,,Treystið sérfræðingunum“

[email protected]Innlent2 Comments

Eftir Guðjón Heiðar Valgarðsson:

Fólk segir alltaf "treystum sérfræðingunum" og það er þá bara útrætt.
Af hverju? Af hverju á ég að treysta þeim? Ég hef ekki séð yfirlitið á bankareikningunum þeirra, ég veit ekki hver borgar launin þeirra. Ég veit ekki hvar eða hvernig þeir "djamma". Hverjir þeirra fóru í vafasöm partý á eyðieyjum. Hvort einhverjir hafi eitthvað myndefni eða upptökur sem hægt er að nota gegn þeim.

Ég veit ekki neitt um siðferði þeirra. Veit ég meira en þeir um lyfjafræði? Nei. En þýðir það að sérfræðingar séu ófærir um að ljúga? Er doktorsgráða einhver staðfesting á heilindum? Eru gerðar kröfur um sterkt siðferði til að komast áfram í akademískum fræðum?

Sögðu ekki sérfræðingarnir að Saddam Hussein ætti gereyðingarvopn?
Sögðu ekki sérfræðingarnir að útrásarvíkingarnir væru klókir viðskiptamenn?
Hafa ekki svokallaðir sérfræðingar sagt ýmislegt í gegnum söguna sem reynst hefur verið ósatt?

Ég er hinsvegar sérfræðingur í samsærum. Þér kann að finnast það hlægilegt og hugsa "lol einhver youtube myndbönd" en nei. Ég er búinn að rannsaka þær frá öllum hliðum í næstum tvo áratugi. Sú þekking sem ég hef öðlast á þeim tíma er gríðarlega yfirgripsmikil.

Ef þessi fræði væru kennd í háskóla væri ég með doktorsgráðu. Eðli málsins samkvæmt er það auðvitað ekki þannig. Fæstir geta gert sér í hugarlund að einhver baktjaldamafía geti sölsað undir sig svo mikil völd að hún geti skipulagt samsæri af þeirri stærðargráðu sem um ræðir í þessu máli. Menn eins of Þórólfur eru pínulítið peð í því samhengi.
"Haldiði að allar ríkisstjórnir heims hafi bara tekið þátt í þessu?" Já.

Vegna þess að þessi öfl hafa með sínu tangarhaldi á seðlabönkum heimsins geta tryggt að sínir útsendarar komist í þær valdastöður sem þarf til að samsærið geti virkað. Þau hafa tryggt að þeirra bandamenn hafi öðlast eignarhald á þeim fjölmiðlum sem stór hluti almennings (þó blessunarlega minnkandi) tekur mark á.

Það er ástæða fyrir því að alls staðar í heiminum er sambærileg spilling, misrétti og auðlindasóun í gangi. Það er ástæða fyrir því að Epstein og Maxwell léku lausum hala svona lengi. Jimmy Savile á undan þeim. Og svo margir, margir fleiri.

Það er ástæða fyrir því að svo margir áhrifavaldar innan samfélagsins hafa reynst siðblindir skíthælar. Kevin Spacey. Marilyn Manson. Helmingurinn af Hollywood stjörnum.

Þetta er kerfisbundinn og rótgróinn spillingarkolkrabbi sem hefur teygt anga sína út um allan heim. Ef þú heldur að hann sé ekki hérlendis þá ertu ekki að skilja. Hann er alls staðar. Það að einhver tali sama tungumál og þú tryggir ekki að viðkomandi kunni ekki að ljúga eða geti ekki verið gráðugur og siðblindur.

Það sem er í gangi núna er þeirra stærsta útspil. Lokaslagurinn. Hjá þeim er allt undir. Ef þetta misheppnast hjá þeim eru þau úr sögunni. Fyrir þeim er þetta bæði spurning um algjöra drottnun og á sama tíma sjálfsbjargarviðleitni.

Ef almenningur áttar sig á þeim fjölmörgu hroðaverkum og glæpum sem framin hafa verið í nafni þessarar mafíu þá mun fiður og tjara ekki duga sem refsing.
Ef þú ert svona staðráðin/n í að treysta sérfræðingunum þá máttu bara alveg treysta mér fyrir þessu. Ég lofa að ég hef rannsakað þessi mál betur en langflestir þeirra sem tjá sig hæst um þetta.

Eða jafnvel enn betra... ekki treysta mér. Ekki treysta Þórólfi. Treystu sjálfum þér. Kynntu þér allar hliðar málsins, líka þær sem þú ert búinn að ákveða fyrirfram að séu rugl.

Í upphafi faraldurs var fullyrt að vírusinn hefði myndast út af náttúrulegum orsökum. Leðurblökusúpa... sögðu þau. Í dag er orðið viðurkennt að sú saga er ósönn og telja nú flestir "sérfræðingar" að hún hafi verið búin til í veirutilraunum í rannsóknarsetrinu í Wuhan.

Sky News í Ástralíu hafa gert þessu góð skil. Hvernig væri að byrja þar? Eitthvað sem var "samsæriskenning" í upphafi en er nú almennt viðurkennt.
Án þess að vilja hljóma of dramatískur þá er líf, velferð og framtíð alls mannkynsins í húfi. Tíminn er líka naumur. Nú er verið að ræða af alvöru að sprauta börnin. Þetta er ekki æfing.

Ef þú ert ein/n af þeim sem hefur sent mér skilaboð eða komið til tals við mig til að segja mér að þú sért sammála en sjáir þér ekki fært að tjá þig vegna vinnu eða stöðu almennt þá er það alveg gott og blessað. Ef það er afstaða þín þá vona ég samt innilega að þú prófir að setja vinnu þína og stöðu í aðra höndina og framtíð og velferð mannkyns til frambúðar í hina. Athugaðu hvort vegur þyngra. Hugrekki þitt getur skipt sköpum.

Ef við töpum þessu stríði þá verður vinna þín ekkert skjól og staða þín engin huggun. Þú munt sjá eftir því að eilífu að hafa ekki tjáð þig meðan það var ennþá valkostur.
Það er augljóst að öldurnar eru að snúast í rétta átt en það er líka gríðarlega mikilvægt að við mönnum öll árarnar og róum bátnum í örugga höfn. Hömrum þetta járn sem fastast á meðan það er heitt.

Meðbyrinn er okkar og þeim fjölgar á hverjum degi sem geta ekki lengur skolað niður cool-aidinu án þess að verða óglatt. Það fer ekki framhjá fólki þegar íþróttastjörnur hrynja niður í unnvörpum. Þegar samfélagsmiðlar loga með sögum af hryllilegum afleiðingum sprautunnar og skelfilegum aukaverkunum en stóru miðlarnir láta eins og ekkert af þessu sé að eiga sér stað.

Ég tala nú ekki um á meðal þeirra sem létu sprauta sig í góðri trú en hafa nú hlotið skaða, í mörgum tilvikum varanlegan. Það er brútal leið til að vakna og ég óska engum þess. Það sem ég vona þó heitast er að enginn þurfi að vakna eftir að hafa skaðað barnið sitt með þeim hætti, hafandi ákveðið að treysta dularfullum "sérfræðingum" fyrir þeirri ákvörðun.

Þetta er rökvilla sem heitir "Appeal to authority" á ensku og hún er sú sem allir sprautusinnar kyrja núna í von um að það kæfi alla rökræðu og allar vísindalegar efasemdir.

Þetta hættir um leið og mörg okkar átta sig, tjá sig og streitast á móti.
Þegar öllu er á botninn hvolft, hvort forðastu fordæmingu frænku þinnar eða fasistafótspor á andliti mannskepnunnar það sem eftir er meira?

Fyrir mér er það ekki spurning. Streitumst á móti. Stöðvum þessa bilun. Endurheimtum frelsi okkar og afhjúpum blekkingarnar. Þá fyrst getum við svo sannarlega og fyrir alvöru fagnað sigri ljóssins.

2 Comments on “,,Treystið sérfræðingunum“”

  1. Það er gott að sjá að það eru ekki bara galtómir „bubbar“ þarna úti 🙂

  2. Víða um heim byrjar heilaþvotturinn strax í æsku þegar börnin mæta í skóla. Þeim er kennt að „hlýða“ og „trúa“ yfirvaldinu og sérfræðingunum sem séu handhafar sannleikans. Skólakerfið er hannað þannig að þeir sem tikka í öll boxin fá umbunina og góðar einkunnir upp í gegnum háskóla og eiga greiða leið upp upp valdapíramíddan ef þeir halda áfram að gangast undir valdi „sérfræðinganna.“ Þeir sem eru óþekkir:Efast, spyrja erfiðra spurninga og játast ekki valdinu verða útskúfaðir og komast lítt eða ekkert áfram.

Skildu eftir svar

Netfang þitt verður ekki birt.