Gústaf Skúlason skrifar:

Alþjóða gullviðskipti lokuðu í sögulegu hámarki s.l. föstudag eftir að fréttir fóru að berast um, að enn einn bandarískur banki hefði fallið.

Bandaríski bankinn „New York Community Bancorp, NYCB“ hefur lent í fjárhagsvandræðum eftir að lánshæfismatsfyrirtæki lækkuðu lánshæfismat bankans í ruslflokk. Seint á föstudaginn varð önnur lækkun og hlutabréfið lækkaði enn frekar, skrifar Bloomberg.

Verð á gulli hækkaði þá úr 2047 í 2090 dollara á únsu. Við lokun viðskipta á föstudag var verðið á gulli á staðgenginu 2.088 dollara á hverja únsu sem er sögulegt hámark. Framvirkt verð í apríl lokaði í 2.095,70 dali á hverja únsu sem er einnig met.

Kreppubankinn NYCB vinnur sérstaklega með eigendum atvinnuhúsnæðis og leigusölum í New York. Ekki er ljóst hversu stór hluti hækkunar gullverðsins stafar af fjárhagskreppu bankans.

Sérfræðingur hjá Pamp gullhreinsunarstöðinni segir við Kitco, að hækkun gullverðs komi í kjölfar mánaðarlangrar stöðnunar og að ekkert hafi breyst grundvallarlega. Hins vegar á eftir að koma í ljós, hvort verðhækkunin heldur áfram af sjálfsdáðum að sögn Pamp.