Crimea, Luhansk og tvær grunsamlegar eru í Kharkiv og Mykolaiv.

Á undanförnum árum hafa margar af þessum rannsóknastofum verið að gera tilraunir með vírusa og bakteríur. Undanfarin tvö ár hafa þessar rannsóknastofur, í samvinnu við úkraínska varnarmálaráðuneytið, reist fjórar færanlegar rannsóknastofur til viðbótar til að sinna faraldsfræðilegu eftirliti með úkraínsku þjóðinni. Rannsóknastofur eru hluti af fjölþjóðlegu verkefni sem vinnur að uppsetningu einhvers konar sjúkdómaeftirlitskerfis sem sagt er vera til að „styrkja alþjóðlegt heilbrigðisöryggi.

Öll skjöl tengd rannsóknastofunum fjarlægð af netinu

Allt til 25. febrúar sl. voru tilvist og upplýsingar um þessar rannsóknastofur opinberar.

Bandaríska sendiráðið hafði áður birt staðsetningar og upplýsingar um rannsóknastofurnar í röð af PDF skjölum á vefsíðu sinni. Þann 26. febrúar lokaði sendiráðið tenglunum á allar 15 rannsóknastofurnar. Öll skjöl sem tengjast rannsóknastofunum hafa verið fjarlægð af internetinu. Ef smellt er á einhvern hlekkjanna, undir liðnum Fact Sheets, eru PDF skjölin ekki lengur tiltæk.

Sem betur fer hafa þessar skrár verið varðveittar og enn er hægt að nálgast þær.

Hvað er bandaríska sendiráðið að reyna að fela fyrir almenningi?

Heimild

Skildu eftir skilaboð