Alríkisflugmálastjórnin(FAA) sagði á miðvikudag að verið væri að leggja lokahönd á þrjár öryggistilskipanir fyrir kyrrsettar Boeing 777 vélar með Pratt & Whitney 4000 hreyflum til að gera þeim kleift að fjúga aftur.
Nýju endanlegu lofthæfitilskipanirnar ná yfir Boeing 777 þotur. Það var United Airlines 777 þota sem bilaði skömmu eftir flugtak frá Denver í febrúar 2021 og sturtaði rusli yfir nærliggjandi borgir. Enginn slasaðist og fór vélin heilu og höldnu aftur á flugvöllinn.
FAA sagði að nýju tilskipanirnar, sem lagðar voru fram í desember eftir þrjár tilkynntar bilanir í viftublaði í flugi, krefjist aukinnar skoðana og breytinga sem gerir Boeing 777-200 og -300 flugvélum með þessum Pratt & Whitney (PW) hreyflum kleift að hefja flug á ný eftir að hafa verið kyrrsettar í meira en ár.
Ein tilskipun krefst þess að ruslhlífar séu settar upp á innri vegg þrýstisnúningsbúnaðarins, að hurðir viftuhúfunnar séu skoðaðar með tilliti til rakainngöngu og endurteknar athuganir á lokunarlokum vökvadælunnar. Annað krefst þess að breyta inntaki vélarinnar til að standast bilunartilvik í viftublaði. Sá þriðji krefst sértækra úrbóta sem fer eftir niðurstöðum skoðunar.
Tilskipanirnar taka gildi um miðjan apríl.
Í febrúar 2021 fyrirskipaði stofnunin tafarlausar skoðanir á 777 flugvélum með PW 4000 hreyfla fyrir frekara flug, eftir að samgönguöryggisráð fann sprungið viftublað á United vélinni.
Boeing verður nú að þróa þjónustuskýrslu með leiðbeiningum sem flugfélög verða að fylgja eftir til að uppfylla kröfurnar. FAA verður svo að samþykkja verkferlana áður en flugvélarnar varða teknar aftur í notkun.
