Eftir Ingibjörgu Gísladóttur:

Bandaríski kvikmyndagerðar- og blaðamaðurinn Dan Cohen birti á Twittersíðu sinni myndband, sem fylgir hér neðar, af úkraínskum fréttaþul sem kallar eftir þjóðarmorði á Rússum með því að drepa rússnesk börn og hvetur Úkraínumenn til að drepa að minnsta kosti einn Moskal (niðurlægjandi orð yfir Rússa) hver.  Ef börnin eru drepin verða þau aldrei fullorðin og þjóðin mun deyja út, sagði fréttaþulurinn sem vinnur á einni þeirri sjónvarpsstöð sem Zelensky hefur ekki lokað. Er hann var kosinn þá lofaði hann að sameina þjóðina en lokaði svo á þrjár stöðvar stjórnarandstöðunnar árið 2021.

Minnir á Hamas samtökin

Þetta skefjalausa hatur minnir á Hamas samtökin, sem leyfa ekki heldur frjálsa fjölmiðlun á Gaza. Leiðtogar þeirra kalla iðulega eftir því að gyðingar verði drepnir. Á sjónvarpsstöðvum þeirra kemur fram að það sé leyfilegt að drepa almenna borgara í Ísrael því allir gyðingar séu glæpamenn og því sé það eiginlega sjálfsvörn að bana þeim. Í Jerusalem Post segir frá sjónvarpsefninu Fida´i þar sem fólk sem leikur gyðinga segist hata alla araba og leikarar er leika araba réttlæta dráp á gyðingum. Í greininni segir að slíku áróðursefni er hvetur til ofbeldis sé gjarnan ýtt að Palestínumönnum á Gaza og Vesturbakkanum.

Hatrið hefur þó ekki skilað Hamas neinu. Sjálfsmorðsárásir þeirra kölluðu á girðingar sem gætu haldið þeim á Gaza, flugskeytaárásunum var svarað af hörku, göng þeirra eyðilögð, landhelgi þeirra sveiflast eins og jójó eftir aðstæðum og margar vörur sem gætu nýst til vopnaframleiðslu fást ekki fluttar inn. Sumir vilja meina að þeir ættu að samsama sig með Úkraínumönnum en það gera þeir ekki. Þeir styðja Rússa!