Helga Dögg Sverrisdóttir skrifar:

Deild WHO (Alþjóðlegu heilbrigðisstofnuninnar) sem hefur með Dei (Diversity, Equity, Inclusion) að gera býr til nýjar leiðbeiningar. Þar er lögð áherslu á fimm þætti: framboð á kynstaðfestandi meðferð, þar með talin hormón; menntun og þjálfun heilbrigðisstarfsmanna til að veita meðferð án aðgreiningar vegna kyns, að veita trans og kynfjölbreyttu fólki heilbrigðisþjónustu sem hefur orðið fyrir ofbeldi í mannlegum samskiptum út frá þörfum sínum; heilbrigðisstefnur sem styðja við meðferð án aðgreiningar kyns og lagalega viðurkenningu á sjálfsákvarðaðri kynvitund. Þetta skrifar líffræðingurinn Kåre Fog á snjáldursíðuna Kønsdebat.

Áhersla þeirra er aðallega á „kynstaðfestandi meðferð“ (það er í reynd kynbreytandi meðferð) með hormónum og skurðaðgerðum. Leiðbeiningarnar munu hafa áhrif á lækna og hjúkrunarfræðinga o.fl. um allan heim.

Ég vek sérstaka athygli á því að í leiðbeiningum WHO, segir Kåre, verður því haldið fram að löggjöfin eigi að viðurkenna sjálfákvarðaða kynvitund. Þetta þýðir að það verður að vera bundið í lög að öllum sé frjálst að skilgreina hvaða kyni hann eða hún tilheyrir. Að mínu mati er þetta brjálæði segir á síðunni.

Það er nú í auknum mæli hægt að kalla WHO "Woke Health Organization" segir á síðu Kønsdebat.

Í þessari grein segir að Alþjóðaheilbrigðismálastofnunin (WHO) eigi undir högg að sækja fyrir að velja hóp trans aðgerðasinna til að þróa fyrsta alþjóðlegan leiðarvísi sinn, um „kynstaðfesta umönnun.“

Aðaláhyggjunefnið er tilnefning einstaklings sem vill stöðva kynþroska barna með tilheyrandi afleiðingum. Florence Ashley, kanadískur „transfemíninskur, fræðimaður og drusla“ sem hefur talað fyrir „takmarkalausum félagslegum umskiptum“ ásamt „greiðum aðgangi að kynþroskablokkandi lyfjum“ sem á að vera  „sjálfgefinn valkostur“ innan heilbrigðiskerfa.

Það vita það allir sem vilja að kynþroskablokkarar gelda börn. Með vali um slíka geldingu vegna andlegra veikinda verða samfélögin veik, sérstaklega þau sem hampa þessu. Samfélög múslíma og Íslamista sem hafna svona aðgerðum, mun fjölga sér nái þessi stefna fram að ganga. Tímabært fyrir Íslendinga að skella í lás þegar kemur að Alþjóðaheilbrigðismálastofnuninni.

Redduxx skrifaði um málið.