Rússar sögðu á fimmtudag að Rosemont Seneca fjárfestingasjóðurinn, undir forystu Hunter Biden, sonar Joe Biden Bandaríkjaforseta, hefði fjármagnað lífefnaáætlun Varnarmálaráðuneytis Bandaríkjanna (Pentagon) í Úkraínu, að því er fram kemur í The Telegraph.
Joe Biden, forseti Bandaríkjanna, mun verða að útskýra þátttöku sonar hans, Hunter, í rekstri lífefnarannsóknarstofanna í Úkraínu, sagði forseti rússnesku dúmunnar, Vyacheslav Volodin, á fimmtudag á Telegram rás sinni, að því er TASS greindi frá.
„Gögnin sem við erum að afla gera okkur kleift að rekja samspil bandarískra ríkisstofnana og úkraínskra eininga þegar kemur að lífefnarannsóknunum. Vakin er athygli á að þátttaka í fjármögnun þessarar starfsemi liggur mjög nálægt núverandi forystu Bandaríkjanna, einkum Rosemont Seneca fjárfestingarsjóðurinn, sem er undir stjórn Hunter Biden,“ sagði hershöfðinginn Igor Kirillov, yfirmaður geislunar-, efna- og líffræðilegra varnarsveita rússneska hersins.
„Umfang lífefnaverkefnisins er mjög mikið. Auk Pentagon taka USAID, George Soros stofnunin og Sóttvarnarstofnun Bandaríkjanna (CDC) beinan þátt í framkvæmd þess. Vísindaleg rýni er á höndum leiðandi rannsóknarstofnana, þar á meðal Los Alamos National Laboratory, sem þróar m.a. kjarnorkuvopn“ sagði Kirillov.
Þrátt fyrir að Bandaríkin hafi viðurkennt tilvist lífefnarannsóknarstofanna í Úkraínu fyrr í þessum mánuði hafa Bandaríkin nú tekið upp á því að neita tilvist þeirra. Segja Bandaríkin þessar fullyrðingar „hlægilegar“ og gefa í skyn að Moskva hafi verið að undirbúa notkun efna- eða sýklavopna.
Þessi stefnubreyting Bandaríkjanna hefur verið talin tengjast aðkomu sonar Bandaríkjaforseta, Hunter Biden, að lífefnarannsóknarstofunum sem kemur sér mjög illa fyrir Bandaríkjastjórn.
One Comment on “Rússar segja Hunter Biden hafa komið að fjármögnun rannsóknarstofanna í Úkraínu”
Var það ekki Victoria Nuland https://en.wikipedia.org/wiki/Victoria_Nuland, sem viðurkenndi tilvist lífefnarannsóknarstofanna í Úkraínu, jú og ef til vill til að geta klínt einhverju á Rússana. Ef þetta er rétt að neita tilvistinni nú um þessar mundir þá er annað hvort komin einhver örvænting í liðið nema menn treysti að gullfiskaminnið nái ekki nema örfáar vikur aftur í tímann. Eitrunar-pestin hjá samningaliðinu eða sendinefndinni í Tyrklandi, var það ekki annars Tyrkland, þó væg hafi verið, bendir til einhverrar örvæntingar. Þetta var víst kastað fram líkt og í hálfkæringi. Farsinn verður æ ævintýralegri.