Eiginmaður Nicola Weideling, fyrrum markaðsstjóra við Oxford háskólann, sem lést eftir heilablóðfall af völdum Oxford/AstraZeneca bóluefnisins hefur krafist þess að ríkisstjórnin bæti þeim 80 fjölskyldum skaðann sem misst hafa ástvini vegna blóðtappa af völdum bóluefnisins.  920 umsóknir um skaðabætur hafa verið lagðar fram af íbúum Bretlands sem skaðast hafa alvarlega eftir að hafa fengið Covid-19 bóluefnið. Bótakröfur gætu numið um 110 milljónum punda eða um 18,5 milljörðum kr.

Nicola Weideling, 45 ára, fékk miklar blæðingar í heila eftir að hafa verið lögð inn á sjúkrahús með blóðtappa af völdum bólusetningar 24 dögum áður en hún lést. Dánarorsökin er blóðtappi samkvæmt úrskurði dánardómstjóra.

Nicola hafði kvartað við heimilislækni yfir verkjum í hnakka en hún var ekki greind með aukaverkanir af bóluefninu fyrr en hún var flutt á sjúkrahús.

Efir réttarrannsókn á máli Nicola, sagði Kurt Weideling, eiginmaður hennar að ráðherrar þyrftu nú að standa við gefin loforð um að greiða viðkomandi fjölskyldum 120.000 pund í samræmi við reglur um skaðabótasjóð bóluefna.

Fjölskylda Nicola krefst þess að aðrar fjölskyldur sem misst hafa ástvini eftir að hafa „gert hið rétta“ og farið í  bólusetningu fái greiddar skaðabætur og að mál þeirra verði ekki bara afgreidd sem „hliðarverkanir.“

 „Grundvallaratriðið hér er að þetta land er eina vestræna landið sem ég veit um sem ákvað að óhætt væri að gefa fólki eldri en 40 ára Astra Zeneca, sagði eiginmaður Nicola.

„Það var jafnvel gert eftir að aðrir höfðu þegar látist af völdum blóðtappa.“

„Ég viðurkenni að það er ákveðið jafnvægi á milli ávinnings bóluefna og áhættunnar en ekkert annað land hefði gefið konunni minni þetta bóluefni.“

„Sjötíu manns hafa látist í Bretlandi af þessum aukaverkunum og nokkur hafa hlotið varanlega örorku, sagði eiginmaður Nicola.“

(Andlát fyrrum útvarpskonu BBC, Lizu Shaw, komst í fréttir eftir að hún fékk blóðtappa stuttu eftir bólusetningu, staðfest hefur verið að bóluefnið hafi valdið blóðtappanum.)

„Ríkið stofnaði bótasjóð fyrir þá sem hafa skaðast af bóluefnum en hafa ekki greitt neinum út vegna skaða af Covid bólusetningum.“

„Dæmi er um fjölskyldur þar sem aðalfyrirvinnan hefur fallið frá eða hlotið heilaskaða og þarfnast ævilangrar umönnunar. En menn segja bara „það eru alltaf einhverja raukaverkanir,“ en okkur var í raun ekki gefið neitt val. Maður neyddist til að gera „hið rétta.“

„Okkur var öllum sagt að „gera rétt“ og fara í bólusetningu, en ríkisstjórnin þarf núna að gera hið rétta og greiða þeim bætur sem hafa orðið fyrir skaða.“

Í réttarsal kom fram að Nicola hafi fengið sína fyrstu Astra Zeneca bóluesetningu 21. apríl 2021 þrátt fyrir tilkynntar aukaverkanir þar sem fólk fékk hrikalega blóðtappa í kjölfar sprautunnar.

Eftir nokkra daga fór Nicola að kvarta undan verkjum í hnakka og fékk símaráðgjöf hjá heimilislækni þann 6. maí, en á þessu stigi var talið að það væru „vöðvaverkir.“

Nicola var flutt á Royal Hampshire County sjúkrahúsið tveimur dögum síðar með höfuðverk og marbletti.

Eiginmaður hennar sagði í réttarsal: „Sjúkrabíll kom og flutti hana á sjúkrahúsið í Winchester. Mér var ekki hleypt inn en við töluðum saman í síma og hún var fljótlega greind með blóðtappa. „Mér hefur verið sagt að ég sé með blóðtappa sem tengist AstraZeneca bóluefninu,“ sagði Nicola.

„Tölvusneiðmynd var tekin af höfði hennar sem leiddi í ljós blóðtappa og var hún flutt með hraði á háskólasjúkrahúsið í Southampton, sem sérhæfir sig í þess konar tilfellum. Á sunnudag og mánudag svaraði hún skilaboðum frá mér og virtist í lagi og vildi spjalla. En á þriðjudag og miðvikudag hætti hún að svara sem varð til þess að ég hringdi á sjúkrahúsið. Það var hringt til baka frá spítalanum og sagt að Nicola hefði fengið verulegar heilablæðingar og ekki komist til meðvitundar eftir það,“ sagði eiginmaður hennar í réttarsal.

„Hún fór í aðgerð en á fimmtudeginum sögðu læknar að það hefði orðið önnur blæðing og ekkert væri hægt að gera. Eftir krufningu kom í ljós að Nicola hafi látist 15. maí 2021 eftir heilablóðfall af völdum bóluefnisins, nýs sjúkdóms tengdum Astra Zeneca bóluefninu, VITT.“

Jason Pegg, dánardómstjóri í Hampshire, sagði: „Nicola var aðeins 45 ára þegar hún lést. Á heimsvísu höfum við verið þjökuð af Covid-19 heimsfaraldrinum og við hér á landi urðum þeirrar gæfu aðnjótandi að fá bóluefni. Ég hef heyrt vísbendingar hér í dag um að Nicola hafi verið spennt að fá sína fyrstu bólusetningu. Eftir á að hyggja, tel ég það líklegra en ekki að verkir í hnakka hafi tengst blóðtappa. Nicola lést eftir að hafa fengið blóðtappa, hún fékk blóðtappa í heila í kjölfar Covid-19 bólusetningar. Sjaldgæfur en viðurkenndur fylgikvilli bólusetningar sem leiddi til heilablóðfalls.“

Kurt Weideling heiðraði minningu eiginkonu sína í dómssal og bætti við að hún væri „stuðningsmaður“ bólusetninga og hafi farið í bólusetninguna við fyrsta tækifæri.

Ísland engar bætur greitt út, 27 umsóknir

Hér á landi voru sett lög um bætur vegna bóluefnaskaða um það leyti sem COVID bólusetningar hófust.

Sjúklingatrygging bætir tjón þeirra sem fá bólusetningu á Íslandi gegn COVID-19 sjúkdómnum á árunum 2020-2023 með bóluefni frá íslenskum heilbrigðisyfirvöldum.

Skilyrði bótaskyldu er að tjón megi að öllum líkindum rekja til bólusetningar gegn Covid-19 sjúkdómnum og að tjónið nái lágmarki bóta samkvæmt lögum um sjúklingatryggingu.

Samkvæmt svari Sjúkratrygginga við fyrirspurn Fréttarinnar, fyrir u.þ.b tveimur vikum, höfðu Sjúkratryggingum borist 27 umsóknir um bætur, ein umsókn hafði verið samþykkt en engin greiðsla farið fram.

Heimild.