Gögnin sem lögð eru fram í opinberum og lagalegum skjölum sem notuð voru til að gefa út neyðarleyfi (EUA) fyrir Pfizer COVID-19 bóluefninu, og leyfi fyrir Pfizer Comirnaty bóluefninu, stangast greinilega á við öryggisupplýsingar sem veittar voru almenningi.
Hvernig fáum við upplýsingar um bóluefnin sem við tökum?
Upplýsingarnar fáum við frá læknum, vinum og fjölmiðlum. Við heyrum sérfræðinga eins og Dr. Anthony Fauci sóttvarnalækni Bandaríkjanna og Dr. Rochelle Walensky, forstjóra CDC, tala um þær.
Við sjáum auglýsingar um COVID-19 bóluefnin og við sjáum COVID bóluefni í fréttum, daginn út og daginn inn.
Á hinn bóginn eru til opinber, lagaleg skjöl sem lýsa nákvæmlega því sem gögn Pfizer sýndu þegar ákvarðanir voru teknar um að gefa út neyðarleyfi fyrir Pfizer-BioNTech bóluefnið og leyfi fyrir Pfizer Comirnaty bóluefninu.
Þessi skjöl segja okkur hvaða upplýsingar Pfizer og Matvæla- og lyfjaeftirlit Bandaríkjanna (FDA) eru tilbúin að standa við og verja.
Gögnin sýna jafnframt lagalegar forsendur og skilyrði fyrir útgáfu neyðarleyfa Pfizer bóluefnisins.
Það sem FDA sagði þegar stofnunin gaf út bæði neyðarleyfið og leyfið fyrir bóluefni Pfizer er mjög frábrugðið því sem heyrðist frá Sóttvarnastofnun Bandaríkjanna (CDC), fjölmiðlum og öðrum aðilum.
Skilaboðin um öryggi bóluefna á meðgöngu stangast á við það sem vitað er.
Til dæmis hvetur CDC eindregið til bólusetninga á meðgöngu, þó svo að í desember 2021 hafi FDA og Pfizer fullyrt að tiltækar upplýsingarnar væru ófullnægjandi til að ákvarða áhættuna á meðgöngu.
Þess má geta að Landlæknisembættið hér á landi gerði hið sama en tók þó fram að bóluefnin hafi hvorki verið reynd á barnshafandi konum né konum með barn á brjósti fyrir „markaðsleyfisafgreiðslu“ (ath. ekkert bóluefnanna er með markaðsleyfi, heldur neyðarleyfi í Bandaríkjunum (EUA) og skilyrt leyfi í Evrópu, rangt er farið með á síðu Landlæknis).
Hér er nákvæmt orðalag á lýsingu Comirnaty:
„Tiltæk gögn um Comirnaty sem gefið er þunguðum konum eru ófullnægjandi til að upplýsa um áhættu tengda bóluefninu á meðgöngu.“
Þetta er nokkuð skýrt: „Við vitum það ekki.“
Samt sem áður reynir forstjóri CDC, Walensky, að fullvissa okkur um að bóluefnin hafi enga heilsufarsáhættu varðandi meðgöngu eða frjósemi.
Fimm mánuðum síðar, í október 2021, eru skilaboð forstjóra CDC þau sömu:
Í ágúst 2021, þegar Comirnaty neyðarleyfið var gefið út, staðfesti Fauci, sem einnig gegnir embætti forstjóra ofnæmis-og smitsjúkdómastofnunar Bandaríkjanna að bólusetning á meðgöngu væri örugg. Sjá þriðja myndband að ofan hér.
Hér eru ræðupunktar frá samtökum fæðinga-og kvensjúkdómalækna í Bandaríkjunum (ACOG) sem sendir voru fæðinga- og kvensjúkdómalæknum um hvernig ætti að sannfæra konur um að láta bólusetja sig, jafnvel á fyrstu stigum meðgöngu, einmitt á þeim tíma þegar áhættan af flestum lyfjum og bóluefnum er sem mest.
Ein af lykilráðleggingum ACOG var og er:
„Bólusetningar má framkvæma á hvaða tíma meðgöngu sem er og áhersla er lögð á að bólusetja eins fljótt og auðið er til að hámarka heilsu móður og fósturs.“
Samt sem áður sagði CDC, í sinni eigin vikulegu skýrslu, þann 7. janúar sl. (Morbidity and Mortality Weekly Report) að gögn um öryggi COVID-bóluefnis á fyrsta þriðjungi meðgöngu væru ófullnægjandi.
Þannig að á sama tíma og alríkisstofnanirnar höfðu enga ástæðu til að ætla að bóluefnið væri öruggt á meðgöngu, og gættu þess að lagaleg skjöl þeirra sögðu einmitt það, auglýstu stofnanirnar engu að síður að bóluefnið væri öruggt fyrir barnshafandi konur.
Þá veitti ACOG samtökin félögum sínum, fæðinga-og kvensjúkdómalæknum, ekki aðeins rangar upplýsingar um öryggi bólusetninga, heldur leiðbeindu samtökin þeim ennfremur um hvernig skyldi nota áróður til að sannfæra verðandi mæður um fara í sprauturnar.
