Eins og kunnugt er var fremsta tennisleikara heims Novak Djokovic og efsta manni á heimslista í tennis meinað að leika á Opna Miami tennismótinu í vikunni vegna reglna Bandaríkjastjórnar um að þeir sem komi til landsins verði að hafa verið sprautaðir með hinum svonefndu, en gagnslausu, bóluefnum gegn Covid-19.
Í átta manna úrslitum mótsins á fimmtudag léku hinn rússneski Daniil Medvedev sem er í öðru sæti heimslistans og Pólverjinn Hubert Hurkacz. Hafði Hurkacz betur og vann 7-6 (9/7 í framlengingu) og 6-3. Þar sem Medvedev féll úr leik á mótinu við tapið er ljóst að hann mun ekki ná efsta sæti heimslistans, en sigur á mótinu hefði tryggt honum efsta sætið.
Líkamlegir erfiðleikar hjá Medvedev
Eftir leikinn sagði Medvedev að líkamlegir erfiðleikar hefðu gert úti um möguleika hans á sigri í viðureigninni og um leið að endurheimta efsta sæti heimslistans.
„Allan leikinn leið mér ekki sem best“ sagði Medvedev. „Eftir erfiða kafla í leiknum átti ég í erfitt með að ná andanum. Ég jafnaði mig ekki nógu hratt. Maður verður bara að berjast en í öðru settinu leið mér undarlega.“
„Mér líður ekki oft svona en það gerist stundum þegar það er heitt. Kannski var þetta hitinn en ég fann fyrir svima og þreytu og á kafla í leiknum gat ég ekki gefið upp.“
Í öðru settinu hafði Medvedev óskað eftir aðstoð sjúkraþjálfara.
„Sjúkraþjálfarinn gaf mér eitthvað,“ sagði hann. „Maður veit aldrei. Maður vonast eftir kraftaverki en þetta virkar ekki alltaf þannig.“
„Krampi, krampi, krampi“
Hurkacz lék vel í leiknum og nýtti sér erfiðleikana sem Medvedev átti við að stríða til hins ýtrasta.
Erfiðleikar Medvedev voru hins vegar ekki úr sögunni strax eftir að leiknum lauk.
„Venjulega myndi ég bara sitja aðeins í búningsklefanum en svo fór ég að fá krampa,“ sagði hann. „Ég fór í sturtu og leið aðeins betur. Þegar ég síðan settist niður, var ég mjög þreyttur og fór að fá krampa í alla vöðva ... krampa, krampa, krampa. Ég var eins og fiskur í sófanum.“
„Þetta er ekkert alvarlegt. Ég mun sennilega vakna [á morgun] og verða í lagi, en það er ekki gott að ég sé úr leik.“
Medvedev átti í vandræðum með uppgjafir sína allan leikinn. Til dæmis var árangurshlutfall hans í fyrstu uppgjöf aðeins 43% og það á sama tíma og hann reyndi að halda sér inni í leiknum í fyrsta settinu. Þrátt fyrir að honum hefði tekist að halda sér inni í leiknum réð hann ekki við Hukacz og sérstaklega uppgafir hans.
„Ég vissi að Hubert gæti spilað frábæran tennis og það var mikilvægara að vinna viðureignina en að ná efsta sæti heimslistans“ sagði Medvedev. „Það hefði verið bónus.“
Þess má geta að Hurkacz tapaði í undanúrslitunum í gær fyrir hinum 18 ára gamla gegn Carlos Alcaraz frá Spáni og komst því ekki í úrslitaleiknin sem leikinn verður á morgun.
Tennisleikarar eins og margir aðrir íþróttamenn í vanda eftir sprauturnar
Eins og kunnugt er var Novak Djokovic einnig meinað að taka þátt í Opna Ástralska meistaramótinu í janúar sl. vegna þess að hann vill ekki láta sprauta sig.
Rafael Nadal, sem er í þriðja sæti heimlistans, nýtti sér það og hafði sigur í því móti. Í síðasta mánuði lenti Nadal hins vegar í miklum öndunarerfiðleikum og fékk verk fyrir brjóstið á móti í Kaliforníu og féll úr leik. Nadal var ekki með á mótinu í Miami.
Þá má geta þess að tveir af fremstu tennisleikurum Frakklands hafa glímt við líkamlega vandamál eftir sprauturnar og fjallað opinskátt um það eins og Fréttin sagði frá.
Þessu til viðbótar má nefna að hin bandaríska Nelly Korda, sem situr í öðru sæti heimslistans í golfi, tekur ekki þátt í fyrsta risamóti ársins sem stendur núna yfir í Bandaríkjunum vegna blóðtappavanda sem upp kom hjá henni í mars sl.
