Trudeau ásakaði trukkabílstjórana kanadísku sem mótmæltu skerðingum á frelsi sínu, um að vera hallir undir nazisma og hvíta yfirburðahyggju eftir að einn maður með hakakrossflagg náðist á mynd á meðal mótmælendanna.

Þrátt fyrir þetta hefur kanadíski herinn þjálfað öryggissveitir Úkraínumanna, sem hafa ný-nazíska herdeild í sínum röðum og hyggjast halda því áfram til 2025. Fleiri lönd styðja Úkraínumenn til hernaðaruppbyggingar, samkvæmt varnarmálaráðuneyti Kanada, svo sem Danmörk, Litháen, Pólland, Slóvakía og Svíþjóð.

Í The Guardian mátti sjá áhyggjur af Azov herdeildinni, þá þegar 2014, vegna þess að meðlimir hennar hneigðust til hægri öfgahyggju, jafnvel ný-nazisma. Blaðamaður Guardian talaði við einn meðlimanna, Dmitri. Hann sagðist ekki vera nazisti en var skáldlegur í aðdáun sinni á Hitler sem hernaðarleiðtoga og hafnaði því að helförin hefði átt sér stað. Blaðamanni fannst skoðanir Azov-liðanna varasamar og sagði að allir vildu þeir vinna hugmyndum sínum fylgis í Kíev þegar þeir hefðu sigrað Rússa í austurhéruðunum.

Hvort sem Azov liðar eru þvottekta ný-nazistar eður ei þá hneigjast þeir mjög í þá átt. Sem hluta af fjárlagafrumvarpi sínu 2018 samþykkti Bandaríkjaþing að senda ekki krónu til stuðnings Azov hersveitunum. Um það má lesa í grein í The Hill.

Vestrænir fjölmiðlar gera lítið úr yfirlýsingum Pútíns og Lavrovs um að það þurfi að afvopna Azov hersveitirnar, en myndbönd frá sumarbúðum barna þeirra þar sem þeim er kennt að hata Rússa og þjálfuð í hernaði ættu að sannfæra a.m.k. friðarsinna um að það sé nauðsynlegt. Hér má sjá eitt þeirra myndbanda.