Sérstök umræða fór fram á Alþingi í dag um umhverfi fjölmiðla. Málshefjandi var Hanna Katrín Frið­riks­son, þing­maður Við­reisn­ar, og Lilja Alfreðs­dótt­ir, ráð­herra fjöl­miðla­mála, var til and­svara.

Arnar Þór Jóns­son, vara­þing­maður Sjálf­stæð­is­flokks­ins, sagðist vilja láta ráð­herra úr rík­is­stjórninni skipa nefnd til að fara yfir það sem telur að hafi farið úrskeiðis í fjöl­miðlun á tímum faraldursins og að nefndin skoði það sem hann segir vera sam­krull vald­hafa og fjöl­miðla á tímabilinu.

Arnar Þór sagði fjöl­miðla gegna því hlut­verki að veita þeim sem fara með póli­tískt og efna­hags­legt vald aðhald, sem vær gert í þágu almenn­ings. „Hlut­verk fjöl­miðla er ekki að veita almenn­ingi aðhald í þágu vald­hafa. Ég tel að á tímum kór­ónu­veirunnar hafi þetta sam­hengi riðl­ast. Ég hef áhyggjur af því að hér hafi verið farið í áróð­urs­her­ferð í nafni gagn­rýnnar hugs­unar sem að mörgu leyti hefur grafið undan gagn­rýnni hugsun, þegar fólki er sagt hverju það eigi að trúa og hverju ekki. Og margt af því sem hefur verið sagt á und­an­förnum tveimur árum hefur komið í ljós að ekki var rétt.“

Síðan sagðist Arnar Þór vilja upp­lýsa um að hann hefði á þing­flokks­fundi Sjálf­stæð­is­flokks­ins í dag lagt til að það yrði lögð fram þings­á­lykt­un­ar­til­laga, sem Arnar Þór býðst til að skrifa, og til að ráð­herra skipi nefnd „til að fara yfir það sem hér hefur farið úrskeiðis í fjöl­miðlun og sam­krulli vald­hafa og fjöl­miðla á síð­ustu tveimur árum.“

Í upphafi ræðu sinnar sagðist Arnar Þór finna sam­hljóm í umræð­unum að dagar Rík­is­út­varps­ins í núverandi mynd færu að stytt­ast og skapaði þannig rými fyrir frjálsa fjöl­miðla.