Gústaf Skúlason skrifar:
Hermenn Ísraelshers gerðu óhugnanlega uppgötvun á læknastofu, þegar þeir fundu sjálfsmorðssprengjuvesti fyrir börn. Á læknastofunni fannst einnig mikið magn sprengja og handsprengja.
Sókn Ísraelshers sífellt nær innsta vígi hryðjuverkasveita Hamas kemur stöðugt með nýjar upplýsingar um þá grimmd sem einkennir hryðjuverkamennina. Þá sömu og brenndu og afhöfðuðu ísraelsk börn þann 7. október. Hryðjuverkamennirnir hika ekki við að nota saklaus börn á Gaza sem sjálfsmorðssprengjuliða í heilaga stríðinu gegn Ísrael.
Hryðjuverkasveitir Hamas byggja vígahreiður í skólum, moskum og heilsugæslustöðvum
Ísraelskir hermenn fundu sjálfsmorðssprengjuvesti í barnastærð í árás á norðurhluta Gaza. Frá þessu greindu ísraelskir fjölmiðlar frá á aðfangadag með vísun í heimildir hersins. Að sögn voru sjálfsvígsvesti barnanna falin inni á sjúkrastofnun. Ísraelski útvarpsmaðurinn Arutz Sheva sagði:
„Hermenn Ísraelshers gerðu hina skelfilegu uppgötvun á heilsugæslustöð sem geymdi einnig tugi sprengjuvarpa og hundruðum handsprengja.“
Í tilkynningu varnarmálaráðuneytisins segir:
„Hermennirnir fundu vopnabúr Hamas inni í borgaralegu mannvirki á norðurhluta Gaza-svæðisins Sprengibelti fyrir börn, tugir sprengja, hundruðum handsprengja og leyniþjónustuskjöl fundust inni í húsinu, sem var staðsett við hliðina á skólum, mosku og heilsugæslustöð.“
Konur og börn send í sjálfsmorðssprengjuárásir
Sjálfsmorðsvestin sem ætluð eru börnum voru afhjúpuð í tengslum við fregnir af því að Ísraelsher hafði drepið meira en 8.000 hryðjuverkamenn Hamas og bandamanna þeirra síðan aðgerðin gegn hryðjuverkasamtökunum hófst eftir fjöldamorðin 7. október. Undanfarna daga hefur Hamas sent konur í sjálfsmorðssprengjuleiðangra. Eru þær huldar búrku eða álíka og ráðast á ísraelska hermenn á Gaza.
Soldiers of the 261st Brigade, the Bahad 1 officers' school in war time, found a large cache of weapons used by Hamas in a building where civilians were sheltering in northern Gaza.
— Emanuel (Mannie) Fabian (@manniefabian) December 24, 2023
The IDF says the building is located near a school, mosque, and clinic, and inside the troops… pic.twitter.com/jk7IDjTgnn
Ísrael telur að Hamas hafi allt að 30.000 hryðjuverkamenn. Margir heilagastríðsbardagamenn eru núna farnir að gefast upp fyrir ísraelska hernum. Aðrir fela sig í hryðjuverkagöngum í íbúðahverfum og vonast til þess, að alþjóðlegur þrýstingur muni þvinga Ísraela til að hætta hernaðaraðgerðum, áður en þeir nái markmiði sínu að losa Gaza við Hamas. Samkvæmt frásögn ísraelska hersins hafa mörg víghreiður hryðjuverkamannanna verið eyðilögð sbr. myndskeiðið á X hér að neðan. Þar fyrir neðan er myndskeið með lýsingu Sapir Cohen 29 ára, sem var sleppt úr gíslingu eftir 55 daga hjá Hamas og Moran Stella Yanai 40 ára sem var í gíslingu Hamas í 45 daga. 129 gíslar eru enn í haldi hjá hryðjuverkamönnum Hamas.
#Watch: IDF making progress in one of the strongest Qhamas strongholds in Khan Yunis, Gaza pic.twitter.com/jDUpx5v5JD
— Open Source Intel (@Osint613) December 24, 2023
