Fyrir rúmum hálfum mánuði mátti lesa á vef Infowars umfjöllun um að Rússar væru áhugasamir um lífefnaverksmiðjur í eigu Bandaríkjamanna í Úkraínu. Það var strax stimplað sem samsæriskenning af Snopes, USA today og fleirum. Kínverjar töldu slíkt þó vel mögulegt og kröfðust rannsóknar. Í gær mátti því sjá ýmsa miðla fjalla um stuðning Kínverja við þessa "samsæriskenningu". Bloomberg var með fyrirsögnina "China Pushes Conspiracy Theory About U.S. Labs in Ukraine" og Newsweek var með "China Peddles Russia's Claim That U.S. Has Bioweapons in Ukraine." Sama dag hættu þó bollaleggingar um lífefnaverksmiðjur í Úkraínu að vera samsæriskenning er republikaninn Marco Rubio spurði Victoriu Nuland um hvort Úkraína ætti efna- eða lífefnavopn og hún svaraði því að Bandaríkjamenn ynni með Úkraínumönnum að því að koma í veg fyrir að þessi [pása] rannsóknaefniviður kæmist í hendur Rússa ef þeir skyldu nálgast.
 
Eitthvað er því til í "samsæriskenningunum". Í dag mátti á xinhuanet Zhao Lijian blaðafulltrúa kínverska utanríksráðuneytisins segja að þessar lífvopna-hernaðarstöðvar í eigu BNA í Úkraínu sé aðeins toppurinn á ísjakanum. Hann vill fá að vita hver tilgangur BNA sé með þessari starfssemi og hvað hafi þar farið fram. Í greininni segir hann að Varnarmálaráðuneyti Bandaríkjanna reki 336 líffræðirannsóknastofur í 30 löndum og að í 20 ár hafi BNA komið í veg fyrir að eftirlitsskerfi með lífefnavopnum væri komið á fót.