Forstjóri CDV Rochelle Walensky, var í viðtali hjá Washington háskóla til að ræða Covid við læknanema. Á fundinum viðurkenndi forstjórinn að fullyrðingar hennar um að Covid bóluefnið væri 95% árangursríkt gegn alvarlegum veikindum og dauða væru algjörlega rangar, og settar fram af bjartsýni.
Walensky segir engan hafa varað við því að virkni bóluefnisins gæti dvínað með tímanum og enginn varaði við því að bóluefnin virkuðu ekki gegn nýjum afbrigðum, þannig að „sérfræðingarnir“ ákváðu að vera bara bjartsýnir og halda fram innistæðulausum fullyrðingum, í von um að binda enda á heimsfaraldurinn.
Við héldum því fram að bóluefnin væru 95% áhrifarík, en svo er ekki. Mörg okkar vildu vera hjálpleg og bjartsýn. Og við vonuðumst til að þetta væri leiðin okkar út úr faraldrinum og leiðin í átt að frelsinu og þannig myndum við klára þetta, segir Walensky.
Forstjóri CDC er yfirmaður allra lýðheilsusérfræðinga og í raun holdgervingur vísindanna sjálfra í Bandaríkjunum, en hefur nú viðurkennt að vísindi sóttvarnarstofnunar Bandaríkjanna eru byggð á bjartsýni fremur en vísindalegum rannsóknum. Það er því óhætt að segja að bóluefnaherferðin hafi aldrei snúist um lýðheilsu eða björgun mannslífa, því bjartsýni getur aldrei flokkast til lýðheilsumála eða vísinda.
Þegar Wallensky var spurð út í hvað CDC hefði getað gert til að bæta verklag sitt í gegnum heimsfaraldurinn svaraði hún:
„Við höfum kannski sýnt of litla varkárni og of mikla bjartsýni á vegferð okkar varðandi bóluefnin. Ég tek fulla ábyrgð á því, en ég held að við öll höfum bara viljað klára þetta og þau gáfu okkur von um það, sem því miður mistókst, segir Wallensky.“
Viðtalið má sjá hér neðar:
