Norsku systurnar Miriam og Andrea eru meðal margra sem orðið hafa fyrir slæmri reynslu eftir Covid bólusetningar. Þær koma fram í stuttri norskri heimildarmynd sem unnin var af Hemali: „Sögur eftir bólusetningu.“

„Ég vona bara að ég fá lífið mitt aftur,“ segja bæði ungir og fullorðnir sem glíma við hina ýmsu kvilla.

Hemali vildi að raddir þeirra fengju að heyrast, og gerði því stutta heimildarmynd.   Myndin er án texta en íslensk þýðing fylgir með hér:

Andrea Høgli Føll
- Tíðarhringurinn hefur verið í miklu ójafnvægi eftir bólusetninguna og á morgnana er ég með ógleði. Ég finn að ég hef enga stjórn á neinu, og það er greinilegt að eitthvað er að gerast í móðurlífinu. Ég á barn og með tilliti til hugsanlegrar meðgöngu í framtíðinni vil ég ekki eyðileggja möguleikana með því að taka annan skammt. Ég er svekkt, manni var sagt að bóluefnið ætti að vera öruggt.

 Miriam Høgli Føll
- Í vinahópnum mínum erum við tíu, nánast allar hafa verið með höfuðverk og óreglulegar blæðingar, eins og ég. Við fórum ekki í aðra bólusetningu, ég var hrædd um að það gæti haft áhrif á meðgöngu (frjósemi) síðar meir. „Maður er undanskilinn sannleikanum “ og traust mitt á kerfinu fer dvínandi.

 Sander Haugrud
- Nokkrum vikum eftir seinni skammtinn fékk ég verk fyrir brjóstið sem reyndist vera hjartavöðvabólga. Ég var í eftirliti í þrjá daga. Ég hef keppt innanlands og á alþjóðavettvangi í kickboxi og er nógu gamall til að fara áfram. En það er algjört stopp á þjálfuninni og ég veit ekki hvort ég get nokkurn tímann æft eins og ég gerði. Nú sit ég að mestu inni. Þessu hefði verið hægt að komast hjá, ef ég hefði fengið Covid í staðinn væri ég líklega heilbrigður núna. Það er skelfilegt til þess að vita að enginn minnist á neitt, ég þurfti að hafa fyrir því að finna upplýsingar, svo fann ég að það voru mörg tilvik eins og mitt. Á sjúkrahúsinu áttu læknar erfitt með að trúa því að hjartabólgan væri vegna bóluefnisins, en á endanum viðurkenndi yfirmaður það og sagðist ætla að tilkynna það til norska lyfjaeftirlitsins.

Marit Abrahamsen Sunde
- Eftir að ég tók síðari skammtinn af bóluefninu hef ég verið þreyttari en ég hef nokkru sinni verið fyrr. Ég á i erfiðleikum með að leika við dóttur mína, get ekki gert hversdagslega hluti, langar bara að leggjast niður. Áður var ég mjög virk og ég fæ enga hjálp í heilbrigðiskerfinu.

Ken Hansson
- Aðeins morfín í æð gæti linað verkina. Þeir koma í svo sterkum bylgjum að um daginn hneig ég niður ég fór beint í gólfið. Ég er orðinn tíu árum eldri á ótrúlega stuttum tíma. Á bráðamóttökunni var grunur um að hjartaskaða en ég var send heim þar sem ekkert fannst á röntgenmyndinni. Ég er með svo mikla krampa að ég get ekki opnað hendurnar og er með sterk einkenni hjartaáfalls: eins og það sé kló í kringum hjartað. Ég er  líka með sjóntruflanir. Svona hafa mánuðirnir liðið eftir fyrstu bólusetninguna og hjá læknunum sé ég bara hertan andlitssvip þegar ég segi að þetta hljóti að vera vegna bóluefnisins.

 Marlina Andersen
- Nokkrum mínútum eftir bólusetninguna missti ég máttinn í öðrum fótleggnum. Ég var virk og heilbrigð, með enga sjúkrasögu. Fótleggurinn á mér bara versnaði, ég þurfti að læra að ganga aftur. Ég fékk engar upplýsingar frá læknum á spítalanum hvort það væru fleiri sem hefðu lent í þessu, en ein hugrökk hjúkrunarkona huggaði mig og sagði að við værum mörg. Nokkrum mánuðum eftir fyrstu sjúkrahúsdvölina var ég aftur flutt í skyndi á sjúkrahús. Ég var með blóðeitrun, nýrnasteina og nýrnasýkingu, læknirinn sagði að hafi verið spursmál upp á líf og dauða.

Henrik Berntsen
- Tveimur vikum eftir seinni skammtinn fékk ég hjartaflökt. Allan daginn var púlsinn í 160, ég get ekkert annað en setið í sófanum, er hræðilega þreyttur og get bara beðið eftir því að flöktið gangi yfir. Ég sé ekki eftir því að hafa tekið bóluefnið en vildi að ég hefði fengið frekari upplýsingar. Ég fór í aðgerð í nóvember í fyrra, en ég fékk bara meiri flökt eftir það. Samkvæmt lækninum hefur þetta verið mjög slæmt tilfelli hjá mér.

Eva Rutledal
- Ég held að ónæmiskerfið hafi veikst eftir tvo skammta, frá þvi um vorið 2021 hef ég verið meira og minna veik. Ég er með mikla verki og nýlega greindist ég líka með „frosna öxl". Ég veit auðvitað ekki með vissu hvort það sé vegna bóluefnisins, en ég þekki líkama minn vel og er ég sannfærð um að það séu tengsl þarna á milli.