Japanski þingmaðurinn Hirofumi Yanagase sagði í ræðu í gær að gríðarleg aukning dauðsfalla í Japan væri augljós. Dauðsföll hefðu árið 2022 farið umfram 1.580 þúsund sem væri mesti fjöldi síðan í seinni heimsstyrjöldinni. Miðað við árið 2021 hefði dauðsföllum fjölgað um meira en 140 þúsund. Ef miðað væri við árið 2020 hefði dauðsföllum fjölgað um 210 þúsund á árinu 2022. Það lægi fyrir að COVID hefði ekki valdið öllum þessum dauðsföllum. Það hlytu að vera aðrar ástæðu eins og Covid „bóluefnið“. Hann spurði hvort ríkisstjórnin væri að rannsaka þetta vandamál.
Yanagase sagði að Japan væri yfirfullt af fólki sem væri að kvarta yfir vanlíðan eftir að hafa fengið Covid sprautur. Hann hefði fylgst náið með kerfinu sem á að taka við tilkynningum vegna mögulegra aukaverkana af Covid „bóluefnunum“ og spyrði sig hvort það kerfi væri að virka eðlilega.
Í einungis tilkynntum málum hefðu orðið 2001 tilfelli þar sem grunur væri um dauða af völdum „bóluefnisins“. Samkvæmt heilbrigðisráðherra Japans hefðu verið framkvæmdar krufningar í 52 tilfella þar sem talið væri að tengsl væru á milli „bóluefnisins" og andlátsins. Þrátt fyrir það væri aðeins eitt tilfelli komið fram [að mati stjórnvalda] þar sem talið væri að „bóluefnið“ hefði orsakað dauða.
Dánarorsök ókunn?
Sagði þingmaðurinn að það væri ótrúlegt að þrátt fyrir að yfir 2000 einstaklingar hefðu látist í kjölfar „bólusetningarinnar“ væri ekki hægt að ákvarða dánarorsök í meira en 99% tilfella vegna ónægra upplýsinga.
Þingmaðurinn spurði því næst í ræðu sinni: „Undir þessum kringumstæðum, hvernig getur áhættan af „bóluefninu“ verið almennilega metin undir þessum kringumstæðum?“
Hann spyrði sig að því hversu miklar upplýsingar þyrfti, þegar búið væri að framkvæma krufningu og komið væri í ljós að tengsl væru á milli „bóluefnis“ og dauðsfalls. Með öðrum orðum, það væru mörg grunsamleg tilfelli þar sem „bóluefnin“ væru líklegur orsakavaldur dauðsfalls, en ef öll þeirra væri ákvörðuð þannig, að hafa engin þekkt orsakatengsl, væri verið að horfa fram hjá raunverulegri áhættu [af notkun „bóluefnanna“].
Tók þingmaðurinn dæmi um mann á þrítugsaldri sem hefði látist þremur dögum eftir að hafa fengið seinni skammtinn af Covid „bóluefninu“. Dánarorsök hans var hjartavöðvabólga. Benti þingmaðurinn á að hjartavöðvabólga er almennt viðurkennd sem dæmigerð aukaverkun af völdum Covid sprautanna. Til viðbótar, í kjölfar krufningar, ályktuðu læknar að það væru tengsl á milli „bóluefnisins“ og andlátsins. Þrátt fyrir þetta augljósa tilfelli, var það mat matsnefndar sem kostuð væri af ríkisstjórninni, að ekki væri hægt að ákvarða dánarorsök vegna skorts á upplýsingum.
Þingmaðurinn bar síðan saman dauðsföllin við tilkynnt dauðsföll af völdum hefðbundinna flensubóluefna. Sagðist hann ítreka að það væri mjög óvenjulegt að tilkynnt hefði verið um meira en 2000 dauðsföll eftir Covid „bólusetningar“. Á árinu 2021 hefði aðeins verið tilkynnt aðeins sjö dauðsföll í kjölfar flensubólusetninga. Samkvæmt útreikningum hans væru tilkynnt dauðsföll 38 sinnum fleiri eftir Covid „bólusetningar“ en tilkynnt duaðsföll eftir flensubólusetningar.
Hér má hlusta á ræðu þingmannsins:
