Gústaf Skúlason skrifar:

Rússland er núna orðið ríkara en nokkru sinni fyrr, segir í frétt CNN. Það hefur sniðgengið refsiaðgerðir vestrænna ríkja með því að selja hráolíu sína til Indlands.

Vestræn valdastétt ætlaði sér að rústa Rússlandi með víðtækum refsiaðgerðum gegn landinu. En það gengur ekki eftir. CNN segir í nýrri frétt, að Kremlverjar „hafi aldrei verið ríkari.“ CNN útskýrir:

„Rússland fer inn í sitt þriðja stríðsár í Úkraínu með áður óþekkt peningamagn í ríkissjóði.“

Indland kaupir hráolíu af Rússum, hreinsar og selur til Bandaríkjanna

Metsala á hráolíu til Indlands hefur fært ríkissjóði Rússlands 37 milljarða dollara árið 2023. Að sögn CNN var hluti hráolíunnar hreinsaður í Indlandi og seldur sem fullunnin olía til Bandaríkjanna að verðmæti meira en milljarð dollara. Indverjar hafa þrettánfaldað kaup sín á rússneskri hráolíu miðað við tímann fyrir Úkraínustríðið. Þeir hafa þannig komið í staðinn fyrir þá vestrænu kaupendur, sem geta ekki keypt olíu af Rússum vegna refsiaðgerðanna. CNN segir:

„Rússland er ríkara en nokkru sinni fyrr.“

Aðlögun Bandaríkjamanna að nýjum fjölpóla heimi verður sársaukafull

CNN leggur áherslu á í fréttinni, að Indland sé „mikilvægur samstarfsaðili“ Bandaríkjanna. Prófessor Glenn Diesen skrifar í athugasemd um greinina á X (sjá að neðan):

„Fyrir utan þá afstöðu, að bandarískur samstarfsaðili verði að hlýða Washington, er tilvísun í „löglega“ og „ólöglega“ verslun eingöngu hugtök sem byggja alfarið á einhliða refsiaðgerðum Bandaríkjanna. – Indland er sjálfstætt land, aðlögun Washington að fjölpóla heimi verður sársaukafull.“

Russia is entering its third year of war in Ukraine with an unprecedented amount of cash in government coffers, bolstered by a record $37 billion of crude oil sales to India last year.

Full investigation from @npwcnn and @FlorenceDAttlee: https://t.co/FfHLhSgis8 pic.twitter.com/4uNgSv6Rku

— CNN International PR (@cnnipr) February 19, 2024

Besides the mindset that a US partner must obey Washington, the reference to "legal" and "illegal" trade is terminology based solely on US unilateral sanctions.
- India is an independent country, Washington's adjustment to multipolarity will be painful.https://t.co/lvqqKfokBk pic.twitter.com/8EjRQHYvaN

— Glenn Diesen (@Glenn_Diesen) February 19, 2024